المساعد الشخصي الرقمي

مشاهدة النسخة كاملة : هذي وصوف اللغز ياصقر راعه ( جديد ) ،،،،،،،،،، حله ( ابو رافع ) ،،، الحل ( مضيق هرمز )


ابو ماجد 2
31/10/2011, 03:58 PM
بسم الله الرحمن الرحيم

السلام عليكم ورحمة الله وبركاته

لغز موجه لاخوي صقر السديرات
عرفانا بدوره وتفاعله البناء بهالمنتدى
واللغز مفتوح لترميع الجميع


هذي وصوف اللغز ياصقر راعه =لغزٍ ولا هو عن رماحك عنيدي
ويش الذي بالضيق قالوا طباعه=كم جاريه ياصقر جت له وريدي
الياقلبته ظاهرٍ لك جماعه=ولياقسمته جاك معنى فريدي
النصف الاول حي فيه البراعه=لامن تقدم للفريسه يصيدي
والنصف الآخر ماخفانا سماعه=فمي وفمك ياصقر له يجيدي



مع تحيات ابو ماجد

منتديات مكشات 0 خيمة الالغاز
أبو رافع الظاعن
31/10/2011, 04:37 PM
صح لسانك يا زعيمنا

يستاهل صقر الاسناد فهو مكسب للخيمة !

رميعة قبل الهوامير !

مضيق : هـــــــــــــــــــرمـــــــــــــــز !

عكسه : زمــــــــــــــــــــــــرة !

نصفه الأول: هـــــــــــر

نصفه الثاني : مـــــــــــــز ...يعني مص العصير بالمزازة !
ابو اسامه 2
31/10/2011, 04:54 PM
وعليكم السلام ورحمة الله وبركاته

صح لسانك يا الغالي

يستاهل صقرنا الرائع

وانت تستاهل كل خير يا زعيمنا الغالي

مؤيد لرمعة عميدنا

ويمكن تقصد كم جاريه اي السفن

تحياتي لك
راعي العجراء
31/10/2011, 06:04 PM
صح السانك يابوماجد ياحريف
مايحتاج
ماشاءالله تبارك الله
اللغز طاح عليه جدار ابورافع وكسر ضهره ومات
اعتبرني من اللي يبحثون على جثته تحت الانقاض
ابو ماجد 2
31/10/2011, 08:57 PM
صح لسانك يا زعيمنا



يستاهل صقر الاسناد فهو مكسب للخيمة !


رميعة قبل الهوامير !


مضيق : هـــــــــــــــــــرمـــــــــــــــز !


عكسه : زمــــــــــــــــــــــــرة !


نصفه الأول: هـــــــــــر



نصفه الثاني : مـــــــــــــز ...يعني مص العصير بالمزازة !


عميدنا الغالي
مافيك حيله
اجهزت عليه وهو في المهد
لله درك
نعم
مضيق هرمز
وماقصرت بالشرح
صح لسانك واعتلاشانك
ابو ماجد 2
31/10/2011, 08:59 PM
وعليكم السلام ورحمة الله وبركاته



صح لسانك يا الغالي


يستاهل صقرنا الرائع


وانت تستاهل كل خير يا زعيمنا الغالي


مؤيد لرمعة عميدنا


ويمكن تقصد كم جاريه اي السفن



تحياتي لك


تأييد في محله يابو اسامه
وكما تفضلت الجاريه هي السفينه ولكن التمويه ماطاف على عميدنا
بيض الله وجيهكم جميعا
ابو ماجد 2
31/10/2011, 09:01 PM
صح السانك يابوماجد ياحريف

مايحتاج
ماشاءالله تبارك الله
اللغز طاح عليه جدار ابورافع وكسر ضهره ومات

اعتبرني من اللي يبحثون على جثته تحت الانقاض


صح بدنك يالغالي
وصح لسانك على التأييد
وابو رافع ماقصر لهلم ضلوعه
بارك الله فيكم جميعا
برق القصيم
31/10/2011, 11:31 PM
ماشاء لله لاقوة الابالله
صحت السنتكم زعيم وعميد
لغز متكتك ورمعه شلعت قلبه ومعاليقه
بيض الله وجيهكم وزادكم الله من فضله
ابو ماجد 2
31/10/2011, 11:35 PM
ماشاء لله لاقوة الابالله

صحت السنتكم زعيم وعميد
لغز متكتك ورمعه شلعت قلبه ومعاليقه

بيض الله وجيهكم وزادكم الله من فضله


هلا بك يابو عبدالرحمن
صح بدنك
وعميدنا ماشاء الله مع هالاجازة تبدأ بذبح الالغاز قبل الضحايا
صقر السديرات
01/11/2011, 12:41 AM
وعليكم السلام ورحمة الله وبركاته
بيض الله وجهك يا ابو ماجد والعذر والسموحة منك توي الحين داخل بيتي جاي من مكشات قريب مع ربع شرواكم ولا شفت ابياتك الا الحين بس الشباب ما قصروا الله يعطيهم العافيه اكرر اسفي واعتذاري
دمت صحيحا معافى واله لايهينك
ابو ماجد 2
01/11/2011, 05:42 AM
وعليكم السلام ورحمة الله وبركاته

بيض الله وجهك يا ابو ماجد والعذر والسموحة منك توي الحين داخل بيتي جاي من مكشات قريب مع ربع شرواكم ولا شفت ابياتك الا الحين بس الشباب ما قصروا الله يعطيهم العافيه اكرر اسفي واعتذاري
دمت صحيحا معافى واله لايهينك


هلا بك يالغالي
وصباح الخير
اهم شيء يالغالي ان تعلم ان لك مكانه لدى الجميع وهذا ماترجمه كل من مر على اللغز
وانت تستاهل الكثير والكثير ولو سطرنا معلقه ماتساوت مع ايجابيتك وتفاعلك من خلال طرحك وحيال مايطرح من الجميع
بارك الله فيك ووفقك دنيا وآخره