ايش افضل اريل للثابت ؟

[ابو عين]

السلام عليكم ... مساء الخير ....



ابغى يا شباب نصيحتكم بخصوص افضل اريل ثابت ممكن اشتريه من الدمام او الخبر ...

نوع الاريل واسم المحل .....

باستعمله في البيت وودي ارفعه حيل عشان اراسل البعيدين.

مع العلم ان جهازي كنود ابو شاشتين ...

[كردفان]

حياك الله أخوي أبوعين
الاجهزه والارايل عندكم بالدمام مولعه نار
أما الارايل الموجوده والدارجه مع الشباب
عندك أريل وصلتين دايموند f-22
عندك أريل ثلاث وصل دايموند f-23
عندك أريل ثلاث وصل دايموند f-23h " يتحمل باور 350 واط "
عندك أريل ثلاث وصل دايموند x-510
عندك أريل أربع وصل دايموند x-700h " هذا الاريل غالي "
تبي تسأل وش الفرق أقولك
أي أريل يقاس مدى قوة أرساله بالديبي" db " ويكتب على كيسه الاريل
f-22 : 6.7 db سعرهـ بـ 180 ريال جديد
f-23 : 7.8 db ؟؟؟؟؟
f-23h : 7.8 db سعرهـ بـ ريال 750 ريال جديد
x-510 : 8.3 db ؟؟؟؟؟
x-700h : 9.3 db سعرهـ بـ 1450 ريال جديد
أنا أشور عليك شور خذ x-510
بس هاااااهـ
الله الله بالاريل الاصلي لان أكثر اللي بالسوق مكتوب ياباني وهو صيني ماينفع ولا بريال " يعني من جنب القده "
:D
المحلات عندك خوينا المنتدى أجهزه يدويه يبيع أرايل وأجهزه - القصيم
0562213399
محل الكاسر - القصيم
0505138549
محل العامه - بالدمام لكن رقمهم مو عندي
؟؟؟؟؟
محل دار البوصله - الرياض
014547755 تحويله 104

[كردفان]

نجي للكيبل والرافعه
الكيبل :
خذ RG-8 المتر بـ 7 ريال نوع الكيبل تايقر
عند محل الخليفه " هذا المحل بجانب محل دار البوصله بالرياض "
014555442
الكيبل يمشى الحال
وإذا تبي الكيبل الطيب ياصل مترهـ إلى 15 ريال
بس حاول تاخذ اللي يكفيك ماتخلي عندك زود
" لانه كل ماطال الكيبل قل الواط اللي ياصل للاريل " أرجوا أنه تكون واضحه
الرافعه :
أما بخصوص الرافعه راح أوضح لك بالصور بكرا "غداً":D
" إنشاء الله "

[ابو عين]

جزاك الله خير يالغالي ,,,, ليتني قريت ردك قبل مارووح ...


كنت قبل اشووي في محل العامة ويقوول ما عنده الا دايمووند ابو وصلتين وابو ثلاث وصلات .... وما عنده انواع ثانية.

شريت ابو وصلتين قيمته بدون القاعدة 120 واخذته بـ 100 :mad: <<<== مطبوع عليه ياباني ,,,
واخذت كيبل 20 متر من النوع الجيد ..... ورفعت الاريل حول 10 متر ....

جربته تجربة سريعة ..... وللأسف مهوب هذاك الزوود :( باقي اكتب عنه بس خلني اشووف وضعه كيف.


يا شباب ابغالي شي قوي وعليه اعتماد زي الفيبر <<== زماان.

[رآعي البآث]

هلا أخوي ابو عين
بالنسبه للأريل أنا عندي اريل ثلاث وصل لـه تقريبآ 9 سنوآت وهو فوق البيت
رافعه 14 متر ومتأذي من الدوريات كل شوي مسفطين عند الباب ..
اذا بغيته تراه موجود تبغاني اصوره لك وهو مرفوع ابشر
بس الله الله بالسومه الطيبه :p

[ابو عين]

يا شباب ... لاتشترون (اريلات / ارايل / اناتل) من محل (( العامة )) في الدمام كل الي عنده مضروووووب ماعنده اصلي ,,, كل الي عنده مقلد.


شريت منه اريل امس .... ورافعه 10 متر .... والارسال تعباان
الـ اريل 3/05 العادي يرسل من الحوش افضل منه.


والي يخبر لنا محلات تبيع فيابر اصلية ياليت يدلنا على مكانها.

[احمد كامل]

اخي الكريم ان حصلت الاريل الدايموند القديم الحليبي ثلاث وصل لا يفوتك.

[الحربي حاتم]

بسم الله الرحمن الرحيم
موضوع قيم ومفيد

[مجدي 30]

تحيه طيبه للجميع

موضوع ممتاز وهذا فعلا ما نبحث عنه

أرجو التثبيت وأين مشرفنا العزيز وأهل الخبره لا يبخلون علينا وعلى منتدانا الجميل

تقبلوا مرور اخوكم