يوسف الخليفة1
27/10/2011, 08:44 PM
بسم الله الرحمن الرحيم
السلام عليكم ورحمة الله وبركاته
يالله يا منشي مراهيش الامطار=يا مروي العطشان من جمة البير
يا مبخر الما العذب من شط الابحار=وامكثفه فوق المزون المزابير
بين الرطوبه والهوا الناشف الحار=والمنخفض والمرتفع والمعاصير
تسوقه الارياح بامرك للاقفار=اللي من اتلا العام الاول مداهير
اليا انشت القبله غدا دونها غبار=يلوي ويصفق بالهشيم المشاجير
من الذواري بالدهر حزمها بار=والتمرة الحلوه غدا فوقها غبير
لين ارعدت بالجو واغبارها ثار=والبرق يلسب عاليات المواكير
هلت هماليل المساويد نثار=ضيق الوبل يضرب رجوم العناقير
لين انحدر سيل المشاريف هدار=يشيل في دربه جروم وعثامير
لما فرش بين المحاجر والاشجار=فيه الزبد كنه بياض الطباشير
زود الغثا ينسف على صلب الاحجار=وتوالت مزون الوسم واقبل الخير
والارض زانت وابتسم كل نوار=وادعوبها صارت نبوتن مزاهير
واخضرت الاغصان من عقب الادهار=وابرض ورقها واسكنتها العصافير
فيها الزبيدي فلقع بكل الاشبار=والضان ترعا من خضار المباذير
نرجيك يا سامع مناجاة الاخيار=يا جاعل التيسير عقب المعاسير
يا مبعدن صخر الجبل عن هل الغار=يا منقذن يونس من اقصا المجاحير
يا فارج ليعقوب من جرع الامرار=يوم البشير يجيه مع حملة العير
ارجعت له يا رب يوسف والابصار=وانت الذي لك بالمخاليق تدبير
نرجيك يا ربي من الغيث مدرار=يعمنا يالله ما غيرك مجير
يوسف الخليفة ( أبو عبد الله )
السلام عليكم ورحمة الله وبركاته
يالله يا منشي مراهيش الامطار=يا مروي العطشان من جمة البير
يا مبخر الما العذب من شط الابحار=وامكثفه فوق المزون المزابير
بين الرطوبه والهوا الناشف الحار=والمنخفض والمرتفع والمعاصير
تسوقه الارياح بامرك للاقفار=اللي من اتلا العام الاول مداهير
اليا انشت القبله غدا دونها غبار=يلوي ويصفق بالهشيم المشاجير
من الذواري بالدهر حزمها بار=والتمرة الحلوه غدا فوقها غبير
لين ارعدت بالجو واغبارها ثار=والبرق يلسب عاليات المواكير
هلت هماليل المساويد نثار=ضيق الوبل يضرب رجوم العناقير
لين انحدر سيل المشاريف هدار=يشيل في دربه جروم وعثامير
لما فرش بين المحاجر والاشجار=فيه الزبد كنه بياض الطباشير
زود الغثا ينسف على صلب الاحجار=وتوالت مزون الوسم واقبل الخير
والارض زانت وابتسم كل نوار=وادعوبها صارت نبوتن مزاهير
واخضرت الاغصان من عقب الادهار=وابرض ورقها واسكنتها العصافير
فيها الزبيدي فلقع بكل الاشبار=والضان ترعا من خضار المباذير
نرجيك يا سامع مناجاة الاخيار=يا جاعل التيسير عقب المعاسير
يا مبعدن صخر الجبل عن هل الغار=يا منقذن يونس من اقصا المجاحير
يا فارج ليعقوب من جرع الامرار=يوم البشير يجيه مع حملة العير
ارجعت له يا رب يوسف والابصار=وانت الذي لك بالمخاليق تدبير
نرجيك يا ربي من الغيث مدرار=يعمنا يالله ما غيرك مجير
يوسف الخليفة ( أبو عبد الله )