يوسف الخليفة1
29/10/2011, 08:16 PM
بسم الله الرحمن الرحيم
السلام عليكم ورحمة الله وبركاته
دق الوريد بثومة القلب هيمه=والعين طشت نزها فوق الاوجان
تهل من صفق المحاجر جميمه=مثل القليب اللي تغذيها الامزان
من هاجسن بالبال يوقد ضريمه=في مستكن الروح حره توذان
يشد بالخاطر حبالن حزيمه=مثل الرشا المهفي على بير بستان
على عروق القلب يلوي بريمه=لوي البريم اللي على قد فستان
يمسي ويصبح مثل حزن اليتيمه=اللي حشرها الباس باسياب الاحزان
ما عندها من حفنة المال قيمه=تناهوا العزوه ولزتها الازمان
والروح لاراجت عليها الخصيمه=تروح لفجوج الخلا والعمر فان
تسج لفياضن عثت فيها ديمه=من الوسم شهرين والغيث هتان
ما هيب من ضيق الخواطر هزيمه=مير التسلي بلسمن بعض الاحيان
يريح عرقن في غبايب صميمه=يشب ناره واول الصبح ما بان
ما عنده البلاس راس النميمه=ما حوله الا الذيب بارجوم ضلعان
والعود مبرض عقب لاوي صريمه=والجو فاح بشيح وازهور حوذان
والجرذي من بين الجحور تخطيمه=والطير يصفر بالونس فوق الاغصان
دنيا الفنا ما تستمر بنعيمه=ربي عسانا في رياحين واجنان
يوسف الخليفة ( أبو عبد الله )
السلام عليكم ورحمة الله وبركاته
دق الوريد بثومة القلب هيمه=والعين طشت نزها فوق الاوجان
تهل من صفق المحاجر جميمه=مثل القليب اللي تغذيها الامزان
من هاجسن بالبال يوقد ضريمه=في مستكن الروح حره توذان
يشد بالخاطر حبالن حزيمه=مثل الرشا المهفي على بير بستان
على عروق القلب يلوي بريمه=لوي البريم اللي على قد فستان
يمسي ويصبح مثل حزن اليتيمه=اللي حشرها الباس باسياب الاحزان
ما عندها من حفنة المال قيمه=تناهوا العزوه ولزتها الازمان
والروح لاراجت عليها الخصيمه=تروح لفجوج الخلا والعمر فان
تسج لفياضن عثت فيها ديمه=من الوسم شهرين والغيث هتان
ما هيب من ضيق الخواطر هزيمه=مير التسلي بلسمن بعض الاحيان
يريح عرقن في غبايب صميمه=يشب ناره واول الصبح ما بان
ما عنده البلاس راس النميمه=ما حوله الا الذيب بارجوم ضلعان
والعود مبرض عقب لاوي صريمه=والجو فاح بشيح وازهور حوذان
والجرذي من بين الجحور تخطيمه=والطير يصفر بالونس فوق الاغصان
دنيا الفنا ما تستمر بنعيمه=ربي عسانا في رياحين واجنان
يوسف الخليفة ( أبو عبد الله )