إلحقو ياشباب لتعم الفائدة

[فواز البشري]

شباب فيه خبر وصلني ومن مصدر مؤكد

إكسترا
خصم 50% ع الأجهزة الكهربائية وبما فيها الكميرات والعدسات
يعني نص القيمة

العرض 3 ايام بس

والعهده ع الراوي
حبيت انقل لكم الفائدة وتستفيدو


تحياتي لكم

[mando2002m]

جزاك الله كل خير

[MOBD3]

يعطيك العافية ,
وما قصرت ,
تطبيقا لقول الرسول صلى الله عليه وسلم : ( لا يؤمن أحدكم حتى يحب لأخيه ما يحب لنفسه ) أو كما قال الرسول الكريم .

[سعود 35]

مافيه شئ ياخوي بـ 50 % الا القليل

يعني 50 % موللكل التخفيضات من 20 % والكاميرات نفسس الاسعار >بلموقع حقهم

عـ العموم الله يجزااك خير .. ويرزقك من واسع فضله على حبك للخير لاخوانك

[MezZo]

كلامك صح حبيبي انا ساكن جنب اكسترا ما صدقت ورحت ولكن الكميرات اخر خصم يوصل من 10 الى 1 بالميه

ال 50 بالميه على اجهزة المطابخ

انتا عاد ادرى بالتجاره وكيف يقدروا يخلو الواحد يتجن ويشتري منهم

[مُحِبّ الkل]

أنا ي إخوان زي أخونا ميزو اكسترا جنبنا ومريت عليهم
وسألت عن كاميرا 600 دي بحكم اني مشتريها وعارف سعرها
قال لي 4000 مع العدسة الأساسية اللي هي 18-55 قلت يااخي بالحارثي 3450 وسألته طيب والذاكرة بكم
8قيقا كلاس 10 قال بمئة وعليها ما انا فاكر بالضبط
قلت ياخوي تقلون عندكم عرض قال العرض ع بعض السلع
وبعضها لا .. عرفت ان اللي تمشي مانزلوا منها شي الا بسيط
واللي ماتمشي يبغون يقفلون السنة المالية وينفكون منها
والله يازحمة عندهم مدري على أيش الله أعلم
نااااس تسمع بالتخفيض وتطب من غير
ما أحد يسمي عليها

[abo tariq]

رزق الهبل على المجانين هههههههههههه

[FM2006]

رزق الهبل على المجانين هههههههههههه

الله يحفظك يا أبو طارق ما يجوز تقول هذه العبارة لأن الرزاق هو الله :)

بالنسبة لعروض إكسترا مو كل شيء عليه تخفيض 50٪ النسب تبدأ من 10٪ وتصل إلى 50٪ على بعض السلع وفي جميع الأحوال أسعارهم أغلى من السوق ;)
أنا سألت عن الآيباد 2 عندهم لقيت المعروض في بعض المنتديات أرخص منهم بحوالي 400 ريال وأكثر :mad:

[123google]

فعلاً اكسترا كل سنه في نهاية العام تسوي مثل هالتخفيضات للاشياء اللي ماتمشي عندهم والله أعلم !!

انا رحت يوم الاربعاء كنت ادور كاميرا و حصلت فقط بعض الانواع اللي عليها تخفيض مثل فوجي وسامسونج و غيرها من النوعيات اللي ،
كميرات كانون ماعليها تخفيض ابداً

[محيرهم559]

الله يجزاك خير...