المساعد الشخصي الرقمي

مشاهدة النسخة كاملة : شريت جمس 2007 وعندي سؤال


Barakuda
31/10/2011, 09:05 AM
السلام عليكم جميعاً

أشتريت جمس يوكن طويل 2007 دبل
سؤالي هل أقدر أشغل الدبل والسيارة ماشية وكيف يعمل بالطريقة الصحيحة ؟؟

السؤال الثاني السيارة فيها كمرة خلفية مدري شكلها تركيب مهي جاية مع السيارة بس ما تشتغل وين أقدر اشيك عليها

أخر وأهم سؤال: هل أقدر أشيل البلف حق الحرارة ولا يسبب مشكلة؟؟؟

أخواني الكرام ماعندي أي خلفية عن السيارة يليت اللي عنده أي معلومة يشوف انها مفيده يكتبها هنا

جزاكم الله كل خير
rpk
31/10/2011, 02:28 PM
السلام عليكم جميعاً

أشتريت جمس يوكن طويل 2007 دبل
سؤالي هل أقدر أشغل الدبل والسيارة ماشية وكيف يعمل بالطريقة الصحيحة ؟؟
لا انتبه شغله وانت واقف وحطه القير على الفاضي
السؤال الثاني السيارة فيها كمرة خلفية مدري شكلها تركيب مهي جاية مع السيارة بس ما تشتغل وين أقدر اشيك عليها
مر حقين الشاشات وشيك
أخر وأهم سؤال: هل أقدر أشيل البلف حق الحرارة ولا يسبب مشكلة؟؟؟
اذا ماعندك مشكله لا تشيله
أخواني الكرام ماعندي أي خلفية عن السيارة يليت اللي عنده أي معلومة يشوف انها مفيده يكتبها هنا
والله ما يحضرني شئ
جزاكم الله كل خير
وياك ان شاء الله
ابوشجاع911
31/10/2011, 03:01 PM
1000مبروووك الله يعطيك خيره ويكفيك شره
لو طرحت سؤالك في خيمة رابطة ملاك اليوكن والتاهو لكان افضل وانصحك بالاطلاع على مواضيعها فستجد مايسرك باذن الله

بالنسبة لأسئلتك اخي الكريم:

اولا الدبل زرار (كهرب) وله ثلاث وضعيات (H2) دفع خلفي (الدبل مفصول) لايعمل في هذه الوضعية
(H4) الدبل الخفيف وهنا يعمل الدبل الخفيف ويمكن الوصول الى سرعات عالية نسبيا (فوق 120كم) بدون مشاكل باذن الله ويمكن تشغيله في اي وضع وعلى اي سرعة ماعندك مشاكل ابدا
(L4) الدبل الثقيل وهذه الوضعية لابد من وضع القير في خانة الفاضي (N) قبل التحويل عليها وهنا تكون السيارة ثقيلة جدا ويجب عدم زيادة السرعة في هذه الوضعية حد اقصى 40 او 50كم/س ويجب عدم التعشيق في هذه الوضعية الا عند الضرورة مثل تعليق السيارة او الغراز الثقيل في طين او رمال او غيره
وينصح بالتعشيق في هذه الوضعية مرة كل شهر او شهرين لتنشيط الدبل وفحصه

بالنسبة للشاشة لا اعلم :)

بالنسبة لبلف الحرارة لاتشيله نهائيا نهائيا نهائيا وانتبه من ذلك فهو يضر ولاينفع ولكن انصحك بتغييره بجديد اصلي وكالة مع الاحتفاظ بالقديم لاسمح الله لو حدث خلل في الحرارة ترجع القديم

واخيرا اتمنى لي ولك التوفيق ولجميع المسلمين وانصحك بزيارة هذا الرابط للفائدة

http://www.mekshat.com/vb/showthread.php?t=171953
Barakuda
31/10/2011, 03:50 PM
rpk و أبو شجاع
في هذه العشر المباركة أسأل الله الكريم أن يجزيكم كل خير ويحفظكم من كل شر