تكفون ابي جواب بس هل المكينه تنقص من الخط عادي؟.

[عاشق دفرنسين]

السلام عليكم ورحمة الله وبركاته

كيف الحال يا اهل مكشات

عندي سؤال بس انا رحت امس مزرعه 70 كيلو عن الرياض يعني رايح جاي 140 كليو

السياره ددسن 2004 دبل

وانا ممشاي 140 160 وانا رايح لكن وانا راجع ماتعديت 120

وبعد مابرد الموتر شيكنا على الزيت حصلنا ناقص لين نص العيار مادري وش المشكله

مع العلم ان احنا شكينا عليه هناك اول ماوصلنا وبرد الموتر زيته زين عياره بس بعد مرجعنا وبرد

شيكنا ثانيه حصلنا ناقص لين نص العيار

مادري وديته لكم مكنيكي وكلهم يقولون مافيه شيء مادري تكفون ياهل مكشات انا ناوين هالاجازة

مكاشيت

ومدري ابي رايكم شيكت مكينه وصوفه وكل شيء زين مادري هل النقص طبيعي ولالا

الموتر ماشيء حول 290الف طبيعي نقصه ولا ؟ ياليت اللي عنده خبره يردلي

وانا شيكتت قالوا ماهوب شنبر لو شنبر كان نقص فاسبوع وانا لي تقريبا 3 اسابيع مغير زيت

وممتاز بس بعد مارحت امس المزرعه نقص يوم رجعت يوم اوصل مشيك عليه بعد مابرد ممتاز

بعد مارجعت شيكت مع العلم وانا راجع ماسرعت وناقص مدري :mad:

[عاشق دفرنسين]

اللي له خبره ياااااااااااااااليت يرد

[مقطع العروق]

وش نوع السيارة .. ومديلها ..؟

[مقطع العروق]

على العموم لو هو باترول فصارت نفس مشكلتك ونبهني احد الاخوان لنقطة وهي موسالفة تبرد او شيء الباترول يطول عشان ينزل الزيت وفهلا جربنا وما عيرنا الزيت الا الفجر والسيارة واقفة من بعد العشاء وحصلنا الزيت تمام

فأنا أقول لعل المشكلة بسيطة بس هل يكربن الموتر ما يكربن بخاخ كلبليتر وكل هذي الاشياء تفرق في شرح المشكلة
وإن شاء الله المموضوع بسيط

[عاشق دفرنسين]

ددسن دبل 2004

[عاشق دفرنسين]

لا اخوي انا موقفه من امس ساعه 9 الليل وشيكت س 6 الصبح ناقص يمكن حول نص العيار

السياره بخاخ اخوي ولافيها تهريب ولادخل وفحصت المكينه قوة السرندل

1- 99
2- 100
3- 100
4- 98

والفحص الثاني

1- 99
2- 100
3- 100
4- 93

لاني فحصته مرتين وقالوا لي مايحتاج شنمبر الموتر زين ورحت مكانيكي وشاف الصوفه المكينه قال مافيها تهريب

والله احترت

[الوقيدي]

السلام عليكم : من خلال فحص محرك السياره اتضح لديك ان ضغط البساتم والشنابر ممتاز. وكذلك لايوجد تهريب زيت من الصوف. فغالباالسبب من جلد البلوف وللتأكيد اذ شغلت السياره في الصباح وبعد خمس دقائق أدعس بنزين ترى دخان ازرق ويختفي بعد فتره من الدوس على البنزين.الى اللقاء

[عاشق دفرنسين]

الله يعطيك العافيه اخوي ان شاءالله بكرا الصبح اجرب

[مسفر الاكلبي]

انت حط زيت سوبر جتي وادع لي انا كنت احط سوبر شل وتنقص سيارتي يعني المشكله في بعض الزيوت وموترك سليم لا بلوف ولا شنابر تطمن

[الباشة]

المشكلة اعتقد في نوعية الزيت لان ها الايام فية زيت مغشوش
انصح بزيت سوبر شل الجميح مصنع الجميح غيرة لاتغير سوبر شل
او اي زيت مجرب من قبلا الاخوان ولا يسبب نقص
ولا تنسى تغير السيفون معة علشان الزيت السابق يمكن يكون مغشوش
وجرب قبل تلعب في سيارتك

[الإستراتيجي]

وش نوع الزيت وهل تشكي في الموتر من مشكلة !!

لكن أعتقد يا الخطأ وارد منك في التشييك الأول يعني فيه مشكلة مع تشييك الزيت تخيلت أنه فوق وهو ناقص أصلا

أو المشكلة في الزيت يتسرب بسرعة وأعتقد أنها هذه الثانية

يا ليت تذكر نوع الزيت

وكم كام ممشى الموتر أول ما مشيت يعني كم ماشي الزيت .

ثم هل المشكلة أول مرة تصير ولا كيف

لأني بصراحة أعتقد أنها أحد الإحتمالات إلي فوق

أو أنك حسدت روحك أو معك واحدن عطاك إياها

تأكد أخوي موترك كم مرة وشوف للأسف بعض المرات نخطي وحنا ما تأكدنا ويا ما صارت لي .

[فواز الحربي]

السلام عليكم ورحمة الله

شيك على بلف تبخير الزيت pcv valve

شكل البلف

http://www.autopartsfair.com/images/products/engineparts/b204058610nov.jpg

مقطع فيديو عن طريقة تغييره لنيسان باثفندر94

SjXB6SSmoFo


المشكلة اللي يسببها البلف أن الزيت ينقص على خطوط وقت السفر أما أستعمالك لسيارة في المدينة
الزيت ما ينقص ، هذي المشكلة كانت عندي في سيارة فورد

[عاشق دفرنسين]

الله يعطيكم الف عااافيه مشكورين اخواني ان شاءالله بشيك على بلف الزيت

وانا رحت لواحد سعودي قالي غير الزيت وحط الترا سفن

وحطيته وبشوف

الزيت الاول كان سوبر جيتي قالي نصيحه لاتحط هالزيت كم سياره جتني وهذي سياره مبوشه من السيارات كانت واقفه عنده يقول والسبب سوبر جيتي

لاتحطه ورحت على طول غيرت الترا سفن

مشكورين اخواني ان شاءالله بشيك قالي شيك بعد 1500 كيلو