المساعد الشخصي الرقمي

مشاهدة النسخة كاملة : القير يفضي ويحن !


sieera12
28/10/2011, 06:13 AM
السلام عليكم ,
كيف الحـال ..

انا معي حوض جمس 2001 .. كنت ماشي تقريبا 100 فجأه الضغط بدا يلعب وهديت ووقفت بعدين مشيت صار يعشق بس اذا جاء عند 50 او 60 يحن معي ويفضي من نفسه ولايعشق .. ادعس كأني حاطه على الـ N , وديته ورشه قالي كلتشات القير محترقه يعني توضيب ! ,

فـ حاب اسأل اللي مرت عليه نفس المشكله هل هي توضيب او شي ثاني ؟ واذا احد وضب وين وضب ؟ وضمان سنه ولا كم ؟

نصايحكم ياشباب الله يخليكم ..
ابو تركي المطيري
28/10/2011, 09:14 AM
شوف الزيت محروق او لا اذا محروق احتمال كلامه صحيح اذا مو محروق اعتقد انه نقص زيت لان نقص الزيت يخليه كانه بالفاضي خاصه عند المنحنيات والمطاب
الإستراتيجي
28/10/2011, 05:05 PM
جرب أقل الخسائر


شوف زيت القير لو متغير قريب أو تأكد منه

غير زيت القير والفلتر وجرب إن شاء الله يرجع زي أول

إن شاء الله يضبط
sieera12
28/10/2011, 05:07 PM
شوف الزيت محروق او لا اذا محروق احتمال كلامه صحيح اذا مو محروق اعتقد انه نقص زيت لان نقص الزيت يخليه كانه بالفاضي خاصه عند المنحنيات والمطاب

يعطيك العافيه , الزيت محروق وريحته طالعه بعد ..
sieera12
28/10/2011, 05:07 PM
جرب أقل الخسائر


شوف زيت القير لو متغير قريب أو تأكد منه

غير زيت القير والفلتر وجرب إن شاء الله يرجع زي أول

إن شاء الله يضبط

يعطيك العافيه ..
مغيره مالي خمس آلاف ! محترق الزيت .. اغيره ثانيه يعني ؟
ونصيحتك عطني ورشة كويسه لاهنت وضمان سنه لو يحصل :(
خآإلد
28/10/2011, 05:36 PM
مخبط قيرك صارت معي قبل

مالك الا تريستار انصحك فيهم
الباثفندر 3.5
28/10/2011, 06:46 PM
اخي قيرك خبط و العام شرينا قير مستعمل نفس قير موترك من تشاليح مكه ب 2400 ريال و رديناه الكويت و الى الان القير تمام
يالبى الهلا
28/10/2011, 10:10 PM
وضب قيرك احسن لك لو يكلفك 7000 لك وللزمن احسن من المستعمل
وين تدور النظيف ؟؟؟؟؟؟؟؟؟؟؟؟؟؟؟؟
النظيف مصفوط لاصحاب ومعارف راعي التشاليح
سيل بن سايل
28/10/2011, 11:55 PM
تأكد من صحن الكلتش
حاضر بالنواظر
29/10/2011, 01:24 AM
اخوي نصيحه لوجه الله
من شخص جرب الأمريكي (( لاتوضب قير سيارك )) والسبب لأنه مستحيل يضبط وإن ضبط ماراح يكمل معك شهور مهما كانت الورشه مضبوطه حتى انت ماراح تثق بسيارك بطريق سفر
أبقولك معاناتي مع قير الأمريكي (( كان معي ماركيز98 نفس مشكلتك مايعشق ورحت للورشة وقالي توضيب لأن الزيت محترق والكلتشات محترقة , ووضبت القير وماكمل معي شهر إلا وخبط وورجعت للورشة لأن عليه ضمان ووضبه مره ثانية ونفس الطريقة خبط وأخذت فلوسي منه مع اللعم ان الورشة مشهوره وشغلهم تمام اللمهم سألت مهندس وعلمته سالفتي قالي رح للتشليح وخذلك قير مستعمل أفضل لك من التوضيب على الأقل الي من التشاليح شغل وكاله وحتى لوما هو وكاله بس ماوقف بصاحبه الا بعد حادث , وفعلا غيرته وماشاء الله مشى معي تمام واستخدمت السيارة سنه وبعتها على خويي وراح عليها للإمارات وكرف الموتر وماشاء الله ماشكى منه اسمع كلامي ولاتوضب ))
وان مااقتنعت بكلامي اذا وضبت اطلب منه ضمان أقل شيء ستة أشهر واذا تبي ورشة بالقصيم يبيع قيور سيارات أمريكية استعمال ياباني وانت عارف استخدام اليابان مضبوط
وآسف على الإطاله
الا سير
29/10/2011, 02:09 AM
ياخوي تاكد من حرارة زيت القير
ترى اذا ارتفعت تخرب القير
شيك على مبرد زيت القير
قبل تصلحه عشان ماتتكرر معك نفس المشكله
Magellan
29/10/2011, 03:25 AM
وين موقعك
التوضيب افضل لك وماعليك من كلام اللي يقول لك مايصلح
لأن الكلتشات عندك محترقة فيمكن اللي سويتها عنده كان غاشك
اذا كنت بالرياض علمني
sieera12
29/10/2011, 03:50 PM
الله يعطيكم العافيه ,.
ايه ضمان 6 شهور انا ادور سنه كان فيه
sieera12
29/10/2011, 03:51 PM
وين موقعك
التوضيب افضل لك وماعليك من كلام اللي يقول لك مايصلح
لأن الكلتشات عندك محترقة فيمكن اللي سويتها عنده كان غاشك
اذا كنت بالرياض علمني

هلا والله ..
ايه انا بالرياض بالله مساعدتك :(
سليمان 10
29/10/2011, 04:03 PM
تأكد من فلتر القير واذا كان سليم يكون كلتشات والله يعينك 000
Magellan
29/10/2011, 04:14 PM
روح لم صابر (هندي)في صناعية الخليج رقم الورشة 217
متخصص قيور جموس سبق وان اشتغل بالجميح
sieera12
30/10/2011, 05:26 PM
الله يعطيكم العافيه جميعاً وماقصرتوا ..
والله يجزاكم الف خير
sieera12
31/10/2011, 05:42 AM
ياجماعه انا اخاف ماتكون مشكلة بالقير او توضيب او اي شي ,
اخاف تكون شي بسيط .. اذا احد مرت عليه او يعرف واحد امين , يقولي ..
ياكثر اللي يقولون توضيب وهو شي بسييط
Magellan
31/10/2011, 08:02 AM
صابر يضمن لك 6 اشهر بالراحة
المصري بالورشة ما أدري عن شغله
ترى ماعندي اي علاقة معهم لكن الكثير يثنون عليه
وعندك تشليح آل موسى بالصناعية القديمة ، شف ويش يقولك
المحلات واجد اللي توضب لكن الشغل مايندرى عنه
وخذها مني القير محترقه كلتشاته بدون ادنى شك ويحتاج توضيب
إذا ودك تطلع فوق خذ كلتشات رياضية وترانقو والأفضل ان تزور منتدى ملاك الجمس والشيفروليه هناك بيفيدونك اكثر
العمده911
31/10/2011, 08:19 AM
توضيب القير افضل وابعد عن المجدد