مالفرق بين خيمة الصيد البري والصيد البحري ؟ ملاحظة من خارج الموقع لأصحاب التقارير

[اديب بن صالح]

السلام عليكم

بيني وبين صديقي نقاش ولا أدري من المحق بيننا في الموضوع


يقول ان خيمة الصيد البري تشوف الصيد وتشوف كيف يسوون فيه يعني يعطونك

تقارير الطبخ والشوي وو الخ ...


وخيمة الصيد البحري يورونك الصيد فقط ولو صوروا طريقة الطبخ والشوي لصيدهم

ووثقوها بالتقرير كان ياسلام ...


وانا ارد عليه واقول اللي يصيد السمك يصيد ويتعب ويروح يرتاح ويصيد لغير يومه
وراعي الصيد البري رايح يصيد ويأكل بنفس اليوم وعنده وقت



قال لي ولو .. حتى لو ريحوا يوم واجتمعوا مرة ثانيه لآجل يطبخونه يفترض يصورون
عشان نشوف هههههههه [ مشفوح ]


فمدري ياجماعه وش رايكم يالصيادية ؟

[mr-albreak]

:s

هلا فيك اخوي اديب بن صالح

بس لو كنتو من المتابعين لخيمة الصيد البحري

كان تغيرت الفكره كثير من الاخوان ينزلون تقارير كامله

تشمل تفاصيل الرحلات من خلال توضيح

المنطقه المقصوده للصيد التاريخ الطعم المستخدم

اعضاء الرحله المده نوع الصيد ادوات الصيد

وحتى الطبخ :good2:واحيان يجيبو لك حتى العضام :D

الله يجعلها عافيه على قلبوهم
وهذا الدليل هنا
http://mekshat.com/vb/showthread.php?t=360135
تابعنا تجد ما يسرك (مسوي دعايه;))

تحياتي لك اخي الغالي

اخوك mr-albreak

[R20]

هلا حياك الله ياغالي

أختلف مع كلام خويك

لو إنه متابع كان شاف التقارير الجبارة كيف

مقدمة ,وصف للمكان, أحداث الرحة , حالة الطقس, الأعضاء المرافقين,العدة المستخدمة, الطعم أو اللعف,صور إحترافية ولقطات رائعة , الصيد , و طبخ ونفخ وعلوم دسمه هههههه

وفي أعضاء كثير من ملوك التقارير

كله تلقاه عندنا بالخيمة

شكرا لك

[اديب بن صالح]

والله يااخي انا مؤخرا اجي بعد خيمة الفلك والطقس هنا على طول

تعجبني التقارير بالصفحة الاولى والقهر لما اوصل الطبخ مااحصله

فممكن جالي هالانطباع ان كلامه صحيح مافيه طبخ لكن برضو بصراحة

سويت مسح الحين ولقيت الطيخ قليل توافقوني ؟؟

[اسير الوجه]

اهلين اخوي اديب بن صالح اكيد فيه اختلاف لان الي يصيد في البر غير البحر البحر تعب كبير اما البر وانت جالي بالسياره ولا جالس بنسره يعني وقتك جلوس اما البحر طول وقتك وانت تلف وتطرد في السمك وبعدين بعض الناس يبيعون السمك لانه هو مصدر رزقهم
تقبل كلامي بصدر رحب والسلام عليكم ورحمة الله وبركاته

[قلب الرحلة]

هلا اخوي اديب

يمكن تقل تقرير الطبخ في خيمة الصيد البحري بسبب ان غالبية الرحلات تكون بالابوات واعتقد صعب شوي الطبخ في البوت ولا كل مالك بوت يسمح بالطبخ على بوته .

اضف الى ذلك ان الصيد البري = طخ = مات هههههه
اما الصيد البحري فاذا كان بالقصب فالانتظار ثم الانتظار الى ان يرزقك الله بنصيبك ، واذا كانت سنوركل فكان الله في العون البحث عن الاسماك والنزول لمستواها والضرب ثم الخروج .

الخلاصه : الصيد البحري المتعة تكون في عملية الصيد وغالبا الفترة تكون طويله .
والصيد البري المتعة تكون في الصيد والمتعة الاكبر في الطبخ والنفخ ودلة وبراد واخذ علوم المطانيخ شرواك .

[الرحموني]

حياك الله يا ابو صالح


موضوع جميل للمناقشة وابداء وجهات النظر


بالنسبة للطبخ هو يعتبر شي ثانوي في الرحلات البحرية واساسي في الرحلات البرية


اضف الى ان الرحلات البحرية قد تكون من قارب وفيه صعوبة للطبخ على متن القارب


بعكس البرية ورحلات القنص


اذا كانت الرحلة البحرية عبارة عن تخييم لمدة يوم او يومين


فاكيد راح يكون فيه طبخ ونفخ


اما اذا نتقل من مكان الى مكان فراح يكون اكلنا في مطاعم


الصيد البحري يستنزف مجهودك فتخرج وانت تبحث عن اكل جاهز


وممكن تاكل دجاج وانت معك سمك طازج اذا مالقيت مطعم يقلي لك سمك


شوف هذا تقرير لمخيم لنا وشوف انواع الطبخ فيه


المجنوني والصاعدي وابو تركي1في ضيافة مجموعة غواصي المدينة( تقرير مخيم اللقوق) (http://www.mekshat.com/vb/showthread.php?t=403244) ‏



طبعاً كنا عدد ومخيمين وهذا الشي اللي يخلينا نتنافس في الطبخ

[اكسنت كول]

والله التقارير البحرية فيها طبخ وحركات بس بشكل قليل بسبب الصياد يتعب وهو يطارد ورا السمك ماعندة وقت للطبخ اما راعي الصيد البري سواليف ووناسة وشاي وقهوى وطبخ ونفخ لانهم مايتعبون مثل الصياد البحري

[مهوس صيد]

انا من وجهت نظري ان الصيد البحري ما هو مثل البري يعني ممكن تجلس يوم كامل ما تصدي الا سمكه وممكن ماتصيد الا كه قليه ما تكفي الشباب وبعدين الصيد البحي يجي متقطع يكون الوقت تاخر ومافي وقت تطبخ

[4net]

عليك با بو هاجر وربعه ماشاء الله عليهم شف الطبخ
http://www.youtube.com/watch?v=J4boPbk8y3s&feature=channel_video_title

وفيه مقطع ثاني رحلة البحث عن هامور

[القبطان فلنت]

حياك الله يا ابو صالح



موضوع جميل للمناقشة وابداء وجهات النظر


بالنسبة للطبخ هو يعتبر شي ثانوي في الرحلات البحرية واساسي في الرحلات البرية


اضف الى ان الرحلات البحرية قد تكون من قارب وفيه صعوبة للطبخ على متن القارب


بعكس البرية ورحلات القنص


اذا كانت الرحلة البحرية عبارة عن تخييم لمدة يوم او يومين


فاكيد راح يكون فيه طبخ ونفخ


اما اذا نتقل من مكان الى مكان فراح يكون اكلنا في مطاعم


الصيد البحري يستنزف مجهودك فتخرج وانت تبحث عن اكل جاهز


وممكن تاكل دجاج وانت معك سمك طازج اذا مالقيت مطعم يقلي لك سمك


شوف هذا تقرير لمخيم لنا وشوف انواع الطبخ فيه


المجنوني والصاعدي وابو تركي1في ضيافة مجموعة غواصي المدينة( تقرير مخيم اللقوق) (http://www.mekshat.com/vb/showthread.php?t=403244) ‏



طبعاً كنا عدد ومخيمين وهذا الشي اللي يخلينا نتنافس في الطبخ




كلام سليم :good2: :good2: :good2:

[اديب بن صالح]

ياحبي لكم

كلامكم زي كلامي بالضبط في الموضوع نفسه

يعني تأيدوني بوجهة نظري ضد الصديق الحميم [ هارد لك ]


لكن برضه [ بيني وبينك ودي اعرف وصار لي فضول اكبر بعد ماشفت احد التقارير ]

انه كيف طريقة كل واحد وش يفضل

شوي ؟

طبخ قصدير ؟

قلي بالزيت ؟


وهيك شغلات لآنه بيني وبينك صار لي فضول عنيف من شهرين على هالسمك

[R20]

هلا حياك أخوي أديب


بالنسبة لي أفضل طريقة وإلي أتلذذ فيها


هي قصدير السمك على الجمر


الطريقة كالتالي : تجيب قطعة قصدير عشان تكون قاعده للسمك وتدبلها عشان لا تثقب من الجمر


بعدها تحط عليها الحوته وتفتحها بالنص مثل الدفتر


تجهز الخلطة وهي عبارة عن (حمر منقوع ومفور تأخذ المرقة حقته طبعاا+ثلاث ملاعق معجون طماطم+تعصر عليها ليمونتين ثلاثه+ فصين ثوم مطحون) تخلطها جيدا وتدهن الحوته فيها


بعدها تجيب بهارات السمك تلقاها جاهزه بالسوق فعلبه كذا . تبهرها و أتوصاااا جدا جدا بالبهار


بعدها وزع حلقات بصل وطماطم و فلفل رومي وحار على كامل الحوته


غلفها بالقصدير جيداا حتى لا نسمح بخروج الهواء أو التنسيم


20 إلى 25 دقيقة على الجمر وهي جاهزه


ميزة هالطريقة بدون زيت وتطبخ من خلال بخار الماء يعني أكله نظيفة جداا


ولا تنسى عيش أسمر بحبة البركة وسمي و أدعيلي


ملاحظة الطريقة (لحوتتين) عاد زيد الخلطه لحبيت تزيد عدد الحوت


الطريقة الثانيه : الكوزي بس للأسف ما أعرف طريقتها


شوفها بموضوع لي على الرابط التالي


http://www.mekshat.com/vb/showthread.php?t=452550 (http://www.mekshat.com/vb/showthread.php?t=452550)


راح أحاول أجيب لك طريقتهااا بإذن الله


تقبل مروري أخوك: عبد المجيد الشمراني

[اديب بن صالح]

أخوي العزيز الغالي عبدالمجيد الشمراني والله ونعم فيك مليار

بيض الله وجهك على هالافادة الحلوة وراح اجربها طال عمرك بإذن الله


لكن وغيرك الــــ ُمـــعـــَــــــلــّــمْ

انا استخدم هالقصدير

http://www6.0zz0.com/2010/12/05/19/129835714.jpg



والرابط بصراحة خلاني اسوي زي المعلق فارس عوض يااااربااااااااااااه

بصراحة حضورك له نكهة خاصه وبانتظار افادتك يالغالي



لكن مااخفيك ,,, جربت الشوي والطبخ قصدير وباقي القلي أحس القلي اطعم صراحة تتفق معاي ؟

[R20]

أخوي العزيز الغالي عبدالمجيد الشمراني والله ونعم فيك مليار

بيض الله وجهك على هالافادة الحلوة وراح اجربها طال عمرك بإذن الله


لكن وغيرك الــــ ُمـــعـــَــــــلــّــمْ

انا استخدم هالقصدير

http://www6.0zz0.com/2010/12/05/19/129835714.jpg



والرابط بصراحة خلاني اسوي زي المعلق فارس عوض يااااربااااااااااااه

بصراحة حضورك له نكهة خاصه وبانتظار افادتك يالغالي





لكن مااخفيك ,,, جربت الشوي والطبخ قصدير وباقي القلي أحس القلي اطعم صراحة تتفق معاي ؟



الله يسعدك يبو صالح

ونعم بحالك ياذيب . هذا من طيب أصلك

ووجهك ياغالي :)

بالنسبة للقصدير ماقد جربته . دايم أستخدم القصدير اللف . بس أتوقع عادي مافيها مشكلة

طريقة الكوزي بحاول أجرب مثلها فالبيت ولو زبطت راح أنزلها تقرير

أنا الحمد لله ويارب لك الحمد بشكل أسبوعي أنزل للبحر . يعني لو ما أكلت سمك أمووت ههه عشان كذا وجهة نظري إن إلي دايم يأكل سمك ما يتلذذ بالمقلي والله أعلم .

ولكن تبقى الصيادية بالسمن البري هي أفضل أكله للسمك.