يوسف الخليفة1
28/10/2011, 04:25 PM
بسم الله الرحمن الرحيم
السلام عليكم ورحمة الله وبركاته
اتعب على طير الوحش بالتكاليف=واترك طيور السوق لو هي وليفه
حرن تماريبه جموع العواريف=اخير من طيرن طبوعه صليفه
واحرص على التدهيل مع زلة الصيف=حذراك من دهن الشحم باتعليفه
كانك مولع لا تخاف المصاريف=المال ما هم النفوس التريفه
الدنيا تقفي ما عليها التحاسيف=ما تسوا من عود العياسيب شيفه
داوم على المدعا ولو هي عواصيف=يصير طيرك هدته كالقذيفه
وافلت حمام دحول خفق الترافيف=مادام فرخك يطلبه زان كيفه
عليك بالتدليه في مقبل الريف=اليا هماليل المزن بان طيفه
وامش الحراوي من وطا النير لطريف=واياك تيّس لو تشوف الكسيفه
والسهله اللي دوجتها الظواليف=يرتع بها الشاوي نصيحه تعيفه
دور على اللي ما وطتها الجحاليف=ما طبها الراعي شجرها مريفه
تلقا بها الجره بمذرا المجاريف=والرزق عند اللي يغيث الجفيفه
اليا درج خرب السهل بالطواريف=باسم الله ارسل طيرك يسل سيفه
يكوبر وتاتيه سود المخاويف=ويصطه بخضر الكفوف العنيفه
يشنكر الداغر حسين التواصيف=جنحانه بروس الثنادي لفيفه
والكف الاخرا بالنحر كنها السيف=تشاهد برمل البراحه نسيفه
هذي هي الونسه هناة الملاهيف=اليا لقوا باخطاهم ارضن نظيفه
يوسف الخليفة ( أبو عبد الله )
السلام عليكم ورحمة الله وبركاته
اتعب على طير الوحش بالتكاليف=واترك طيور السوق لو هي وليفه
حرن تماريبه جموع العواريف=اخير من طيرن طبوعه صليفه
واحرص على التدهيل مع زلة الصيف=حذراك من دهن الشحم باتعليفه
كانك مولع لا تخاف المصاريف=المال ما هم النفوس التريفه
الدنيا تقفي ما عليها التحاسيف=ما تسوا من عود العياسيب شيفه
داوم على المدعا ولو هي عواصيف=يصير طيرك هدته كالقذيفه
وافلت حمام دحول خفق الترافيف=مادام فرخك يطلبه زان كيفه
عليك بالتدليه في مقبل الريف=اليا هماليل المزن بان طيفه
وامش الحراوي من وطا النير لطريف=واياك تيّس لو تشوف الكسيفه
والسهله اللي دوجتها الظواليف=يرتع بها الشاوي نصيحه تعيفه
دور على اللي ما وطتها الجحاليف=ما طبها الراعي شجرها مريفه
تلقا بها الجره بمذرا المجاريف=والرزق عند اللي يغيث الجفيفه
اليا درج خرب السهل بالطواريف=باسم الله ارسل طيرك يسل سيفه
يكوبر وتاتيه سود المخاويف=ويصطه بخضر الكفوف العنيفه
يشنكر الداغر حسين التواصيف=جنحانه بروس الثنادي لفيفه
والكف الاخرا بالنحر كنها السيف=تشاهد برمل البراحه نسيفه
هذي هي الونسه هناة الملاهيف=اليا لقوا باخطاهم ارضن نظيفه
يوسف الخليفة ( أبو عبد الله )