من طرائف المقناص

[رقاب الضرابين]

السلام عليكم ورحمة الله وبركاته
الاعزاء مشرفي واعضاء وزوار مكشات
اليكم هذه الطريفه من احداث المقناص ومشاكله..
مره من المرات وفي يوم من الايام وقبل سنتين بالتحديد
جاني احد اخواني من ارض لنا وكانت فيها عشب وزرع
وذكر لي حباره وكان الجو ممطر مطر خفيف وديم وصاكه غيم
وكانت الحباري في ذالك الوقت قليله بسبب كثرت القنوص
خصوصا القطريين فقلت وكانت عندما تذكر لا نتوانا بالذهاب اليها
عندما تذكر
المهم اخذت طيوري ومشيت على الذكر والارض تبعد 4 كيلوات تقل
او تزيد شوي وكنت لحالي في ذالك اليوم وعندي شيهانه قرناس بحريه
ما يروح عليها شيء باذن الله ومعاي وكري صياد ولاكن مافيه ذاك اللحوق
دورت مالقيت وتعديت اخذني الواهس وشفت وقود السياره مايكفيني ورجعت
ومريت بالذكر وهي تدرج قدامي شافها الودري وهديته عليها طقها بالارض
وطارت وهي تقول يالله لسماء عرفت الوكري ما يلحقها هديت الشيهانه لحقتها
واخذت منها ريش وانطحت الشمال يوم اخذت لحضات لمار لحق طير من فوق الشيهانه
نازلعلى الحباره لمار الوكري مهي عوايده علقها لمار الشيهانه وتعلقع معه وانا حدرهن
يوم جيت لمار الشيهانه قاضبه الطير وحاقله عليه وهو ماسك الحباره المهم من الدهشه
حولت السياره بنمره الحمد لله انا طفت حاولت اخلص بينهن المهم طلعت الحباره وقلت اكيد
ميته حطيتها وراي وفاككت بين الطيور بعد ان مشى دم ايديني
وانا افاكك الطيوربشنق السياره تراوالي حصني يركض اثريه الخرب نار ..
اعطيت الشيهانه التلواح والوكري طار وابعد والارض مليانه شجر فيضه ومغلقه
دورت الحباره مالقيتها ومن الفره والسماء تمطر ضيعت طيوري غديت (حوسه)
رديت على قارمن وعلى لفات الطريق ليما جيت المكان لمار طيوري متشابكه كفبكف ومنسر بنسر متماسكات تقل رجاجيل
وانا وياهن وحقلنعلي كم مره المهم اخذتهن ورحت للبيت وانا دمي يجري ومتبلل من المطر
وحالتي حاله وديتول وتعقيم و4 ايام وااقدر البس الدس
انا اقول بيني وبين نفسي وشجاب الحصني عندي سبحان الله اثريه الخرب ناير وشبه مقفي
يشبه الحصني وغيم ومطر وانا منحبص حسبته حصني وسلم وانا ما سلمت
اتمنا ان تنال اعجابكم
ودمتم بالف خير وعسى يجيكم الصيد الوفير وتسانسون السنه
اخوكم ابو عبدالله العنزي

[مخاوي الذيب 305]

ههههههههههههه
ماتسوى عليك الخرب
لو انك ماسك الخرب فدوه الدم بس سلم الخرب وانت والطيور ما سلمتوا
خخخخخخخخ

[ربع خالي]

وعليك السلام ورحمة الله وبركاته

الله يسعدك ياخوي ، فعلا موقف لاتحسد عليه ولايتمناه راعي الطير .
هذي السالفه مرت على واحد من الشيبان الله يعطيه طولة العمر .
صاد الحبارى وكان يبي يعلم طير ثاني ، المهم عزل الحبارى حيه وحطها تحت ثوبه وجلس عليها من غير مايضغط على الحبارى ، وساعة ماربط سبوق طيره ومع مكافخ الطير ! قام ناسي الحبارى بانها حيه ، وطارت الحبارى سلم مافيها شي ، يقوم ويهد طيره وهو مربوط سبقه ، ويشل الطير المنقله معاه وشايبنا يركض ورى الطير يبيه يوقع حتى يفك سبقه ، ولكن الطير ماوقع الين اختفت الحبارى .
( وعلى قولة المثل السالفه تجيب اختها)

تقبل مروري

[رقاب الضرابين]

ابو عطالله الله يسعدك وشكرا على مرورك ودمت سالم

[رقاب الضرابين]

ربع خالي اول شي اشكر لك الرائع واطلالتك المميزه
وشايبك الله يعطيه الصحه والعافيه ضيع رشده من حب الحباره
اذا الشايب صاربه هذا انا وش اقول بها جن الحباره اعتقد
ولاكن ما يدعم قولي دليل
ولاكن الصيد فيه غفله كما قال الرسول صلى الله عليه وسلم
(من بدى جفى ومن تتبع صيد غفل) اوكما قال الرسول صلى الله عليه وسلم
اذا حنا بدو وصقاقير نسال الله السلامه والعافيه

[أبو فيصل]

ههههههههههه أضحك الله سنكم أنت يابو عبدالله و ربع خالي

[ابوفوز]

هههههههههههه
حقيقه موقف لاتحسد عليه تخيلتك بالموقف
لكن ماهي مكتوبه لك

[ذيب الفاو]

مشكور على القصه الطريفه

[رقاب الضرابين]

اشكر الجميع على المرور الجميل والغايه اسعادكم
وتوضيح ما يقع به الصقار
ودمتم بخير

[قرناس شماالي]

وعليك السلام ورحمة الله وبركاته



الله يسعدك ياخوي ، فعلا موقف لاتحسد عليه ولايتمناه راعي الطير .
هذي السالفه مرت على واحد من الشيبان الله يعطيه طولة العمر .
صاد الحبارى وكان يبي يعلم طير ثاني ، المهم عزل الحبارى حيه وحطها تحت ثوبه وجلس عليها من غير مايضغط على الحبارى ، وساعة ماربط سبوق طيره ومع مكافخ الطير ! قام ناسي الحبارى بانها حيه ، وطارت الحبارى سلم مافيها شي ، يقوم ويهد طيره وهو مربوط سبقه ، ويشل الطير المنقله معاه وشايبنا يركض ورى الطير يبيه يوقع حتى يفك سبقه ، ولكن الطير ماوقع الين اختفت الحبارى .
( وعلى قولة المثل السالفه تجيب اختها)



تقبل مروري


:D:D:D:D:D

:good2::good2:

[صقار قديم]

ههههههه يا كثر هالسوالف عند شوف الحبارى ... وما الذ الذكريات


لك التحية و التقدير

[رقاب الضرابين]

الاخوه قرناس شمالي وصقار قديم اشكر لكم مروركم الجميل
والرائع ودمتم بخير ومسره

[ياس البوادي]

السلام عليكم
اخوي رقاب بيض الله ويهك على الموضوع ولكن لفت انتباهي شي يمكن انت نسيته او انك ما تعرفه وهو في حال الطيور تشابكن الطريقه السريعه لفكهن هي ان تمسك الطير من راسه وعلى طول يتفككن من بعض وانا مجرب هذه الطريقه من قبل.
اخوكم يـــــــــــــاس اليوادي

[صحراوي uae]

بيض الله ويهك على الموضوع

[أبوفرحان]

يعطيك العافية اخوي

[ابن الاصيل]

الله يعطيك العافيه

[رقاب الضرابين]

اشكر الجميع على الردود وبعض التنويه والتعليق
واما عن ما تفضل به اخوي ياس البوادي انا اعرف ما ذكرت من قديم
والاكن والله ياللحيه الغانمه اويلهن اذل عليهن من ان يصيبهن شيء
وانت وانا نعرف الرقبه ودورها ؟
خصوصا الشيهانه لو تقطع من لحمي ما اتعرض رقبتها واثنيها
ودمتم بخير

[عاشق المطلاع]

الله يعطيك العافيه

[Turki1]

اشكر الجميع على الردود وبعض التنويه والتعليق
واما عن ما تفضل به اخوي ياس البوادي انا اعرف ما ذكرت من قديم
والاكن والله ياللحيه الغانمه اويلهن اذل عليهن من ان يصيبهن شيء
وانت وانا نعرف الرقبه ودورها ؟
خصوصا الشيهانه لو تقطع من لحمي ما اتعرض رقبتها واثنيها
ودمتم بخير

يعطيك العافيه يابوعبدالله على سرد هالقصه واشهد بالله انك صقار، ووش علوم الوكري اللي صار(فرخ شيهان)-ماشاء الله، الى الان عندك؟

[فهد الدقباسي]

الله يعطيك العافيه

[عديم المخالب]

موقف طريف فعلا