عبد الطيف جميل واحتكارة واجبار المشترى على الاكسسوارات

[ابوعمر2000]

السلام عليكم يا شباب اليوم رحت وكاله تويوتا ابغى اشترى هايلوكس غمارتين 2012 وش تتوقعون قالو لى يبغون يجبرونى اشترى هايلوكس زائد الاكسسورات قلت مانى بحاجه الاكسسورات ولا عندى ثمنها ابغى ونيت فقط فكان ردهم لازم اشترى اكسسوار بقيمه 7الف ريال يا اااااااااااااااااااخوان هذا حراااااااااااااام الاحتكار عبدالطيف جميل وش فاكر نفسة كيف العمل كيف اشتكى

[حسن الشمالي]

كان الله في عونك....

اخسهم الله ...

[GABER65]

الله يعيننا وياك

[متعب السليمي]

لعنة الله على من ياكل اموال بالناس بالباطل

[قائد السريه]

ياليت توظح وش هي الاكسسوارات

وش نوع الهايلوكس الي طلبته gl او glx

الهايلوكس فيه عبداللطيف والبازعي والبريمي والقطري وكلها موجوده بالمعارض يعني مافيه احتكار

[قائد السريه]

^^^^

يا اخي لاتلعن

وش دخل فك القطع في الغراز

الجيب ماغرز الا من قيادتك طال عمرك

[قناص خلاوي]

وعليكم السلام
دام معك كاش اطمر للامارات او عمان وطق موتر من هناك
ياباني ياباني واترك عن اكسسوارات ابو جميل الصينية

[أطلال نجد]

حسب علمي أنه لا يوجد أحتكار
يوجد بالمعارض سيارات تويوتا خليجية وبمواصفات أفضل وبنفس سعرها الأصلي تقريباً (بدون أكسسوارات زائدة )

[2008]

وش تبي في سياراتهم خلها سنه وتأخذها بالسعر المعقول شف هالرابط
http://www.youtube.com/watch?v=_g6_xaP47PU&feature=relmfu

[رِجم]

هذا حساب وزير التجارة بالتويتر

اكتب له القصه وانا متاكد بيتخذون اجراء معه

http://twitter.com/#!/tfrabiah

[turkiq]

للاسف اثبتت التجارب ان التجار الكبار اكبر من الشكاوى والمحاسبة بل واكبر من القوانين نفسها
معليش بس هذي الحقيقة المؤسفة

[عاشق ام حبه]

كل تاجر سيارات (وكيل) له سند قوي يسنده ويشاركه المكسب خاصه ابو جميل معه اقوى سند ابن ابوه يقدر يشتكي

يلعب بالاسعار يغش ينصب يسوي اي شي حر محد يقدر يقوله ليش كذا

مسكين المواطن مهضوم حقه


تحياتي لكم

[تميم2222]

ابو جميل واطي على غارب الناس ..بخدمته ..وبصراحه مافيه منافس له في خدمه السيارات لكن في الفتره الاخيره ... سياراته بدت فيها مشاكل كثيره .. مثل لاند كروز ينقص الزيت اذا مشى فوق200000الف كيلو .. عندك الشاص مكره المكينه تهرب مع الوقت هذا غير مشكله التعليق بمثبت السرعه في اللكزس و فكسار..وفيه نقطه مهمه ..يغش العالم بمقوله ياباني ياباني وهو تايلندي واسترالي وامريكي ... اشوف المفروض الناس تفهم معنى هالشي والعاقل خصيم نفسه.. تقبل مروري

[ســـبــار ربــعـــه]

عبداللطيف جميل مثل مرض الأيدز ماله علاج.

تقبل مروري.

[Bds]

انا لما اشتريت برادو الزموني باالتضليل (( العازل الحراري )) من عندهم

ودفعت ٢٠٠٠ ريال !!!

والله فكني حصلت واسطة ولا كانو يبون يلزموني بل gps

[رويس]

(سلطنة عمان) أنا رحت الوكالة هنا بالسلطنة سعر القير العادي نوافذ آلية 2700 سي سي بالريال العماني 9600 ريال عماني .

[سعد777]

السلام عليكم

نعم عن تجربه ذهبت إلى فرع شارع الملك سعود وافادوني ان طلبي الهايلكس غمارتين دبل موجوده ولآكن لآزم آخذها باكسسورات وبكم قال 97700
قلت خلوها عندكم
اخذت مواصفات خليجي من الإمارات وافضل مواصفات بسعر 94000 صح تعبي وروحتي بصرف أكثر
بس لا والله ليس لبو جميل يجبرني بشي ما ابيه وغصب عني