المساعد الشخصي الرقمي

مشاهدة النسخة كاملة : هل الخيام تغسل ام لا؟ اريد الجواب


BASSAM
13/02/2006, 11:43 AM
السلام عليكم ورحمه الله وبركاته.


سؤالي هل الخيام تغسل ام لا واين المحلات المتخصصه في ذلك (خاصه في الدمام وما حولها)

السبب في ذلك اني عندي خيمه البيرق جاء عليها مطر في البر ورجعت للبيت وتركتها في الحوش مصفطه شهر كامل بدون ما انشفها وبعدين فكيتها ولقيتها مقطنه على شكل بقع بلون اخضر واسود ورائحتها كريهه

فهل هناك طريقه سهله لتظيفها او محل متخصص للتنظيف.


وجزاكم الله خيرا
BASSAM
14/02/2006, 11:36 AM
يا اخواني


اين اهل الخبره بالخيام.


اين الردود ؟؟؟
abu ziad
14/02/2006, 11:52 AM
انا عندي نفس المشكلة . كنا مخيمين بالنعيرية ايام العيد الماضي وتم تصفيط الخيام وهي غرقانه مطر ونويت اكشت الاسبوع الماضي الا والخيام مبقعة وكأ ن عمهرها عشرون سنة. علما بأن الخيام وعددها 4 مشترهاه من الكويت

( الصباحييييه وجديييييده) الله لايسامح من صفطها.
محمد العبدالسلام
14/02/2006, 11:56 AM
اخي الغالي بسام السلام عليكم ورحمة الله وبركاته واسعد الله اوقاتك

الغالي حسب علمي انه بالنسبة للقماش التنزاني مطلي بماده شبه صمغيه لمنع تسرب الماء داخله وفي حالة غسله تذهب هذه الماده مما يسهل تشربه للماء وهذا قد يجعل الخيمة تدخل المياه لداخلها ... والله اعلم

واظن الدليل هو خذ قطعة قماش تنزاني وقم بغسلها باي ماده مع الماء سوف ترى ماده لونها يميل للون القماش تنزل من القماش حتى وان كان القماش جديد

والافضل ترك الخيمة على ماهي عليه بس قم بنصبها بالشمس حتى تنشف او قم بدفنها بالتراب حتى يتشرب التراب الرائحه الكريهه رائحة التعفن حتى لا تفسد عليك .. ولا نستغني عن رأي الاخوان وتقبل تحياتي

اخوك نجـ أبن ـد
طشي وامطري
14/02/2006, 03:09 PM
طقها بالشمس كم يوم وتضبط
BASSAM
15/02/2006, 07:01 AM
اخواني

abu ziad
نجـ أبن ـد
طشي وامطري


شكرا على ردودكم


اخوي نجـ أبن ـد الظاهر اللي قلته هو الحل الامثل حاليا على قولتق عشان ما تروح الخيمه علينا.


جزاكم الله خير ونتظر باقي ردود الاخوان.



بسام
ذرب المعاني
15/02/2006, 07:47 AM
لاتغسلها .. ولا تفكر تغسلها ..

شلها واطلع السطح وافرشها فيه .. وخل شمس الظهر تصفقها الين تبلع العافيه .. وبتروح الريحه وتنشف .
ظبياني
17/02/2006, 07:48 AM
اذا كانت الخيمه جاينها مطر او ندى وانت في نفس اليوم تبي تشد .. صفطها والى وصلت البيت افرشها في مكان مكشوف وخل الشمس تصلاها لين تنشف وعقب صفطها وحطها في مخزن وسند لك كم طابوقه وكم لوح خشب وخلها مرفوعه عن الارضيه .
اما من ناحية الغسيل ما بعد مرت علي هالسالفه .
وشكرا
ذرب المعاني
18/02/2006, 08:07 AM
على فكره اخوي ..

اشتر الفرشاه مثل اللي في مغسلة السيارات اللي يغسلون بها الكفر اللي تجي قاسيه شوي ..

وانت ناشر الخيمه بالسطح تحت الشمس خذ الفرشاه وغرقها شوي ما وادعك بها الاماكن اللي تقوول تبقعت وفيها ريحه .


تحياتي
BASSAM
18/02/2006, 11:28 AM
اخواني

ذرب المعاني
ظبياني


شكرا على ردودكم

كلامكم صحيح ونبي نسوي اللي تقولون وابشركم عقب ما ضربتها الشمس راحت الريحه بس باقي اللون.


.


بسام
ذرب المعاني
18/02/2006, 12:04 PM
اللون سلمك الله ماهوب مشكله .. منظر وديكور :)

وش رايك لامنك نصبتها في البر تجيب سطل بويه لون رملي وتصبغها .

مجرد مزحه معك ..

ربي يوفقك
الشقردي
06/03/2006, 11:51 AM
أضف الى معلوماتك:
اذكر على أيام الخيام الاولة لين جينا نسفطها نرش عليها ملح خشن او ناعم ما أذكر عشان تحميها من الارضه
راعي العوجاء
18/03/2006, 06:10 PM
اقتراحات جميلة لاكن لا بد من حل لغسل الخيام
سحاب1111
22/03/2006, 11:31 AM
يااااااااااااااااااااااااااااااااااااااااااااااااا اااشباب
السلام عليكم
اياكم ثم اياكم وللمرة الثالثة اقول اياكم وغسيل الخيام .
لانهاء اذا غسلت تذهب وتزول عنها المادة التي وضعت كعازل .
اتفقنا خلاص الشعار القادم هو (لا لغسيل الخيام)
يالله مع السلامة