( خبراء ) القز أبوعينين

[عبرود الودي]

السلام عليكم ورحمة الله وبركاته

مساكم الله بالخير ..

بعد دحوسة الدبات وشل ولا تشيل وين الذرايه طارت وقعت قعدت :D
قلت بخطب لي قز بوعينين;) .. أريح وأوذف :good2:

بحثت في النت ودورت وشفت وخرجت بالأتي /

فيه قز ابوعينين الاحمر بريموس صيني ( مع الترهيم يقولون جيد )

وفيه قز كولمن عينين أصلي امريكي ( وصراحه مالقيت احد يتكلم عنه انتظر اي احد مجربه هل هو افضل من الاحمر )

وفيه قزوز الي يجيبونها العيال ويبيعونها في النت شركات مدري وشهي :p الوكاد مبين عليها طيبه


نبي راي اهل الخبر ايهم الافضل والاقوى شعله والاقصد مهراً قصدي غازاً :p

[GMC79]

انا مجرب الكولمان والبريموس الاحمر

وافضل الكولمان بفارق شاسع لكن الكولمان يعيبه فقط بعد العين عن الشبك وان كان يعوضه بقوة الشعله لكن في وضع التنميل ستواجه بعض المتاعب

[عبرود الودي]

يعطيك العافيه على الرد الصاروخي

لاعدمناك .. تنصحني اخذ الكولمن ؟ ولا الأحمر ؟..

[wafi4sa]

انا افضل البريموس الأحمر
لكن الخبر الوكاد ماشاءالله عليه ابوعبدالله (سرهيد)
ولا هو بقصور بالأخوة الباقين فيهم الخير والبركة
متمني لك حسن الأختيار والتوفيق

[عبرود الودي]

للررررفع UP

[عبرود الودي]

يعطيك العافيه على المرور اخوي

وبأنتظار الاخوه GMC و سرهيد

[الوافي 22]

مساء الخير
فيةواحدعندناء ببريدة يرهم قز عينين وتحتة شواية لتحمير
وقوي يكلف حوال 500 ريال
طبعن فية عينين + شواية + مفاتيح +صاج +يشبك على الغاز ديركت

الي يبي يراسلن على الخاص
وخليه يجهزال واحد

[FORD1969]

الكولمن بلا منازع

ولا اقارنه ابدا بالبريموس الصيني لصالح الكولمن الأمريكي طبعا

البرموس الصيني اخذ سمعه اكثر من مما يستحق وهذا لا يعني انه غير جيد لاكن لايقارن بجودة وصناعه الكولمن الامريكي

بالتوفيق

[عفشك مكمل]

السعر يدلك على الجودة وانا اخوك

انا عندي بريموس القديم الاصفر وعندي الجديد الاحمر الصيني

الاحمر اقل جودة لكن بنفس الوقت سعره يستاهل ان الواحد يقتنيه

هذي هي المعادلة برايي

[سرهيد]

السلام عليكم

ومرحبا بك

في الوقت الحالي والمواقد التي تباع ولا تزال تصنع لا تتعدى هالموقدين

الموقد الاحمر البريموس

مواقد ابو عمر التكسبورت وخاصة الحجم الاصغر لأنه اخو البريموس الاحمر

الكولمن مثل ما قال من سبقني صناعة جيدة لكن شرابيشه صغيرة جدا وبعيدة عن الشبك

وان كنت تبي لك للزمن فتصيد لك بريموس سويدي من الانواع القديمة بس ترى سعره غالي ويجي حجمه صغير .

موفق خير اخي الكريم

[GMC79]

طبعا الكولمان مافيه كلام

خاصة سعره ارخص من االتكسبورت الصيني

الكولمان من 320 الى 365 ريال اما التكس سبورت في برق الحيا 405

ومن تجربتي للكولمان شعلته اقوى بكثير من البريموس الاحمر طبعا لاتغرك اذا شفتها في الفيديو حق عروق الشمال لان مع الفراشه او مع زيادة الوزنية في المحول تتضاعف الشعله بشكل كبير وما اواجه مشكله الا في حالة التنميل لبعد الشبك عن العين وان شا الله اني بلقالها حل ...لان الموقد هذا يستحق الاقتناء

[عبرود الودي]

يعطيكم العافيه على المرور جميعا ..

GMC >FORD<سرهيد

ماقصرتو ..

الحين اقتصر البحث عن الكولمن والتكس سبورت او سويدي مستعمل .. بمر خيمة البيع وبشوف لي سويدي نظيف, واذا تخبر لي ياسرهيد الله لايهينك سويدي تراني شراي ... وصامل

مره أخرى ماقصرتو وبيض الله وجيهكم

[ابومحــ م ـــد]

تقرير مفيد وطرح موفق وجزاكم الله خير

[النوبل]

أشوف بريموس الأمريكي ماله ذكر

اذا تبي الشعله المضبوطه

الوذافه

الخفه

المقاس المناسب

صيانه سهله وبسيطه



عليك بالبريموس الأمريكي

بعد الإذن من اصحاب الصور تم إستعارتها للتوضيح




http://www.mekshat.com/pix/upload05/images213/mk209620_qq.jpg

http://www.mekshat.com/pix/upload01/prof016/mk65647_dsc01709.jpg

http://www.mekshat.com/pix/upload04/images189/mk68504_2.jpg

http://www.mekshat.com/pix/upload05/images208/mk28424_17032011070.jpg

http://www.mekshat.com/pix/upload05/images217/mk209620_dsc00631.jpg


وخاصة هذا الأخضر

بريموس سنشري



أنصحك به وبقوه

[عالي الكيف]

الاخ عبرود

انا شريت الكولمان عينين ويعيبه عذروبين :
1 / ضعف الشعله والحل ترهيم اللي ولكن تبقى مشكلة التنميل لبعد الشربوش عن الشبك كما تفضل الاخوان.
2 / الشربوش ( العين) مثبت بمسمار بأسفل الموقد وهذا سبب لي حرق بالخيمه ( الخيمه ارضيتها منها وفيها ) فلو شريته انتبه لهالنقطه .

ايضآ شريت البريموس الاحمر وجربته تجربه سريعه ( اعجبتني قوة ناره وثباته على التمنيل )
طبعآ سعره مغري جدآ وانصحك فيه (290) ريال

[مهندس/م]

انا عن نفسي جربت التكستبورت بصراحة روعة ويكفي ان العين الوحدة تعطيك
٢٠٠٠٠ وحدة حرارية!!!

[نيسان2009]

احرص على الاصلي لو غلي ثمنه