خشم الحصان
12/02/2006, 10:24 PM
الاخوه الغالين
السلام عليكم
اخواني ارد الله اني اطلع كشته مع بعض الاخوان
وتم الاتفاق علي اني اروح يم الخوي الي بيته ويوم وصلت الي البيت ولا الرجال يحتريني و مركب العفش الله يجزه عنا كل خير ثم حملت عفشي في سيارته وقال انت ناقل دلوب بيتكم معك وش هالعفش معك قلت ياخيي ذيك المره صخنتني مغير اتسدح وبعدين انت لي بتشيل العفش ولا السياره
بدينا في المحرش ترنا تونا في الارض قال لا بس انشد
قلت اشوا المهم قعدنا نحتري واحد من لاخوان يبي يخاوينا وشوي ويمنه وصل
وحملنا عفشه ولاه مثلي وركبنا السياره يالله من فضلك ومنك ياكريم ولا يومنه نغز الزر الاحمر حق (القارمن) قلت تراك شغلت الجهاز لاياك تحسبه زر الرموت حق الباب لا يوم التفت علي يادفع البلا
قال ادري اني مشغل الجهاز منيب اشوف قلت الا بس ياخيي وين راح لعلعتنا وصجتنا في المنتدي في خيمة الملاحه
لاياكم تعتمدون علي الجهاز الا وقت الزنقه بس
قال الحين ورك معقد وغادي سنك كيبل تلفون ماسعه شيول ومتلفلف اركد
الحين انا لي ابنشدك يالمعقد الحين واين حنا رايحين يومك راكب معنا قلت للبر قال ادري
ولا يوم تغير وجهه قلت في خاطري ماش منزلينك منزلينك الحين تهوشنا في الحوش اجل في البر
خرج ولم يعد
قال وشهوله نبي نطلع للبر قلت نبي نتمشا ونشوف الربيع ونمدد رجيلتنا في الليل عند النار ونهيجن ونتقهواء قهوة بين عشوين ومثلك خابر
قال الحليم اذا شفت وتمقلت وشربت قهوه وش تسميها هذي قلت اسميها كشته
قال مافيه غير هالكلمه طيب اذا انت شفت كل شي بعيونك وهالكشمات لي انت لبسها سنها قيعان بيلات بادريق
قلت عن الغلط بدينا قال المهم وش معنها قلت نشوف ونتمتع يالله من فضلك الا يوم ابترم وقال بس وقف قلت انت لي تسوق قال ادري اني انا لي اسوق المقصد هالكلمه ((نتمتع)) قلت يالله الخيره عسي ماهيب شينه هالكلمه الا يوم راح تفكيري بعيد........
قال لا مهيب شينه بس هي مربط الفرس للنقاش ولا لو تسوق سان ماناصل الا باسر
قلت وش فيها هالكلمه
قال يابن الحلال انا متابع لكتابتك الحساسه لي مثلك وانت حريص علي اخونك في المنتدي
ولكن انت تدري ان الجهاز اصبح متعه جدآ للكشات خاصه اذا كان فيه خرائط حيث انها من اهم الاشياء التي تهم الكشات
اذا سلمنا بما تقول ان لاحد يشغل الجهاز الا وقت الزنقه وشلون نعرف للجهاز وشلون نعرف للخريطه والتركات والكثير الكثير من خفيا الجهاز اذا كنا مانستعمله دئمآ
صدقني يابو جراح البر معاد هوب مثل منول تتمتع بالربيع لا اصبح التقنيه الحديثه جزا لا يتجزاء من الرحه او قل هي العمود الفقري للرحله
قلت اجل مثل عمود الكرنك للمكينه
قال ايه يالمكنيكي بالله عليك اقول تقنيه حديثه وتكنلوجيا علي وزن(حفرلوجيا) وانت تقول عمود كرنك هذي مقارنه
قال تشغيل الجهاز مهم جدآ واذا ماشغلته تحس بنقص في كبينة القياده
قلت الله اكبر لي يسمعك يقول لنك تسوق طياره اف 1000
ابتسم بزعل وحنق وقال الله كريم تسوق طياره القروي قروي
قلت وش دعوا مقطوع سرك في باريس
قال المهم هذي النقطه لي اببينها لك يابو جراح قلت مشكور بس انتبه لا يطق فيك عرق
انت مارضعت حليب انت راضع شطه اللهم ياكافي سنك بريز فايح مايلمس الا بيز
المهم تسلقيت ورا وتمركيت ويوم شافني في المرايه قال تمرك يم اباب لا تمركا علي العقش
قلت انا متمركي علي الفروه قال يابن الحلال ادري انك متمركي علي الفروه اجل متمركي علي خيشه لا تمركا علي الفروه قلت لبش قال انت تدري وش لي فيها قلت جلد (هرفي ) يدفينا وقت البرد
الا يوم دق فرمل ولاي عندهم جنب الجهاز
قال في وسطها كمره ولاب توب
قلت وش عندك بالكمره
قال الحبيب الكمره وللاب توب اخوان القارمن من امه وابوه وهن من اهم الاشياء التي يحرص عليها الكشات وهي ممتعه والدليل الصور والبرهان (خيمة التصوير) شف وشلون يتلذذون
في فن التصوير
وزي ما قلت هي جزا لا يتجزاء من ادوات الرحله
قلت امنا نشوف البر علي الطبيعه
قال الحليم النقاش معك يجيب السكر والملح وجميع انوع الصخاين يامتخلف
قلت افا فا .........علموني او السبير ماينتعلم
المه خذ صياح ونجره لين وصلنا دوار العتش
وبيني وبينكم كلام صحيبي فيه من الشي الزين ودي اني اصير مثله بس منهو لي بيعلمني عقب هالعمر
لكن البركه فيكم ياعيال مكشات
ياجعلكم تسلمون امين
اخوكم
خشم الحصان
السلام عليكم
اخواني ارد الله اني اطلع كشته مع بعض الاخوان
وتم الاتفاق علي اني اروح يم الخوي الي بيته ويوم وصلت الي البيت ولا الرجال يحتريني و مركب العفش الله يجزه عنا كل خير ثم حملت عفشي في سيارته وقال انت ناقل دلوب بيتكم معك وش هالعفش معك قلت ياخيي ذيك المره صخنتني مغير اتسدح وبعدين انت لي بتشيل العفش ولا السياره
بدينا في المحرش ترنا تونا في الارض قال لا بس انشد
قلت اشوا المهم قعدنا نحتري واحد من لاخوان يبي يخاوينا وشوي ويمنه وصل
وحملنا عفشه ولاه مثلي وركبنا السياره يالله من فضلك ومنك ياكريم ولا يومنه نغز الزر الاحمر حق (القارمن) قلت تراك شغلت الجهاز لاياك تحسبه زر الرموت حق الباب لا يوم التفت علي يادفع البلا
قال ادري اني مشغل الجهاز منيب اشوف قلت الا بس ياخيي وين راح لعلعتنا وصجتنا في المنتدي في خيمة الملاحه
لاياكم تعتمدون علي الجهاز الا وقت الزنقه بس
قال الحين ورك معقد وغادي سنك كيبل تلفون ماسعه شيول ومتلفلف اركد
الحين انا لي ابنشدك يالمعقد الحين واين حنا رايحين يومك راكب معنا قلت للبر قال ادري
ولا يوم تغير وجهه قلت في خاطري ماش منزلينك منزلينك الحين تهوشنا في الحوش اجل في البر
خرج ولم يعد
قال وشهوله نبي نطلع للبر قلت نبي نتمشا ونشوف الربيع ونمدد رجيلتنا في الليل عند النار ونهيجن ونتقهواء قهوة بين عشوين ومثلك خابر
قال الحليم اذا شفت وتمقلت وشربت قهوه وش تسميها هذي قلت اسميها كشته
قال مافيه غير هالكلمه طيب اذا انت شفت كل شي بعيونك وهالكشمات لي انت لبسها سنها قيعان بيلات بادريق
قلت عن الغلط بدينا قال المهم وش معنها قلت نشوف ونتمتع يالله من فضلك الا يوم ابترم وقال بس وقف قلت انت لي تسوق قال ادري اني انا لي اسوق المقصد هالكلمه ((نتمتع)) قلت يالله الخيره عسي ماهيب شينه هالكلمه الا يوم راح تفكيري بعيد........
قال لا مهيب شينه بس هي مربط الفرس للنقاش ولا لو تسوق سان ماناصل الا باسر
قلت وش فيها هالكلمه
قال يابن الحلال انا متابع لكتابتك الحساسه لي مثلك وانت حريص علي اخونك في المنتدي
ولكن انت تدري ان الجهاز اصبح متعه جدآ للكشات خاصه اذا كان فيه خرائط حيث انها من اهم الاشياء التي تهم الكشات
اذا سلمنا بما تقول ان لاحد يشغل الجهاز الا وقت الزنقه وشلون نعرف للجهاز وشلون نعرف للخريطه والتركات والكثير الكثير من خفيا الجهاز اذا كنا مانستعمله دئمآ
صدقني يابو جراح البر معاد هوب مثل منول تتمتع بالربيع لا اصبح التقنيه الحديثه جزا لا يتجزاء من الرحه او قل هي العمود الفقري للرحله
قلت اجل مثل عمود الكرنك للمكينه
قال ايه يالمكنيكي بالله عليك اقول تقنيه حديثه وتكنلوجيا علي وزن(حفرلوجيا) وانت تقول عمود كرنك هذي مقارنه
قال تشغيل الجهاز مهم جدآ واذا ماشغلته تحس بنقص في كبينة القياده
قلت الله اكبر لي يسمعك يقول لنك تسوق طياره اف 1000
ابتسم بزعل وحنق وقال الله كريم تسوق طياره القروي قروي
قلت وش دعوا مقطوع سرك في باريس
قال المهم هذي النقطه لي اببينها لك يابو جراح قلت مشكور بس انتبه لا يطق فيك عرق
انت مارضعت حليب انت راضع شطه اللهم ياكافي سنك بريز فايح مايلمس الا بيز
المهم تسلقيت ورا وتمركيت ويوم شافني في المرايه قال تمرك يم اباب لا تمركا علي العقش
قلت انا متمركي علي الفروه قال يابن الحلال ادري انك متمركي علي الفروه اجل متمركي علي خيشه لا تمركا علي الفروه قلت لبش قال انت تدري وش لي فيها قلت جلد (هرفي ) يدفينا وقت البرد
الا يوم دق فرمل ولاي عندهم جنب الجهاز
قال في وسطها كمره ولاب توب
قلت وش عندك بالكمره
قال الحبيب الكمره وللاب توب اخوان القارمن من امه وابوه وهن من اهم الاشياء التي يحرص عليها الكشات وهي ممتعه والدليل الصور والبرهان (خيمة التصوير) شف وشلون يتلذذون
في فن التصوير
وزي ما قلت هي جزا لا يتجزاء من ادوات الرحله
قلت امنا نشوف البر علي الطبيعه
قال الحليم النقاش معك يجيب السكر والملح وجميع انوع الصخاين يامتخلف
قلت افا فا .........علموني او السبير ماينتعلم
المه خذ صياح ونجره لين وصلنا دوار العتش
وبيني وبينكم كلام صحيبي فيه من الشي الزين ودي اني اصير مثله بس منهو لي بيعلمني عقب هالعمر
لكن البركه فيكم ياعيال مكشات
ياجعلكم تسلمون امين
اخوكم
خشم الحصان