للفائدة / أبي أعرف ماهي علامات تخبيط المكينة وأسبابها (الدعوه عامة مجربين وخبراء)

[sgl2002]

ياشباب من باب الثقافة وحب التعلم أبي أعرف علامات تخبيط المكينة وأسبابها ،

لأن فيه جيوب باترول ولاند أشوفها ماشيه فوق 500ألف ولانقص أو دخان ونظيفة

وسيارات زيها وأحدث موديل ماشيه أقل من 300ألف وتلقاها موظبة .؟


فحبيت أعرف الأسباب والعلامات من باب حب التعلم ؟

يعني اللي أعرفه أنا نقص زيت ، صوت طقطقه ، دخان ، عزم رديء ، حرارة ... بس هل فيه غيرها ؟

[الباثفندر 3.5]

الاسباب سوء الاستخدام و عدم الانتظام بتغير الزيت و ارتفاع الحراره بشكل مستمر كل هالعوامل من اسباب التخبيط المبكر

[عسّاس المطر]

عزيزي بحكم تجارب مرت معي

الزيت لازم تغيره وماهو تغيره وبس تكشف عليه كل 500 ك من خوف انه ناقص لأن النقص سبب رئيس في تخبيط المكينة بسبب مايحدث من مشاكل في الجنزير , لاتقول طالما اني ازيد الزيت ماله داعي أغيره ّّ!!!!! إلا له داعي بسبب الروش وقطع حديد صغيرة تكون في الزيت بحكم الاحتكاكات وتغيير الزيت مع السيفون يطردها للخارج
كذلك السرعه والوطي في كبد المكينة فكلما كان المشي معتدل وارتفاع السرعه تدريجي كلما
كان عمر المكينة أطول

دمتم على الطاعه

[يالبى الهلا]

تبي تتاكد من المكينه هل هي سليمه افحصها فحص كمبيوتر وتاكد من ضغط البساتم عند مشاهدة التقرير
اذا كان ضغط البستم اقل من 85 فهي على وشك التوضيب حتى لو ماتنقص او تدخن
اذا كان ضغط البستم من 90 الى85 لاباس من ناحية الاستخدام وحسب المحافظه عليها بتعيش معك المكينه
اذا كان ضغط البستم 100فالمكينه ممتازه

[عاشق الكابرس]

اسباب الخراب
نقص الزيت
عدم تغير الزيت بانتضام
تعطل طرمبة الزيت
تعطل طرمبة الماء
الحراره
التفحيط والاستخدام الجائر
عند التشغيل لابد منالانتظار من 30 الى 60 ثانيه على الاقل يدور الزيت في المكينه
انتهاء عمر المحرك الافتراضي

[عاشق دفرنسين]

الله يعطيك العافيه اخوي عالموضوع تكفووون يالنشاما

عندي مشكله ابي لها حل انا سويت فحص كمبيوتر طلع لي النتيجه هذي

افتح الرابط وتطلع لك الصورة

صورة التقرير

هذا رابط صورة التقرير لان حجمها لو حطيتها راح يكون كبير قلت احط الرابط احسن


http://www3.0zz0.com/2011/10/19/11/731344331.jpg (http://www3.0zz0.com/2011/10/19/11/731344331.jpg)



وغيرت زيت سوبر جيتي ورحت مكانيكي قال حط التر سفن وغيرته قبل كم يوم

ومشيت عليه يمكن 800 متر او 700 وشيكت قبل شوي ناقص يمكن ربع او فوق شوي علبه

مااادري والله احترت هل هو يبيله توضيب يبيله شنمبر او وش السالفه

[sgl2002]

^^^
كان عندي ددسن ٢٠٠١. تنقص بدون دخنه

ونقص غير منتظم ويزيد مع السرعه

ويوم ففكينا المكينة حصلت مكان البستم فيه مخوش بسيطه لان سبق انكسر البوجي داخل

[أبوشريدح]

من اسباب نقص الزيت
تلف بلف التبخير
اللي ما يكلف 100 ريال

[ابوراكان تبوك]

ثلاث اشياء أساسية اذا سويتها تعيش المكينة كثير طبعاً هذه طريقتي كنت اسويها بفورد مشى 400الف ولا يقلب زيته ولا ينقص لين بعته
ونفس الطريقة اتبعها في سياراتي الاخرى

1- لاتخلي الزيت ينقص وغيره كل 4000 مع السيفون في كل مره ( طبعاً 4000 اذا كنت متأخر كثير )
2- لاتمشي الا ومؤشر الحراره على حرارته الطبيعية
3- لاتجور ع الموتر بالتروس خلي سرعتك تدريجية وتهدئتك تدريجية

[زياد علي]

اسباب تخبيط المكينة
1الحرارة الزائدة
2السرعة الزائدة او الدوس على الابنص بقوة
3التاخر في غيار الزيت
4وضع زيت غير مناسب
5عدم تحمية السيارة وهذا يشكل اهم شي
6اهمال تغيير جلد البلوف عند وجود ادخنة
وممشى السيارة حتى لو ماشية مليون كم مالها علاقة في مدى نظافتها