وش اخبار سوق الطيور في الرياض والاسعار؟

[بحر الخليج]

صباح الخير للجميع وعشر مباركة عليكم
حقيقة عدت لكم بعد انقطاع دام شهرين تقريبا حبيت استفسر عن سوق الطيور في الرياض هل فيه وحوش حرار او شياهين وكيف الاسعار نازلة ولا مرتفعه واتمنى الافادة ولكم جزيل الشكر.

[الحر503]

صباح النور والسرور والفل المنثور,,

والله ياطويل العمر انا الي اعرفه بالرياض سوق الديره وامس الخميس حراج الساعة 6 الصبح وفيه طيور واجد بس الاغلبيه فروخ وفيه مدربات احرار على 10 الالف وفوق اما حراجهم مادخلته امس واذا بتستفسر عن المكان تراي حاضر ومن عيوني ,,وان شاء الله اكون افدتك

[أهم 1]

للمعلوميه المحرج ابوسلطان الباحوث قال فيه سوق يوم الاثنين العصر بنفس موقع السوق

[الحر503]

السلام عليكم اخوي (اهم1) الحراج بنفس الموقع الي ذكرته انا فوق ولا انا غلطان

[wwmfs]

الاسعار القرانيس نازله اسعارها

والوحوش من 10000 الحرار وحول الوافيات

والشياهين مختلفه من 2000الى 3000

والاسعار متفاوته على الريشه والزين

[أهم 1]

السلام عليكم اخوي (اهم1) الحراج بنفس الموقع الي ذكرته انا فوق ولا انا غلطان

نعم صحيح يالحر بنفس الموقع على كلام المحرج الباحوث ذا الكلام انا سامعه بأذني وقاله قدام اهل السوق الموجودين

[يوسف الدوسري]

والله الاسعار تختلف وانا اخوك بس جاء فرخ شاهين مقاساتها العرض 16 والطول15ونص بيعت بـ25الف

والطيره حلوه بالحيل

[رعد المطر]

والله يااخي الاسعار متفاوته وانا وقفت على الحراج هناك شياهين بحريات وحوش وافيات ولم يتعدا سومها ال15الف وهناك حرار مثاليث تسام على سبعه وعلى عشرة الاف والله هي تسوا كثيراما الجبليات من 2500الى 4500هذا وكذلك الوكاري لكن هناك طيور اخذت حقها في السوم
ارجو اننى افدتك0