رقم قياسي للسوبر!!لايدخل الا اللي معه سوبربنلي [الأرشيف]

مشاهدة النسخة كاملة : رقم قياسي للسوبر!!لايدخل الا اللي معه سوبربنلي

ابو برزان

12/02/2006, 03:35 AM

بعد التحية

والله ماسبق اني قست قياس لشيء رميته لقناعتي بالسوبرولكن بعد مادخلت هالمنتدى قمت بكل شيء ارميه احسب المسافه هههههههه لان فيه البعض هنا يشكك بقدرات السوبر0

اليوم ياجماعه رميت نحمتين وهن بالماء وبطلق واحد قرنت الثنتين والله ثم والله مارفرفت جنحانهم يعني وفاه سريعه ، كان معي اربعه وكانو يبون يطيرونهن عشان يرمون طيار ويبدى التحدي لكل واحد دوره بالرمي ، لأني طلبت منهم أني ارمي الأول بجرب السوق واذا طاروا فهن لهم يرمونهن طيار ،الكل أنذهل لأن المسافه بعيده انا وبصراحه قد رميت مثلهم كثير بس ما حسبت المسافه ولكن اليوم حسبتها والله جنبي اثنين واحد احس انه اشهب وعينه حاره يوم وصلت نص المسافه قصرت صوتي هههه

المهم المسافه كانت 143 متر
نوع الفشق كاكي حجم الحلبي صفر وقوته 38 ،، g38 / 0
نوع الشوكه : صفر صفر ام وصله
البطتين ماتو بلحظه وهذي الزبده لو كانو صواب كان ماكتبت الموضوع

سلمولي على السوبر مافيه غيره بندق وربي بندق اذا شلتها بيضت وجهك وأطربتك وطيبت خاطرك ماهي حسافه فيها لو تشريها بأي مبلغ0

انا اتحدى اي بندق غير السوبر ترمي كذا حتى لو كان يرمي بفشق ضغطه الفين0

*الـزيـن*

12/02/2006, 04:35 AM

ما شاء الله

الله يعطيك العافيه ابو برزان

وكلامك في محله

ابو برزان

12/02/2006, 05:19 AM

هلا بالزين

الله يعافيك واشكر مرورك

تحياتي

شلهوبي

12/02/2006, 10:05 PM

يابو برزان وش قصدك ب( صفر صفر ام وصله ) نورنا وبعدين توني شاري لي سوبر وما على الشوك أرقام

ابو برزان

14/02/2006, 02:47 AM

هلا يالشلهوبي

الشوكه او الوصله صفر الصفر ماتجي مع البندق واللي يجي مع البندق خمس شوكات فقط من واحد الى خمسه ومافيها اصفار او اي وصل او شوكات غير الخمس واللي عندك تقدر تعرف وش رقمه من نفس الشوكه تلاقي نجمات مثلا شوكه رقم واحد تلاقي نجمه وحده زي هذي * ورقم ثنين نجمتين كذا ** الخ والشوكات اللي تجي مع البندق هي زي اللي في الصوره واللي بالصوره شوكات السوبر القديمه أما الجديده غير في الشكل واللون والمضمون ولكن حطيت لك الصوره عشان تعرف ترتيبهم وعشان تعرف الوصل اللي عندك وش أرقامهم لأنك تقول ما عليهم أرقام
http://alsam7.jeeran.com/images/benelli/super04.jpg
ملاحظه : الصوره تعود ملكيته لأخوي السمح في موضوعه بنللي : سوبر بلاك إيجل

واذا كنت تبي السوق فأفضل الشوكات اللي عندك هي رقم واحد
والصفر هو اقل من الواحد يعني أفضل من الواحد سوق ، وصفر الصفر اقل من الصفر يعني صفر الصفر افضل من الصفر0والأصفار زي ماقلت لك مايجي مع البندق تشتريه لحاله وهو للسوق0

والأصفار تقدر تميزها عن الشوكات أنها في الأغلبيه او الموجود بالسعوديه يكون لها وصله خارجيه اللحين الشوكات الخمس اللي عندك مالهم وصل خارجيه واقصد بوصله خارجيه يعني اذا ركبتها تطول الماصوره ، وهذا اللي اعرفه او المتواجد ولكن فيه افضل بس مايجينا وفيه اشكال كثيره للصفر 0 أنصحك بقرائه مواضيع الأخ الرماي وله ثلاث مواضيع عن موسوعة الشوكات

والصوره هذي هي شوكات السوبر الجديده وتشوف الشوكه الأولى او اللي على اليمين لها وصله خارجيه يمكن ثنين سنتي والثانيه مالها وصله زي اللي عندك وهذا مايعني ان اللي له وصله انها صفر0 او ان اللي في الصوره يعني صفر ولكن حطيته حتى تشوف الفرق 0
http://www.mekshat.com/pix/upload/images5/mk6293_crio-chokes.gif
ملاحظه : هذه الصوره تعود ملكيتها لأخ Eagle في موضوعه: جيل جديد من بنلي

أما عن وصله صفر صفر ترى بصراحه حنا بحايل نسميها صفر الصفر ما ادري وش يسميها الأخوان ولكن مكتوب عليها :
BNL **-Made in ltaly
<< تلاحظ بالأسم وجود نجمتين هذا يعني انها صفر الصفر

الصفر تكون الوصله الخارجيه بعد التركيب بالبندق مايقارب الأربعه سانتي وهي نفس شكل صفر الصفر0

واللي انا مركبها صفر الصفر طول الوصله الخارجيه اذا ركبتها ببندقك بعد الخرط تسعه ونص سانتي يعني تطول ماصورتك تسعه ونص سنتي وهذا غير ان الشوكه اللي بالوصله شوكه صفر
وهي أساساً ماتركب على السوبر لازم تسوي لها خرط بالمخرطه على طول الشوكه الأصليه حقت بندقك هي بسيطه بس يبيلها دقه شوي بالخرط 0

أتمنى أني أفدتك وأذا فيه استفسار او ما استوعبت كلامي او صار عندك لبس أسئل وأجاوبك باللي أعرفه لأني أكلمك بحكم معرفتي وتجربتي والموجود لدينا فيمكن يجي أحد من الأخوان من الكويت ويقول مايحتاج خرط لأن عندهم محلات ووكالات للبنادق ويلاقي صفر بدون خرط ولكن حنا بالسعوديه ماعندنا فنضطر للترهيم ووو0

تحياتي لك

*الـزيـن*

14/02/2006, 05:05 AM

يعطيك العافيه على الشرح الوافي

وتسلم يمينك اخوي ابو برزان

عندي سؤال بس ياليت تفيدني فيه

وش الفرق في السوبر اذا قالك ام 1 او ام 2 وايش الاحسن

وتسلم ماقصرت حبيبي

البرحه

14/02/2006, 05:36 AM

المثل يقول (الخيل من ركابها) ماشاء الله عليك
ترا الفشق له دور كبيييييييييييييييييير
والسوبر ما يبين طيبها الا اذا صار الفشق فوق 36
لكن لو كان نوع ثاني ما اظن النتيجة بتكون مثل ما هي
انا اشهد ان الي صنع هالفشق كااااااااافر
كان مع واحد من العيال ام حبه تحوم التسبد
ونرمي بالفشق الي قلت لكن نمرة 3
حرام بالله انه يراجل النحم في قلب السماء والي ما صدق تراني حلفت
ولاهيب صدف اكثر من مره
ومراجل به 18 سواديه في ا لارض لدرجة اني بعت عليه الدسته ب 180 وشرا الي عندي كله

ترا البنق طيبة بس الفشق اطيب

الصياد المحترف

14/02/2006, 05:59 PM

اخوي مبروك عليك ما صدت وبالنسبة للشوك صفر يعني اكسترا فول والصفر صفر هو التيركي شوك اضيق من الأكستر فول وبالنسبة للرصاص هو الكاشيا الأزرق الأيطالي وهو نوع ممتاز جدا والأفضل منه النوع الي يجي 38 جرام بني ومكتوب علية (caccia) لكن السوبر من النوع الجديد او النوع الأول . لا تستغرب من سؤالي لأن فيه سبب وهو اختلاف في صناعة المواسير بينها.

حيدره

15/02/2006, 06:18 AM

ما شاء الله السوبر بندق ما عليها كلام وانت محترف بدون كلام تسلم هالايادي اخوي

اخوي البرحه الله يكفينا شر الطمع .... عشان اعجبه الفشق تدبله عليه ؟؟؟

هذا وهو رفيقك شلون الجنب واللي مالك فيهم علاقه :)
( امزح )

نعمان الفهمان

15/02/2006, 01:13 PM

اخوي الصياد المحترف
وش الفرق بين القديم والجديد
انا توي شاري جديدة فيبر اسود
الشوك حقتة نيكل هل هي افضل من القديمة الخشب وشكرااااااااااااا

الصياد المحترف

17/02/2006, 06:44 PM

اخوي نعمان الفهمان الفرق بسيط الماسورة تغير تصنيعه صارت الشوكات طويلة ونيكل مثل البريتا الأكستريما اطول من الأولات واحسن رمي والفيبر والخشب والمموهه سوى نفس الشي .

ابو برزان

17/02/2006, 07:37 PM

بعد التحية

هلا بالزين

وش الفرق في السوبر اذا قالك ام 1 او ام 2 وايش الاحسن

والله اظن ان ام واحد هي القديمه وام ثنين هي الجديده ويعني موديل 2 هذا والله اعلم

هلا البرحه
أشكر لك مرورك وعلى تعقيبك وانت صادق الفشق ممتاز ولكن أنا اقصد أنه الفشق هذا مع غير السوبر مايسوي شيء و سبق لي أن جربته بأم خمس بلجيك وماسوى ماتسويه السوبر0
وأنت حلفت وقلت ( حرام بالله انه يراجل النحم في قلب السماء والي ما صدق تراني حلفت ) وأن أحلف معك والذي لا أله الا هو أني منزل أمس الخميس نحم من قلب السماء ام لدرجه أني رميت أربع أطلاق ولما طاحن ثنتين من السماء أن وقفت الرمي وماني مصدق ماشافت عيني لأني رميتهم وهم بعاد مره ورميت من القهر بفرغ القهر بس وتفاجئت بالنتيجه واللي خلاني اتفاجئ وأندهش أن النحمتين طاحو من السماء زي مايطيح الحجر يعني اسقاط جوي ماهو صواب يعني ماتوا بنفس اللحظه0

تحياتي لك

هلا الصياد المحترف

السوبر أكيد من النوع الجديد وهو الأفضل أنصحك بها أذا عندك من النوع القديم بيعه بنص قيمته ولاتتردد فالنوع الجديد مجنون وربي وزي ماقلت في الأول الجديده مطوره ماصورتها وشوكاتها غير0 أغلب الأخوان يغيرون الماصوره لماصوره بلجيك فأقولها وبكل ثقه هذا بالنوع الأول والنوع الثاني مايبيله تغيير0

تحياتي لك

ابوقاسم

17/02/2006, 11:48 PM

والنعم بالسوبر بس الخيل من خيالها مثل ما قالوا الشباب
بس وانا اخوك ما على البراوننج الفيوشن ..............
تراني منزل بها من قلب السماء طير شهرمان ولا نزل رواسي بل حذفته بعيد حول الخمسين متر لورى يعني شالته من محله وهو طاير من قوتهامع العلم ان الفشق ابو غزال البرتقالي رقم6
مع العلم ان الشوك ماهو فل هو رقم 2

ابو برزان

18/02/2006, 03:31 AM

هلا بالغضى

ونعم بالبرونج بس يمكن ممرماك ماوصل 140 متر هههه امزح

على فكره أنا قناعتي بالسوبر لو تصور لي البرونج وهي تهد جدار ما اقتنع بغير البنلي أعتبرها قناعه نفسيه0

تحياتي

ابوماضي

18/02/2006, 08:14 PM

حياك الله اخوي ابو برزان ...
والله انك صدقت .... السوبر ممتازه مررره بس يبي الواحد يعرف يرمي فيها .......وكذالك من المعلومات ان السوبر مرغوبه في جميع العالم خاصه في امريكااا ......خيال الناس عليها يعني يرغبونها مررررره وخاصه (الكورتبا )
وهذا دليل على جودتها .....لاحظ مستر (توم ناب) افضل رماي في العالم ..... مايرمي الافيها ...
اما بنسبه لي انا لايمكن افرط فيها ابدا .....

شلهوبي

04/03/2006, 06:50 AM

يا حبيبي أبو برزان سؤال صغير من غشييم توه شاري له سوبر وكثير أسئله س / إذا أردت الرمي على شيئ أخلي الحبه في وسط الطير أو تحت ولا فوق ( طيار )
وإذا كان هناك طيور على الأرض أحط النيشان على القريبه ولا البعيده ( والسؤال للي عنده خبره بس بحكم أن أبو برزان متصد راس المجلس له الحق ولا يهون الجميع)

شلهوبي

04/03/2006, 06:53 AM

ابو برزان

05/04/2006, 02:40 AM

بعد التحيه

هلا شلهوبي

أسف على تأخيري لأني والله ما أفضي هذي الأيام

وإذا كان هناك طيور على الأرض أحط النيشان على القريبه ولا البعيده

حطه على القريبه

وانا رديت على موضوعك بأستفسارك وشرحت لك ويعلم الله اني مادريت انك سئلت هنا وعلى الرسائل0

تحياتي