يا أهل الـ fg تكفوووووووووون الحراره بهذلتني

[سعد2006]

عندي fg 2009 توني شاريه من ثلاث اسابيع اول يومين السيارة تمام ثم بدت الحرار ترتفع وتاصل h ؟؟؟؟؟؟؟؟؟؟؟
غيرت بلف الحرار
وغيرت طرنبت الاديتر
وغيرت غطاء الاديتر
والمشكله اذا لمست الكبوت ماهوب حار واطرافه بارده
وديته الوكاله مايدرون
والحراره مسكات مره ترتفع ومره النص ومره الربع ( كل هذا في دقيقتين )
وغالباً ترتفع
وشكيت في الحساس وفتحت غطاء الاديتر وانفجر في وجهي الماءحار
وش الحل تكفووووووووووووون
مالكم الا الدعاء...

[راعي البا]

ان شاء الله بسيطه مشكلتك ..........
طيب يا اخوي شيك على الكتاوت حق المراوح وشف هل تشتغل سحب او دفع

[dead man]

اخوي سعد الله يفكك مما ابتلاك فيه والله حرارة الموتر تجنن الواحد لاني مجربها ويبغاللك اشياء كثيره تسويها وياالله انك تكتشفها عموما عندي بعض الحلول اطلع عليها لعلها تكوون احدها سبب الحراره
1شيك كلتش المروحه حق المروحه الميكانيكيه
2وشيك على مرواح الكهرب لما تدور مروحة الكهرب مو معناه انه كويس شوف دفع الهوى قوي ولا لا ان كان ضعيف غير المروحه
3سيخ الرديتر وعليك بمويه المرسيدس قيمة العلبه 35 خذللك 3 علب حق موترك
4 تاكد من الخراطيش حقت المويه
هذ الي عندي والله اني ادعو للك من قلب ربي يفكك من الحراره وتحصل مشكلتها باسرع وقت.

[سعد2006]

الله يجزاكم خير جميعاً
وافين ولا قصرتو والي قلتوه ابسويه أن شاء الله.
وننتظر باقي الاخوة لعل عندهم علم ويفيدونا...

[Jeep 2005]

شيك على خراطيش الراديتر .. ممكن بعضه يكون فيه انسداد بسيط

شيك على الماء !! فيه تهريب ؟ ينقص ؟

بإذن الله موضوعك سهل بس يبي طوله بآآآآل ..

[مركز حراره]

الماء ينقص؟
فك البلف وجرب

[عاشق دفرنسين]

السلام عليكم ورحمة الله وبركاته

والله الحراره مشكله تهوجس بالواحد

شف اخوي انا كان عندي نفس المشكله في لاند كروزر جي اكس ار

قبت عالا H

صيخت اديتر وغيرت بلف وغيرت غطاء اديتر والحمدالله راحت

شف اخوي شيك مدامك غيرت كل شيء غير الخاطيش شف دينمو المروحه يمكن انه ضعيف او يوقف

شف مروحت المكيف هل مع مكيف او بدون وشوف قبل غير خراطيش اللي فوق واللي تحت شف دفع هوا المراوح مع المكيف وبدون وشف موتر نفس موترك وقارن فيه دفع الهوا عشان تعرف يعني

واسف عالاطاله

والله يفكك منها ان شاءالله

[العرض داري]

اهم شي اذا ارتفعت الحراره لا تمشيبه خله ليبرد
علشان لا يضر بالمكينه واذا كان عليه ضمان عطه الوكاله
واهم شي تاكد من المراوح وحساس المراوح

واتوقع اذا كانت الحراه ترتفع علطول شف السيور

[احلى الليالي]

تاكد من طرمبة الماء ربما لاتعمل
اتمنى لك السلامة

[owwn]

يمكن الساعه الي في الطبلون خربانه
لان الاف جي ماعمره اشتكى من الحراره