المساعد الشخصي الرقمي

مشاهدة النسخة كاملة : فزعتكم في معرفة صوت الحنة في جيب اللاند كروزر


بر وعزبة
30/10/2011, 02:44 PM
السلام عليكم ورحمة الله وبركاته
حيالله الشباب المكشاتية حيالله كل واحد بإسمه

أبغى فزعتكم في صوت يطلع من قدام من جهة المكينة
إذا وصلت السرعة 140 الصوت بالطريقة ررررررر

المستغرب لما أمشى 160 يروح الصوت أو أقل من 140

حاولت أبحث بالموضوع لكني لم أجد حل .
الموتر GXR 2003

أنتظر شوركم وتعلقياتكم
ودمتم سالمين
يكفيني نظرة
30/10/2011, 02:59 PM
يمكن يصير ربل منطلق والا ريشه من ريش المروحه منكسره او الهوايه حقت المروحه..
يالبى الهلا
30/10/2011, 03:03 PM
تاكد من عمود الدوران (الدفرنس)لايكون منطعج فكه وافحصه عن طريق المخرطه هل هو سليم او مطعوج
hail_ksa
30/10/2011, 03:08 PM
معاي نفس الصوت بسفاري 95 باب
الصوت يجي متواصل على سرعة عالية .. وأحيانا ينقطع ثانية أو ثانيتين ويستمر .. ولما أهدي يروح

اتمنى استفيد من موضوعك
عبدالله المطيري
30/10/2011, 03:18 PM
انا كان معي صوت كذا مع يسار المكينة وطلع

رمان الهوب يطلع من سرعة 70 الى 140 وبعدين يختفي

وشغلته بسيطه قطع غيار حول 200 ريال وتركيب 70 ريال
ابو محمد السهلي
30/10/2011, 11:21 PM
رد: فزعتكم في معرفة صوت الحنة في جيب اللاند كروزر
انا كان معي صوت كذا مع يسار المكينة وطلع

رمان الهوب يطلع من سرعة 70 الى 140 وبعدين يختفي

وشغلته بسيطه قطع غيار حول 200 ريال وتركيب 70 ريال

اعتقد هذي مشكله سيارتك... والعلم عند الله
سايق الريم
31/10/2011, 07:23 AM
قبل كل شي شيك على كراسي القير + كراسي المكينة
ساري 111
31/10/2011, 02:03 PM
اذا الصوت ينقطع اذا رفعت رجلك عن البنص فهي كارونه

واذا الصوت مستمر سوا رفعت رجلك عن البنص او مارفعته فهو رمان
شاعر وحساس
31/10/2011, 02:33 PM
اعوذ بالله اللي يقول كرونه واللي مادري وش


اعتقد مشكلتك هو شداد الكنداسه اللي نازل بعد القزوز شده بقووووووه وتوكل على الله

او في الكنداسه نفسها ان كان الصوت اذا خفيت رجلك عن السرعه يطلع فهو مشكله في الشكمان والكنداسه
ذري1000
04/11/2011, 10:37 PM
الله العالم انه رمان الهوب وتبي تتأكد وانت ماشي وطلع الصوت لف يمين (خفيف وامش وانت لاف) اذا زاد الصوت معناه من ان الهوب الايمن يحتاج تغيير خاصة اذا لفيت يسار ولم يطلع الصوت
بعدها نفس الحركة افحص الهوب الايسر
اذا كان الصوت لم يتغير لا يمين ولا يسار يكون المشكلة ليست من الهوب