والحل مع صرف البنزين بشكل غير طبيعي بالفتك ؟ [الأرشيف]

سلمانـ

30/10/2011, 07:16 PM

السلام عليكم انا معي فتك 2005 سفاري بصراحه ياكل بنزين بشراهه وانا والله عجزت عنه اكلني اكل بشكل غير طبيعي يعني اروح فيه للمانعيه من المذنب بعشره يالله بالطقاق تكفي او بعد يمكن يقطع مادري هل في حل هل الطرمبه ممكن تكون حل او تغير الى طرمبه غير حقت الباترول اللي عنده حل لايخليني يرحم والديه

أَبوابراهيم

30/10/2011, 07:25 PM

المعروف عن الفتك انك تعبيه ب70 يمشيك 350 كيلو تقريبا ..
لان مكينته 5800 تشفط بانزين ..

كلامي ليس عن تجربه .. بل منقول من اناس مجربين من النت

سلمانـ

30/10/2011, 07:53 PM

انا اعبيه بـ 50 فل والمكينه 4800

برايدوي عنيد

30/10/2011, 07:54 PM

هلابك

اي سياره تصرف حسب استخدامك , اذا كنت اول ماتولع الاشاره تسوي سباق الله يعينك على البنزين

لكن صفاوه الموتر له دور كبير بالصرفيه

الـ VTC صرفيه حلوه يعني 35 ريال ممكن تمشيك اكثر من350 كم خط متواصل على سرعه 140 طبعا من تجربه.

يعني 10 ريال لكل 100 كم تقريبا

سلمانـ

30/10/2011, 08:28 PM

والله انا لا اعرف سباقات ولا مقاومات يالله عساي اتمشى سواء كان بالديره ولا البر بس هالجيب نذل مايقدر حنيتي عليه

صقر نجد99

30/10/2011, 08:39 PM

من زمان وانا اسمع ان الباترول يشفط بنزين

والمازدا تشفط زيت

الله يكون بعونك

مالك الا تغير الباترول وخله يولي وخذلك لاندكروزر وتنسى صرفية البنزين وملاحق الورش من ورشه الى

ورشه .

لايزعلك كلامي ادري راعي الباترول يعشقة بزينة وشينة مثل بعض الانديه عشرين سنة وجمهوره يطامر وراه

من مدينه الى اخري ولا فيه بطوله ولا فيه تقدير للجمهور بس الحب مثل مايقولون بلوى

سلمانـ

30/10/2011, 08:52 PM

يالعذاب شريته ومالي بالبيع والتعب بس الله يفرجه من عنده لعلي القى حل

السمار

30/10/2011, 08:56 PM

برايدوي عنيد

30/10/2011, 09:34 PM

دامك تقول منتب راعي مقاوم وسباق

الحل عب فل وصفر العداد وشف كم تمشي به من كيلو ؟؟

بعدين فيه حلول تركيب فرارت وكذلك مراوح كهرب

سلمانـ

30/10/2011, 09:57 PM

دامك تقول منتب راعي مقاوم وسباق

الحل عب فل وصفر العداد وشف كم تمشي به من كيلو ؟؟

بعدين فيه حلول تركيب فرارت وكذلك مراوح كهرب
والله ياخيي ودي اسوي اي شي بس يخف صرفه شوي وبالنسبه للفرارات كم تتوقع سعرهن وايش احسن نوع

قناص خلاوي

30/10/2011, 10:41 PM

المعروف عن الفتك انك تعبيه ب70 يمشيك 350 كيلو تقريبا ..
لان مكينته 5800 تشفط بانزين ..

كلامي ليس عن تجربه .. بل منقول من اناس مجربين من النت

اسمح لي اقول هالكلام ماهو صحيح
الباترول لا طفى تعبيه بـ 55 ريال تانكيين
ويمشيك بحدود 550 كيلو تزيد شوي تنقص شوي

تؤبر تسبدى

30/10/2011, 10:49 PM

الحل وانا اخوك ذب مكينة وركب مكينة لكزس وراح تدعيلي ان شاء الله

المكينة مع التركيب تكلف حدود الـ16000 تزود وتنقص

أبوFيصل

30/10/2011, 10:51 PM

اذا البواجي والأسلاك زينه مع الفلتر . ركب هدرز وتبي ترتاح واسأل من ركبه على فتك صالون

«نجم الخير»

30/10/2011, 10:56 PM

طبعأ صرفية البنزين تختلف من موتر اللى موتر عندك موتري بـ 15 من شرق بريده للمانعيه رايح جاي وباقي الربع الممشى حدود 120 /ك والسرعه نفسها

المشكله اتوقع من بيت الاشتعال عندك او يبغى تصفيه احسن لك مر ورشة الهبيش ع شان ماتاخذ بالاجتهدات :p

المنيعي1

30/10/2011, 11:07 PM

أذا تعبي فل ويمشي داخل المدينة 410 ألى 420 كلم قبل تولع المبة طبيعي طبعا التانكي الكبير فقط

صقر نجد99

30/10/2011, 11:18 PM

طيب وش دخل الباترول بالأندية
أقول الله يشفيك
قصدك نادي النصر النصر يعشقه الملايين وحتى لو نزل إلى الدرجة الثانية نحن نشجعه
لأن الجمهور النصراوي وفي لناديه وليس مثل نادي البنات إذا انهزم مبارتين تركوه وقامو متشجيع برشلونا
اقول مالت على الزعيق ومن يشجعه

اول شي الله يسامحك

الشي الثاني انا ماجبت طاري النصر ( اللي في بطنه ريح مايستريح )

الشي الثالث انا ماشجع الا الاخضر فقط ( المنتخب )

( نادي بنات )

ان شاء الله مايجي عندنا نادي بنات

سلمانـ

31/10/2011, 12:22 AM

بالنسبه للهدرز مادري ان كان له دخل بالأستهلاك ولالا واحس صعبه هدرز وانا اروح واجي على الموتر وبالنسببه للتصفيه يمكن اقتنع فيها وانا موتري يلهف 50 ريال للتانكي الواحد ولو اعبي الأثنين كان صرفت كل اللي عندي عليه

ABO AL-HESH

31/10/2011, 01:06 AM

انا معي نفس موديلك .. فل التانكيين ب 55 .. يمشين بالخط 650 كيلو السرعه 150

يالبى الهلا

31/10/2011, 01:08 AM

النيسان على ممشى صاحبه بالمعنى على الدعسه والسرعه يشرب بنزين
اما اذا قللت الدعسة يقل صرفية البنزين ولايصلح له الابنزين 91
الشاهد افحص الكويلات واسلاك البواجي

sgl2002

31/10/2011, 01:17 AM

الفتك صرفيته حلوه ونفس اللاند

انا معي ربع كلبريتر اعبي عشرة وامشي 100 كيلو او اكثر

تاكد من موترك هذي ماهي صرفية الفتك

سلمانـ

31/10/2011, 01:47 AM

انا معي نفس موديلك .. فل التانكيين ب 55 .. يمشين بالخط 650 كيلو السرعه 150
ياخيي انت قصدك التانكيين كلهم بـ55 ولا الواحد انا موتري تانكي واحد 55 واذا الثنين اكيد ميه وحوله

«نجم الخير»

31/10/2011, 01:53 AM

ياخيي انت قصدك التانكيين كلهم بـ55 ولا الواحد انا موتري تانكي واحد 55 واذا الثنين اكيد ميه وحوله

الفتك التانكين بحدود الـ 55 بنزين 91 والـ 95 يفرق 15 ريال او زود

اذ انت تعبي 91 يمكن التانكي عليه تعديل او مكينة المحطة ملعوب فيها

التر بالمذنب 49. * 120 لتر سعة التانكين = 58 ريال الحسبه تقريبأ

محامي وراط

31/10/2011, 02:05 AM

أخي الكريم / فارس

عطنا تفاصيل اكثر عن مشكلتك او عن الصرفية بالاخص

اللي تقصده تانكي واحد ولا الاثنين ؟؟

كم المسافة المقطوعة تقريبا ؟؟

كم السرعة اذا كان على خط او سفر ؟؟

اتوقع موترك فيه بلا ،، مستحيل تكون هذي صرفية الفتك

هي احد امرين :
1- موترك يبيله تصفية كاملة ( من بواجي وصفاية بنزين وتنظيف بخاخات والتأكد من اسلاك البواجي و...)

2- او انك ما حسبت المسافة زين اللي قطعها موترك .

انا عندي فتك 2009 نفس مكينة موترك بالضبط

اعبيه 91 التانكي الكبير تقريبا اذا فضى 36-35 ريال

يمشيني داخل الديرة وبدون مبالغة 400 كيلو وأكثر ( تقريبا )

طبعا على سواقة هادية وراكدة ،

اما بالنسبة للموتر ما اضفت عليه الا فرارات برازيلية فقط والباقي شد بلد ، وعلى فكرة الفرارات ما تفرق الا 50 كيلو فقط في كل مرة تفلل التانكي ،،

واعتذر على الاطالة ،،

سلمانـ

31/10/2011, 03:07 AM

والله ياخيي انا كنت اعبي احمر واليوم عبيت اخضر والموتر له معي تقريبا حوالي اسبوع او اسبوعين توني مشتريه بس صدمني بكثر لهف البنزين والمشكله مامن امور والموتر بعد فيه قلة نشاط من شريته واليوم مريت الخضير بس الله يهديه مصر ان الموتر مافي شي رغم انه احيانا يكون فيه كتمه وطلقته مو مضبوطه يالله ينطلق كأنه مكتوب وبعد مايمسك الخط بشوي يصفي تقريبا والخضير يقول يبي لك من يفحص الطرمبه وانا اقول هل الطرمبه له دخل بصرفية البنزين وللعلم الموتر صفايته وبواجيه وفلتره جدد

محامي وراط

31/10/2011, 03:53 AM

والله الصراحة غريب جدا مشكلة موترك ،،

عاد ورشة الخضير معروفة في شغلها وكلن يمدحها ،،

طيب يا خوي شف مالك الا انك تعبي التانكيين فل سواء أحمر أو أخضر وتحسبله بالعداد كم يمشيك من كيلو بالضبط ؟؟

تحسب لللتانكي الكبير لوحدهـ ،،
والتانكي الصغير لوحدهـ ،،

وايضا ما يمنع تمر ورش أخرى تستشيرهم فالمشكلة وما يحتاج فالقصيم ما شاء الله عندكم ورش فاهمين وفنانين بالسيارات ( مهب بالرياض يتعلمون على السيارة )

والشباب يدلونك وما يقصرون معك ان شاء الله ،،

وعطنا ردك بعد ما تحسبله كم مشاك من كيلو ؟؟

وننتظر ردك هنا ..

سلمانـ

31/10/2011, 04:04 AM

والله لاتضحك علي بس اصبر خل الله يرزقني شي افلل فيه التانكيين وابشر بعزك

سفاري959

31/10/2011, 04:16 AM

والله لاتضحك علي بس اصبر خل الله يرزقني شي افلل فيه التانكيين وابشر بعزك

ياخي انا معي 99 بخاخ عبيته من عنيزه وجيت للرياض مع السريع ممشاي ما بين 140 الى 160 بدون مكيف وصلت الى البيت باقي فيه اقل من الثلث بشوي علماً
بأني قست صرفيه موتري مع فتك 2003 معبين سوا فل والممشى واحد وصلنا طلع
الفتك احسن صرفيه من موتري يعني موترك مو طبيعي ابد مر على واحد فاهم

يشوفه لك تحياتي اخوي

محامي وراط

31/10/2011, 04:23 AM

الجميع يأكد على ان سيارتك الوحيدة التي تصرف بشكل غير طبيعي يعني فيها مشكلة ،،

تأكد من أكثر من ورشة فاهمة وعطنا ردك هنا ،،

ملك الفكتوريا

31/10/2011, 04:30 AM

طيب وش دخل الباترول بالأندية
أقول الله يشفيك
قصدك نادي النصر النصر يعشقه الملايين وحتى لو نزل إلى الدرجة الثانية نحن نشجعه
لأن الجمهور النصراوي وفي لناديه وليس مثل نادي البنات إذا انهزم مبارتين تركوه وقامو متشجيع برشلونا
اقول مالت على الزعيق ومن يشجعه

السمار لبى قلبك على كلمة الحق

وما عليك من رافضة الرياضة

سلمانـ

31/10/2011, 05:19 AM

طيب وين اوديه ووش اقولهم بالضبط اخاف يحوسون علي البخاخ

سايق الريم

31/10/2011, 07:10 AM

يالغلا عن تجربة الفتك القير العايدي من 2005 وطالع صرفيته زايده بقووة

خصوصا اذا كان الممشى من 140/160 يشفط شفط ماهوب صااحي والسبب الكرونة محشوره

اذا تمشي 120 يكون الضغط الار بي ام على 3.5 بعكس القير التبترونك يكون على 2.2 تقريبا

في فرق قووي من ناحية الصرفيه التوماتيك مريح مره عشان كذا مايصرف

اشوف ربعي يغيرون ترس الخامس ويركبون ترس خامس باترول اللي مكينته 4200
وفرق معهم من ناحية الصرفيه + الا ربي ام صار على 3 بضبط اذا كان يمشي 140

S U L I M A N

31/10/2011, 07:25 AM

ياسلام عليك ياسايق الريم

قصي

31/10/2011, 10:32 AM

محامي وراط

31/10/2011, 12:43 PM

يالغلا عن تجربة الفتك القير العايدي من 2005 وطالع صرفيته زايده بقووة

خصوصا اذا كان الممشى من 140/160 يشفط شفط ماهوب صااحي والسبب الكرونة محشوره

اذا تمشي 120 يكون الضغط الار بي ام على 3.5 بعكس القير التبترونك يكون على 2.2 تقريبا

في فرق قووي من ناحية الصرفيه التوماتيك مريح مره عشان كذا مايصرف

كلامك سليم 100% ولا عليه اي غبار يا سايق الريم ،،

واللي كنت اقصده انا ان صرفيته حلوة ومناسبة جدا هو التوماتيك او التبترونك ،،

لكن العايدي لا تقارن صرفيته بالتوتماتيك على كلام اكثر المجربين ،،

لأن الضغط أو عداد RBM مرتفع وحان بزيادة عشان كذا العايدي يصرف اكثر !!!

برايدوي عنيد

31/10/2011, 01:12 PM

من تجربة عندي فتك 2003
عبيت التانكيين وصفرت العداد وسافرت طريق سريع لم يكمل البنزين 300 كيلو
غيرت البواجي وعبيت التانكيين وسافرت طريق سريع تقريباً نفس السرعة تجاوزت المسافة المقطوعة 700 كيلو
الفرق اكثر من 50%

لاحظ كلام اخونا يتكلم عن تجربه مر به هو بنفسه

احتمال كبير موترك مهب صافي ابد
ممكن تحتاج تغيير صفاي بنزين , بواجي

عندك ورشه ابوسليمان الهبيش بخضيراء , ورشه ابوعبدالله الصمعاني بالتشليح طبعا كلهن ببريده

المنيعي1

31/10/2011, 02:09 PM

طيب وين اوديه ووش اقولهم بالضبط اخاف يحوسون علي البخاخ
قبل توديه وقبل تحوس لازم تتأكد قبل كل شي لآنه فيه ناس واجد يقولك موتري يصرف وبعد ماجربناه طلع طبيعي .
أول خطوة تقوم بها تعبي التانكي الكبير فل أخضر أحمر مايهم أهم شي تفلل وتصفر العداد وتمشي داخل المدينة لأن الخطوط ليسة معيار قديكون فيه هواء مضاد يختلف بصرف البنزين. وتمشي بالسيارة حتى تظيء لمبة نفاذ الوقود اذا وصل العداد بحدود الـ 400كلم يزيد أو ينقص قليلاً فهوطبيعي 100%

PATHFINDER 4

31/10/2011, 02:25 PM

عندي سؤال كيف حسبت المسافة ؟
عب فل للتانكيين وصفر العداد وامش ممشاك المعتاد
مدري لكن احس انك مكبر الموضوع
وهذا طبيعي انت تقول مالك الا اسبوعين شاري الموتر

عموما الله يبارك لك ويطعمك من خيره ويكفيك شره

الحر503

31/10/2011, 02:27 PM

افادوك الاخوان

سلمانـ

31/10/2011, 06:24 PM

الأخوان ماقصرو بيض الله وجيهكم وبالنسبه للصرف اذا كان طبيعي الله يعين عليه وبالنسبه للي يقول الصفايه وغيره أنا غيرةت الصفايه والبواجي والفلتر والبواجي كانو منهيات الصلاحيه بالمره بس حبيت اسأل هل كل تانكي له طرمبه لحالها

سلمانـ

31/10/2011, 06:27 PM

صح تذكرت شغله للي معه فتك هل صوت البلوف اول ماتشغل السياره وهي بارده طبيعي لأن بعد مايرتفع الزيت يروح بسرعه الصوت

«نجم الخير»

31/10/2011, 06:32 PM

صح تذكرت شغله للي معه فتك هل صوت البلوف اول ماتشغل السياره وهي بارده طبيعي لأن بعد مايرتفع الزيت يروح بسرعه الصوت

طق طق اغلب الفتوك فيها عاديه

سفاري959

31/10/2011, 06:34 PM

اخوي تأكد من حاجه صارت عندي وصار الموتر يشفط شفط تأكد من خرطوش الهواء الي

من القربه الى البخاخ خاصه بالأخير من جهه البخاخ يمكن يكون مشقوق ويدخل هواء

للبخاخ فيصير يعطي قراءه خاطئه للحساس والموتر يصير يكتم وينتع تأكد منه قبل

تروح لورشه تحياتي

سلمانـ

31/10/2011, 10:28 PM

أَبوابراهيم

01/11/2011, 05:09 PM

لايزعلك كلامي ادري راعي الباترول يعشقة بزينة وشينة مثل بعض الانديه عشرين سنة وجمهوره يطامر وراه

من مدينه الى اخري ولا فيه بطوله ولا فيه تقدير للجمهور بس الحب مثل مايقولون بلوى
:D:D:D
يبيلك تلين الظاهر .. بس الله يعينك ع بعض الناس :p

اذاني

01/11/2011, 06:08 PM

فر الديلكو .......... فقط

لاكن العزم بيطيح اشوي

عزم مع قلة صرفيه = لااااااااااااااااااااا تجتمع

سلمانـ

01/11/2011, 06:30 PM

الديلكو فيه كل الأسرار بس يبي له فاهم

دروب الذكريات

01/11/2011, 06:38 PM

لابد تحسب المسافة وكم عبيت نصف التانكي فل حتى نقدر نفيدك

وأنا معي فتك قير تماتيك أفلل التانكي الكبير 91 بـ 37 ريال يمشيني 400 كم متر والممشى مابين 150 تقريباَ

تأكد أنك ستجد الحل وتترتاح بأذن الله

لأن الفتك نسجد لله شكر على وجوده لأنه موتر بكل ماتحمله الكمة من معنى

وحمد ربك تستعمله بعض الدول أكثر منا والبنزين عندهم ناااار

والفتك فيه صرفه لا تكاد تذكر بالنسبة للجيوب كلها تصرف واتحدى واحد يخالف