من يعدل هالمشب ,, والمسبح وش احسن حل له

[عز1م]

السلام عليكم
يقولون ///// ماخاب من استشار
عندي مشب مدخنته بالسقف (هوايه)
وودي اعدله بفتحه وبناء مدخنه خارجيه ,, كم يكلف ,, واللي يعرف لي أحد شغله زين ,, يعطيني رقمه مشكوراً


وهذي صورة المشب
http://www.mekshat.com/pix/upload05/images233/mk153925_3865.jpg




http://www.mekshat.com/pix/upload05/images233/mk153925_3865 (1).jpg




http://www.mekshat.com/pix/upload05/images233/mk153925_3865 (2).jpg




وعندي مسبح ارغب بالاستغناء عنه , واريد تغطيته , ربما استفيد منه مستقبلاً


وهذي صور للمسبح


http://www.mekshat.com/pix/upload05/images233/mk153925_3865 (3).jpg






http://www.mekshat.com/pix/upload05/images233/mk153925_3865 (4).jpg





ارجو اعطائي اقتراحاتكم وارائكم
واشكركم مقدماً

[wafi4sa]

ارجوا من الله أن تجد من يدلي لك بالرائي السديد
المشب في اعتقادي امره سهل جدا وانا اشوفه جاهز للفتح فقط للخارج وبناء المدخنة
وإذا تبي رايي لا تتعقب الطوب الأحمر الحراري بدا
والله يوفقك للخير

[(هزاع)]

اشوفه زين ومايبي شي

[اصيل نجد]

هلا وسهلا باخوي عزام ومساك الله بالخير بالنسبه للمشب عنديلك واحد ماقول احسن واحد لكن شغله ممتاز وسعره اقل من السوق لااني اتكلم طال عمرك من تجربه هو مسويلي المشب اللى بالملحق صحيح مافيه رخام وجبس مشب عادي طوب حراري وححجر الرياض على الاوجار بس الشهاده لله وزنيته للمدخنه مهندس وابصم بالعشره حتى قلت له اجيبلك مروحه شفط اركبها قال ماله داعي ولاتحاسبني غير بعد ماتجرب وبيض الله وجه وانا ارسلته لعدد من الاصدقاء وتلفونه الضاهر عندي هذا بالنسبه للمشب.
بالنسبه للمسبح اذا كان على طرف زي الي بالصوره خله بكره يكبرون العيال الله يصلحهم ويقولون ليش تدفنه وانا طال عمرك عندي مسبح 4*10 ودفنته وحطيته ملحق وانا اقترح عليك اذا نفسك طايبه من المسبح لاتخربه ولا شي اسقفه بصبه مفصوله خارجيه بدون تكسير بالمسبح وامله ماء وخله خزان للشجر وغسل الحوش وما شابه واذا بعد كم سنه بغوه العيال تقدر تكسر السقف وكان شي ماصار والله يدلك للاصلح .

[خط ليزر]

اخوي عزام بالنسبه للمشب حله الغالي اصيل نجد
المسبح اقتراحي تسد الفتحات ببلاسيك قوي وتعبيه رمل ابيض واركز فيه اشجار ظل او اشجار بلاستك سيكون المنظر جميل جدا والرمل الابيض لسهولة التنظيف عند ازالته تمنياتي لك بالتوفيق

[أبو ملاذ]

أقتراحي
فك السلم و فصل للمسبح صاجة حديد قوية
تغطي كامل المسبح و رشها دهان على مزاجك

[ناصر العمير]

نسأل الله أن تجد من يدلي لك بالرائي السديد

[اسهيل]

المسبح حط فيه تراب ابيض او رمل البيض مثل مقال الاخ واذا بقى عشرين سانتي حط بحص بقلاوه يعني صغير وعبه وخل محل دائري وحط نخل زينه صغير واذا كبرت شلها وحط صغيره وكذا وحوفها ببلاط او طووب قرميد صغير يطلع شكله حلو

[عاشق السيل]

بالنسبة للمدخنة أمرها سهل وماراح تكلفك واجد بس لا تنس تركب مروحة شفط حديد في أعلى المدخنة !!

المسبح أشوف لو تغطيه بصاجات حديد تكون الوحدة عرضها متر في عرض المسبح علشان تقدر تشيلها بسهولة وتدهنها بوية والحمد لله !!!

[سرهيد]

السلام عليكم

مرحبا باخي الكريم

والاخوان ما قصروا

بس سؤال : ليش بتلغي الفتحة اللي فوق وتتحول الى المدخنة ، المدخنة تراها تأكل الحطب ولا تدفي الا اللي حولها .....

انا عكسك كان عندي خيمة فيها مدخنة ، ولكن بعد ما صلحت غرفة ثانية مشب خليت الفتحة فوق

تقبل احترامي

[مهندس مكشات]

اما المسبح تستفيد منه وتغلقه ممن الاعلى ويكون خزان اضافي وتكون جلسه من الاعلى

[باثفندر]

وجهة نظري السماوة افضل من المدخنة ولو ركبت مدخنة خل السماوة لا تلغيها صدقني بتحتاجها ، والمدخنة اهم شي تكون رفيعه (يقوى السحب ) ولو ركبت شفاطه خلها على سويتش تحكم سرعات مثل حق اللمبات عشان تقصر عليها او تزيد بكيفك والاهم من ذا كله فصل صاج نص برميل مع مزلاج فوق الوجار يحبس الدخان مايرجع عليك بالجلسة ، وبالتوفيق

[ضابط الايقاع]

المسبح قم بتعبئته بالكور البلاستيكية
والمطاطيه وخل الصغار يفلونهاوسلامتك

[ذرب المعاني]

المسبح عبه رمل من طعوس الثمامه الى ربعه او نصه وحط فيه العاب رملية ... وشيولات صغيره العاب
وخل الاطفال يستمتعون بالرمل
أو غطه بحدبد صاج سمك قوي ... وسو له فتحه مع سلم وخله مستودع

[alsagr12]

الله يعطيك العافية انا اييد اصيل نجد
اما المسبح فراي خط ليز اراه ممتاز
وشكرا

[الحر الموحد]

اخوي باثفندر .. ابي استفسر عن السماوه ماعليك امر ؟؟ هل احصلها بالقصيم ؟؟

[awdah99]

[QUOTE=ذرب المعاني;7476485]المسبح عبه رمل من طعوس الثمامه الى ربعه او نصه وحط فيه العاب رملية ... وشيولات صغيره العاب
وخل الاطفال يستمتعون بالرمل

مشاء الله الفكرة لو تطبقها مره حلوة

[راعي المركى]

بعد اذن الإدارة

تفضل ممكن يساعدك

http://www.mstaml.com/section/item.php?i=1562501

[gnoobe]

ماشالله تبارك الله

عندي فكرة للمسبح وان شالله تعجبك عبة موية وحط فية اسماك زينة ومرجان وغطة بقزاز سكوريت او البلاستيك اللكسان
المقوى الشفاف ويكون فية مدخل صغير للاكل وياسلام ع المنظر حياة بحرية وسلامتك

[كاس شاهي]

اخوي لو حطيت في المسبح تراب مشكله
لنه البزارين بينقلون التراب لكل البيت و يوصخون روسهم بتراب
الفضل شي لي المسبح انك تلغية نهائي وتقلبه نغرفه رياضي سير ودراجه وشاشة تلفزيون اوتخليه مستودع للبيت وتفصل في دواليب على الجدران
المشب اشوف فيه تهريب مويه انتبه منه وافضل شي انك تحط مروحه في المشب وتفصل غطاء وا صاج لتغطيت المشب
ايام الصيف من الغبار