بخصوص قير الفتك

[فتك ب ص ع]

مساء الخير ياخواني عندي فتك موديل 2007 ماشي 45 الف هل يتغير زيت القير والفلتر او لا ارجو الافاده

[«نجم الخير»]

ياخوي مافيه شي اسمه فلتر يغير ناس تبغى تشفط فلوس

الزيت 80 الف

[برايدوي عنيد]

هلابك اخوي

اغلب الاراء حول تغيير زيت القير تترواح مابين 50 الف - 100 الف

بالنسبه للفتك مافيه فلتر يغير بس تغيير زيت

نوع الزيت : تويوتا , زيت لكزز اللي جالونه رصاصي , زيت الوكاله .

طبعا الافضل زيت الوكاله

هذا مالدي وتقبل مروري....

[طال الانتظار]

السلام عليكم
اخوي اذا انت بالرياض ( حي السويدي ) فيه محطه تبع وكاله النيسان خدمات سريعه تغير زيت القير عندهم
الوصف الدائري الجنوبي وانت بأتجاه الشرق يجي مخرج عائشة رضي الله عنها خش معه يجيك قاعه القلعه المحطة بعدها مباشره تمنياتي لك بالتوفيق
وتقبل مروري

[الإستراتيجي]

قير تماتيك ولا عادي

[فتك ب ص ع]

تماتيك

ومشكورين وماقصرتو على تفاعلكم

[يالبى الهلا]

لو كنت مكانك ماغيرت الزيت الااذا كان اسود او ريحة عطب حريق خاصه النيسان من بد السيارات لان فيه راعين نيسان غيروا الزيت القير وبعده ماعين خير

[power gmc]

اول شي السياره ممشاها طبيعي صحيح مو مرجع 45000 اذا صحيح ماشاء الله تبارك الله
ثاني شي السياره مافيها تهريب زيت بالقير( ناظر تحت السياره) او بالمبرد بالرديتر لا سمح الله
اذا كل شي تمام لاتغير الزيت إلا على 80000 الف ان شاء الله والي يقول ينقص الزيت وين يروح يعني يتبخر مع الشكمان ؟؟؟ تراه مهوب مكينه
ولا تاخذ كلام اي واحد وتحط زيت اللكزس مادري وشو بعد والله حرام سياره بـ 100000 الف ابخل عليه عشان اوفر بعدين لاسمح الله إذا القير جاوب تقول ياليت وياليت
ووضح من اي منطقة عشان يفيدونك المكشاتيه بالورش المتخصصه بزيت الفتك فيه بالرياض وفيه بالقصيم
انا عندي فتك أول ماشريته كان ماشي حول 75 الف وما قد تغير زيت القير يوم مشى 100 الف غيرت الزيت طبعاً الفلتر مايتغير بس كان اسود الزيت يعني قديم بس الحمد لله مافيه نقص

(الزيت مشتري صطل 20 لتر زي حق البويه من الامارات العين) وغيرت الزيت بنفسي والحمدلله

[فتك ب ص ع]

ايه وانا اخوك مشتري السياره قبل سنه وكان مخزن ماشي بس ١٦ كيلو انا فاكه وكاله ومافيه اي تهريب بس مسوي صيانه وقلت مره وحده اغير زيت القير والله يعطيك العافيه