المساعد الشخصي الرقمي

مشاهدة النسخة كاملة : المستوي & روضة السبله


ذرب المعاني
13/02/2006, 03:40 PM
السلام عليكم .

اعتذر في البدايه على انقطاعي .

تم الاتفاق الاربعاء الماضي مع نهاية الدوام انا والاخ ابو فيصل .. على الكشته خميس وجمعه .

وتم التحديد منطقة المستوي .. ولم نذهب لها من قبل وانما نسمع بها .. ولكن في اللحظات الاخيره سمعنا ان هناك غبره .. وبعد التاكد من احد الاخوان اخبرنا بان الغبره خفت .. وستزول باذن الله . توكلنا على الله وذهبنا الى المستوي واكتشفنا بان المستوي هي المنطقه مابين وشيقر وام الحزم .. واكتشفنا بوجود منطقه يقال لها ام الخويش الشمالي وام الخويش الجنوبي سبق وان هطل عليها المطر قبل يومين وذهبنا الى الشماليه وكان الوقت ليلا .. ونصبنا خيمتنا .. وشبينا ضونا وضبطنا عشانا .. وسمرنا على شبة الضو مع براد الشاهي ... وفي صباح اليوم التالي اخذنا جوله على المكان .. وهذه مجموعه من الصور
http://www.j1jj.com/uploads/700719ce24.jpg


http://www.j1jj.com/uploads/b647d1cadd.jpg

http://www.j1jj.com/uploads/22adeec7c6.jpg


http://www.j1jj.com/uploads/0cf779045b.jpg

وبعد ماتغدينا .. توجهنا الى الزلفي وبالتحديد روضة السبله .

وسبحان الله كانت هناك محميه .. وفتحوها وللاسف الربيع والعشب خارج المحميه .. اما المحميه فلايوجد بها الا عشر يابس .. اخذنا لفه كامله حوالين الروضه .. وخيمنا في مكان مناسب .. بعيد عن اي غرق او منقع للماء وخصوصا وان السماء كانت ملبده بالغيوم .. وفي الساعه التاسعه .. يوم الخميس مساء .. برقت السما مبشرة بالخير .. وسقانا ربي سبحانه .. من وبل السحايب . حتى الصباح وهي تمطر .. وفي الصباح باكرا توجهنا للنفود . لكي نتمتع بمنظر عام للروضه من الاعلى . وهذه صوره مهداه لكم ..
http://www.j1jj.com/uploads/2adae7158c.jpg


http://www.j1jj.com/uploads/67e5e1f99a.jpg

وهذه صوره للروضه بعد ان توقف المطر من اعلى النفود

http://www.j1jj.com/uploads/ab2328ebd8.jpg




اما هذها المكان ... الذي اعجبني كثير وبمشيئه الله سيكون تخييمنا فيه في المره المقبله ... جميل جدا جدا جدا وخصوصا في الليالي القماريه ... السمره فيه لها نكهه واحساس ثاني..
http://www.j1jj.com/uploads/10b9180292.jpg


اعذروني ان حصل تقصير ..
سردت الموضوع لكم .. باختصار ..


اخوكم
ذرب المعاني
(شامان )
ابو شكاع
13/02/2006, 04:06 PM
يامال العافية ياشامان على هالصور والتقرير
وش اخبارك التريل بليزر معك ؟
والمحميات الي تقول عليهن بروضة السبلة ؟
ووين مكانهن بالضبط ؟
وتسلم ولاهنت
قناص تميم
13/02/2006, 04:52 PM
أشكر ك على التغطيه الجميله ووفيت وكفيت أخوك : صقار نجد ؟
مسافر1
13/02/2006, 05:09 PM
رحلة جميلة
لم يتم حماية الروضة نعم في بداية العمل فقط وهم بحاجة لوقت طويل .. ..
نقا هشال
14/02/2006, 12:38 AM
ماشاء الله


يعطيك الف عافيه

صور وش زينها

كل الشكر لك

تقبل فائق تحيتي
علي الشايع
14/02/2006, 01:02 AM
مشكور أخوي شامان على هذه التغطية والصور الحلو أما بالنسبة للروضة التي تتكلم عنها وتقول أنها محمية فهي روضة السبلة ولكن ليست محمية وانما سوف يتم تقسمها إلى اربعة أجزاء من أجل المحافظة على الربيع الموجود في هذه الروضة لأن السيارات ما خلت نبته إلا وطتها والعمل متوقف في الفترة الحالية والله يعجل بهم حتى ننعم بالربيع الزين ووعدنا بعد فترة يا خوي شامان ونشوف الربيع كيف صار .
حسن الخاتمة
14/02/2006, 01:13 AM
كم تبعد عن الرياض ؟؟

ولو تعطون وصفها بالضبط اكون من الشاكرين
abo fasil
14/02/2006, 09:59 AM
السلام عليكم ورحمة الله ..............

حياك اخوي ذرب المعاني وان شاء الله تتكرر مره ثانيه علي خير ..........
واحب اذكر اخواني ان اكثر الشعبان مشت ومنها شعيب الحزم

وسلامتكم
ذرب المعاني
14/02/2006, 10:00 AM
يامال العافية ياشامان على هالصور والتقرير
وش اخبارك التريل بليزر معك ؟
والمحميات الي تقول عليهن بروضة السبلة ؟
ووين مكانهن بالضبط ؟
وتسلم ولاهنت

ارحب يابو شكاع .. والله يعافيك
الحمدلله ابشرك البليزر تمام لكن مشكلته انه واطي من القاع ..
اما بالنسبه لروضة السبله لامنك دخلت الزلفي وجاك الدوار ... ادخل معه يمين .. وابتل تقريبا 5 كيلو تجي الروضه غلى يسراك ولامنك دخلتها .. راح تشوف التفود على يمينك .. المحميه تكون هناك .. قريب من النفود ؟
لكن الاخوان وضحوا انها ماهيب محميه وانما مقفلينها حفاظاًَ على الربيع .
تحياتي لك
ذرب المعاني
14/02/2006, 10:02 AM
أشكر ك على التغطيه الجميله ووفيت وكفيت أخوك : صقار نجد ؟


الشكر والتقدير لك اخوي على طيب تواجدك وحظرك .
ذرب المعاني
14/02/2006, 10:03 AM
رحلة جميلة
لم يتم حماية الروضة نعم في بداية العمل فقط وهم بحاجة لوقت طويل .. ..


اخوي مسافر مرحبا بك تراحيب المطر وشاكر لك على التوضيح .
ذرب المعاني
14/02/2006, 10:09 AM
ماشاء الله


يعطيك الف عافيه

صور وش زينها

كل الشكر لك

تقبل فائق تحيتي

ارحب يانقا هشال .. لاهنت على طيب التواجد والحظور
المربد
14/02/2006, 10:12 AM
مشكور يا شامان على هالتغطية الجميلة فلا منطقة السبلة حلوة وفيها كل الصفاة لمحبي الفياض او محبي النفود

بس ما صورت لنا الكسر !!!! هي فيها ماء او ما فيها؟
ذرب المعاني
14/02/2006, 10:16 AM
مشكور أخوي شامان على هذه التغطية والصور الحلو أما بالنسبة للروضة التي تتكلم عنها وتقول أنها محمية فهي روضة السبلة ولكن ليست محمية وانما سوف يتم تقسمها إلى اربعة أجزاء من أجل المحافظة على الربيع الموجود في هذه الروضة لأن السيارات ما خلت نبته إلا وطتها والعمل متوقف في الفترة الحالية والله يعجل بهم حتى ننعم بالربيع الزين ووعدنا بعد فترة يا خوي شامان ونشوف الربيع كيف صار .
ارحب يا اسير الهيش
روضة السبه مفتوحه وانا اخوك لكن فيه بينها وبين النفود منطقه كانت مقفله وفنحوها . وفيه لوحه .
والله يجيب الخير للديره واهلها وانا اخوك

تحياتي لك ولطيب تواجدك وحظورك
ذرب المعاني
14/02/2006, 10:28 AM
كم تبعد عن الرياض ؟؟

ولو تعطون وصفها بالضبط اكون من الشاكرين


ارحب ياحسن الخاتمه .. تبعد تقريبا من الرياض 250

هلا بك وبتواجدك معنا
ذرب المعاني
14/02/2006, 10:30 AM
السلام عليكم ورحمة الله ..............

حياك اخوي ذرب المعاني وان شاء الله تتكرر مره ثانيه علي خير ..........
واحب اذكر اخواني ان اكثر الشعبان مشت ومنها شعيب الحزم

وسلامتكم

ابو فيصل
هلا بك
هلا بك
هلابك

هلا بالخوووي مليون هلا .

وانشالله تتكرر مرات ومرات بس ياالله يارب يامعبود ترزقنا بالمطر .. وتسقي لنا كل شعب . ووادي
ذرب المعاني
14/02/2006, 10:31 AM
المربد

هلا بك اخوي ..
ولله الحمد كما قيل المنطقه من الحفر الى الزلفي سقاها ربي بالمطر والخير "..

اشكرك اخوي
رسلان
14/02/2006, 10:57 AM
بارك الله فيكم أخي : ذرب المعاني ...
تقرير جميل ... صور متنوعة وجميلة ...
عافاكم الله ...
أبو ثا بـت
14/02/2006, 11:00 AM
مادري وش أقول غير سلمت يمينك وماقصرت ..
ذرب المعاني
14/02/2006, 11:34 AM
بارك الله فيكم أخي : ذرب المعاني ...
تقرير جميل ... صور متنوعة وجميلة ...
عافاكم الله ...


رسلان

يامرحبا بك تراحيب المطر من ملفاك الى ملقاك

والجميل هو حظورك اخوي
ذرب المعاني
14/02/2006, 11:42 AM
ارحب يا ابو ثابت وسلمت ويسلم راسك على تواجدك معنا