مشكله دبل جمس 95

[خآإلد]

السلآم عليكم رحمه الله بركآته

شلونكم يالربع عسآكم طيبين

عندي جمس موديل 95 الدبل مايشتغل

الدبل ارضي اذا عشقته يطلع له صوت ولا تشتغل لمبات بالطبلون

والكفرات ماتدور ابد اذا عشقته بس ورى تدور من شريته وهو بهالحال

وقلت آستشيركم ، بدل ماوديه الورش ونطيح بحرآمي ونبتلش

اذا ، تعرفون ورشه ممتآزه بالرياض او القصيم اذا ماعليكم آمر

آو شخص مرت عليه هالمشكله يقول لنآ وش حلها لاهنتم

[حاضر بالنواظر]

اخوي بالنسبة للورشة فيه ورشة في القصيم بنفس موقع التشاليح بعد ماتتعدى ميزان الخردة والحديد الظاهر اسم الورشة العثمان والي يشتغل فيها سعودي هو صاحب الورشة يقاله ابو عبد الرحمن وعماله فلبينه والورشه كلها جيوب وجموس جدد تبي تستغرب اذا دخلت ورشته تقريبا السيارات الي عنده 40 سيارة وتخصص دبلات
انا قبل رحت له ابفحص جمس 2008 دبل وفعلا الرجال فاهم
بالنسبة للدبل له عده احتمالات يمكن من حساس الدبل دايم يخرب بس أفضلك ودها لشخص متخصص

[خآإلد]

يعطيك العافيه على الاجابه الصريحه

[خآإلد]

وينكم يالربع اللي يعرف ورش في الرياض

[الإستراتيجي]

خل عنك الورش


شوف هل يعشق الدبل صح ولا يطق بالحديد حق الديكور


أنزل تحت وشوف القير من تحت فيه وزنيه للقير الدبل


حاول تزيد الوزنية ممكن تكون المشكلة في وزنية القير فما يعشق الدبل


لأنه مرت علي وكان كل واحد يتضرب في بقطع لين جيت صاحب ورشة كذا من عندي دخلت عليه

فحص الجمس وقال عشق فعشقت قال فك فكيته

بعدها وزنها قال عشق وطلعت المشكلة منها

وكثير يبون مني 500 وورش 2000 و إلي أفتى بخراب القير للأسف ما أقتنعت من كلامهم

ولما رحت الورشه وسوا لي الوزنية قال 20 عطيته 100 وقلت هذه لأمانتك وبينت له أنه شخص أمين فحبيت أني أدعمه

وخوفي أنه يطمع ويبدأ يشتغل بكلمة أمانة

[خآإلد]

الدبل يعشق مافيه مشكله

حتى يوم اعشق الدبل ثقيل خشم الموتر يرتفع

والتعشيق شغال مافيه شي

المشكله الكفر مايدور

والا التعشيق يعشق

[الفيروزي]

السلام عليكم
أخوي شيك على الضراب يمكن تعطل في حال أنه عطلان غيره وراح تولع عندك اللمبات ويشتغل الدبل

تحياتي وبالتوفيق

[xX_أبهاوي_Xx]

هذي المشكله من حساس الدبل في الدفرنس الأمامي
دام موترك موديله 95 :
انزل تحت السيارة من جهة الراكب في الدفرنس الامامي تلقى حساس دبل مثل هذا
فك الخابور نفسه وخله مشبوك بالفيش وجرب تشبك الدبل إن شفته تحرك الخابور .. فاعرف انه سليم ومابه شئ
وإن كان ماشفته تحرك ابد لابخفيف ولابثقيل فكه من الفيش وغيره

وهو أكثر مايخرب في دبلات الجموس من 92 إلى 99 وهذي صورة لمعرفة الحساس

http://www.up.s7n7.net//uploads/images/s6db2421d7a.jpg (http://www.up.s7n7.net//uploads/images/s6db2421d7a.jpg)

أتمنى إني أفدتك