حدااااق الدمام وقصة احمد

[سداح الاول]

بسم الله الرحمن الرحيم

اعزاء الاعضاء والمشرفين والزوار السلام عليكم ورحمة الله وبكاته امااا بعد <<<< احسني بكتب معروض لرئيس البلديه


هذا الموضوع في الحقيقه والواقع راح اكتبه وانشاء الله تطلع احداث الرحله مثل ما راح اكتبها لاني بصراحه من اول الرحله الى اخرها ناااااايم:p وفي الحقيقه الغلطه مو مني انا لاني نوخذه كسلان وبس يبي ياخذ افلوس العالم لالالالالا والعياذ بالله بس صراحه انا اول ما وقفت الطرااد صرت اشوف عدد الركاب فوووق الثلاثين نفر وحسيت بلوعه والم في الراااس يعني بالعربي جاني دوااار البحر :p عاد قلت ما يصير شوجزي يووبه ااام الفشيله اذا درو الركاب ان النوخذه جاله دوااار البحر وين اودي وجهي بين النواخذه وجلست افكر وافكر بخطط عشان انام وانا مرتاح ومن غير ما احد يدري انه جاني دواار البحر في البدايه قلت انشاء الله يطلع الصيد حلوو عشان اذا نمت ما احد يجلسني ويقولي قم غير الموقع هذا مثل وجهك:mad: وتجري الرياح بما لا اشتهي انا ,, واول ربع ساعه مافي شي وانا ارا وجوه الركاب تتوجه لي بنظرات غير راضيه وانا طبعا استغربت قلت وشفيهم هذيلو يناظروني كذا <<<<< لا ياا شيخ ساحب منهم هذا المبلغ ولا يصيدون شي وربي لو مكانهم ادوووس في بطنك

المهم وفجئه يصرخ احمد ويقول بابا انا صدت سمكه :D وغمرتني السعاده وقلت جاك الفرج يابو عبادي

وما صدقت خبر وانزل المرساه في البحر عشان لا نتحرك قيد انموله من موقعنا وقلت لهم ماني متحرك من هنا لين تصيدون مثل احمد كلبووووكم :mad:

وبعدين قلت لهم انا بنام اشوي واذا سمعت صوووت احد فيكم او جتني نقطة ماي او احد دق جواله لا تشوفو شي ما شفتوووه والي يشغل النور راح يكون هذا اخر ايام حياته <<<< حشى هذا مطلعهم عشان يعذبهم مهو عشان يستانسون :D

ونمت

ونمت

ونمت

المهم ما اطول عليكم راح اقول لكم القصه مدري الموضوع من توقعاتي

اول شي نسوي مثل المحترفين في المواضيع كالعاده

المكــــــــــــــــــــــــــــــــــــــــــــــ ــــان: الدمام والصيد كان في الواسعه عساه يوسع عليكم كلبووكم
الوقــــــــــــــــــــــــــــــــــــــــــــــ ـــــت: من الساعه بالليل11 لييين الساعه 7 الصبح

عدد الزباين يؤؤ اقصد الركـــــــــــاب: 7 او ثمانيه وشدراني اقول لكم نايم

يالله نتعرف وانا وياكم على طاقم الرحله:

اول شي ابو احمد طبعا لا احد يقولي من احمد لاني حتى انا ما اعرفه بس اسمعهم وانا نايم يقولون احمد:D فمن هذا المنطلق ,,,,, هههههههههه طبعا هذي الصوره قبل لا يدووخ
http://im13.gulfup.com/2011-10-31/1320124039976.jpg
ما يشبه هذاااك الممثل السوري المتين الي مدري وش اسمه الي في باب الحاره راعي الخبز

وهذي الصوره بعد ما لعن خامسه البحر:Dهههههههههه دامك منت حق بحر لييييه تجي ترا البحر له ناسه << طالع مين يتكلم
http://im13.gulfup.com/2011-10-31/1320124038531.jpg


هاااااا ولد خالت احمد او مدري وش تصيرله مساعه مستانس جنب ابو احمد ههههههههه والله انكم مدري شقووول,,, طبعا اسمه مهند
http://im13.gulfup.com/2011-10-31/132012403865.jpg


اهلن اهلن بعم احمد يمكن اهم شي هو عم واحد من الركاب لكن بما اني ما اعرفه راح انسبه لاحمد:D
http://im13.gulfup.com/2011-10-31/1320124038873.jpg

اممممممممممم صراحه هذا الشخص اتوقع انه احدق واحد فيهم وهو اخوه احمد لاني شفته يغطي اخووه احمد يوم برد وهو نايم <<<< يا ذكي اناا
http://im13.gulfup.com/2011-10-31/1320124038444.jpg

واكيد كلبوووكم متحمسين تبو تشوووفو احمد صح؟ بس قبل احمد راح اعرفكم بشقيق احمد الصغير واسمه عبد اللطيف الله يخليه لمه وابوه
http://im13.gulfup.com/2011-10-31/1320124039547.jpg


وانشاء التقرير عجبكم

ههههههه عارف انكم متحمسين تتعرفو على احمد صح؟؟؟؟ طيب نخليه في التكمله

ابليييز لا احد يرد

[سداح الاول]

رجعنالكم

المهم هذي صورت احمد :good2: بس مسكين وربي انه تعب تعب مو طبيعي في البحر صدق المثل الي يشوف مصيبة غيره تهون عليه مصيبته :D ايييه صح وش رايكم بالصوره والمويه الي ورا احمد فنان انا صح

http://im13.gulfup.com/2011-10-31/1320124038922.jpg

وبما اني طوووووول الرحله نايم الصور كانت قليله

وهذا صديقي فايز الذي تم الاتفاق معه وفي الحقيقه انسان في منتهى الاخلاق :good2: يعني عجبني وراح اسوي له خصم في الطلعه 67 انشاء الله راح اخصم له خمسوعشرين اريال مره وحده طبعا هذي سمكه مهووو بخروف الي بيده هههههه <<< لاني يوم جلسني من النوم عشان اصوره اختلعت فكرته خروووف
http://im13.gulfup.com/2011-10-31/1320124039929.jpg

وهذي صوره ثانيه بس القافه غصب يبوني اصور سمكهم


http://im13.gulfup.com/2011-10-31/13201240396110.jpg

وفي الفجر ازدادت عدد الخراف وحتى احمد وعبد اللطيف كل واحد صاد خروف اقصد شعري XXL
http://im13.gulfup.com/2011-10-31/1320127018162.jpg

مهند ايضا حالفه الحظ
http://im13.gulfup.com/2011-10-31/1320127018423.jpg

وبعدين صوره عائليه للاسماك واستعراض للشباب والكل يقول سكتي اكبر وينكم يا تجااار الذهب عشان تعرفون وزنها بالنظره
http://im13.gulfup.com/2011-10-31/1320127018674.jpg


صوره عشان يرسلها لهله بسوريا ويخليها للذكرى
http://im13.gulfup.com/2011-10-31/1320127018745.jpg

وهذا صديقي تركي ما دريت انه معنا في الرحله الى يوم جا بيعطيني الحساااب خخخخخخ

http://im13.gulfup.com/2011-10-31/1320127018676.jpg

صوره اخيره للصيد مع عبد اللطيف
http://im13.gulfup.com/2011-10-31/1320127018339.jpg

واخيرا قلت اصور الطرااد عشان لا يزعل

http://im13.gulfup.com/2011-10-31/1320127018368.jpg

واعذروني على الاطاله

وانشاء الله التقرير عجبكم

[العمدة 66]

تقرير خفيف ولذيذ

صيد ممتاز ما شاء الله

والله يخليلك الولد

[الموج العالي]

هههههههههه

مشاء الله طلعة طيبه وصيد طيب الله يوفقكم

تحياتي لكم ،،،

[الجوهر الأول]

سلام ع الشباب
بصراحه ترررتيييييييب
التقرير حلو مرررره والصيد أحلى
بس عندي سؤال/ كيف جاك دوااار البحر وانت نوخذه أو بحاار ؟؟؟؟؟

[فش-أندرتيكر]

و عليكم السلام و رحمة الله و بركاته

ما شاء الله تبارك الله

صيد طيب و صحبه أطيب

و تقرير رائع كروعة صاحبه

الله يعطيك العافيه يابو عبادي

تستاهل كل خير

و الله يرزقك من واسع فضله

تحياتي

[عاشق البحرE]

ههههههههههه

و الله من احلى التقارير أخوي سداح الأول .. و احلى شيئ الطريقة الفكاهية اللي سويتها .. من جد ضحكت ..

ما شاء الله صيد حلو بالنسبة للدمام و احجام طيبة ..

[hunter78]

ياسلاااااااااااااااام عليك أخوي سداح الأول
تقرير كله وناسة وخفة دم وأسلوبك طريف وممتع
والصور ما شاء الله كاميرا ممتازة وراعيها خيال
والصيد تبارك الله ما عليه كلام
تسلم يمينك وبالتوفييييييييييييييييييييق

[وجيه الراسي]

اخوي سداح يعنى اللى في الرحلة عرفناهم ويمكن لو احد معدي جنبكم كان صورته

بس انت وين صورك .. نبي نشوفك

[abo3omar]

ما شاء الله تبارك الرحمن
تقاريرك كلها فيها ميزتين
الاولى خفة الظل الممتع ما شاء الله عليك ما اقرالك تقرير الا و انا اضحك و مبتسم و الناس تستغرب ليش مبتسم مع الكمبيوتر !!
و الثانية الصيد الوفير الله يباركلك و يزيدك و يجعله دوم ما شاء الله
مشكور على التقرير و المتعه و ننتظر جديدك

[Boury]

هههههههههههههههه
خفة دم ما حصلتش

الله يرزقكم و يزيدكم

لكن كيف يكون رد فعل اللي طلعوا معاك لما يشوفوا التقرير؟؟
أتمنى تكون اخذت الاذن في عرض صورهم

[الصياد 7000C]

تقرير رووووعه لكن احب انوه عليك ...
السلام عليكم وبركاته بالبدايه انت كاتبها غلط ...كاتبها وبكاته... ارجو التعديللل السريع... وشكرا

[سداح الاول]

تقرير خفيف ولذيذ



صيد ممتاز ما شاء الله



والله يخليلك الولد
تسلم حبيبي على مرورك الي اكثر من لذي اكثر من لذيذ:good2:

[سداح الاول]

هههههههههه

مشاء الله طلعة طيبه وصيد طيب الله يوفقكم

تحياتي لكم ،،،

الجميع انشاء الله وتسلم على المرور


سلام ع الشباب
بصراحه ترررتيييييييب
التقرير حلو مرررره والصيد أحلى
بس عندي سؤال/ كيف جاك دوااار البحر وانت نوخذه أو بحاار ؟؟؟؟؟

تسلم يا قلبي على مرورك اما موضوع دوار البحر يمكن لاني انا دخلت البحر وراسي يعورني :D<<<<< لا تصرف او يمكن ما جاني دوااار البحر وانا قلت كذا عشان اسوي فكاهه في التقرير;)
لاني اساس

[سداح الاول]

و عليكم السلام و رحمة الله و بركاته



ما شاء الله تبارك الله


صيد طيب و صحبه أطيب


و تقرير رائع كروعة صاحبه


الله يعطيك العافيه يابو عبادي


تستاهل كل خير


و الله يرزقك من واسع فضله



تحياتي


هلاااااااااااا اخوي وزميلي وصديقي ابو همس ومرورك لمواضيعي يزيدها روعه

ابو همس بما اني انا وانت اعيال كااار واحد ونواخذه مثل بعض ليش ما تعزمني على طلعه مجانيه:D وانا بعد اعزمك عاتي

[سداح الاول]

ههههههههههه



و الله من احلى التقارير أخوي سداح الأول .. و احلى شيئ الطريقة الفكاهية اللي سويتها .. من جد ضحكت ..



ما شاء الله صيد حلو بالنسبة للدمام و احجام طيبة ..


تسلم حبيبي وترا استانست حييييييييييل من كلامك ابليييز تعال رد على التقرير القادم


ياسلاااااااااااااااام عليك أخوي سداح الأول
تقرير كله وناسة وخفة دم وأسلوبك طريف وممتع
والصور ما شاء الله كاميرا ممتازة وراعيها خيال
والصيد تبارك الله ما عليه كلام
تسلم يمينك وبالتوفييييييييييييييييييييق


الله يسلمك واحس اني بروح اصيد الحين عشان اسوي تقرير وتقولولي مره ثانيه كذا اني وناااسه وطريف وكذااا ,,, احرجتوني:p

[سداح الاول]

:D
اخوي سداح يعنى اللى في الرحلة عرفناهم ويمكن لو احد معدي جنبكم كان صورته

بس انت وين صورك .. نبي نشوفك

اممممممممم اتصدق عااااد ههههههههه اني كل موضوع اتكلم عن نفسي واحط صوري اكثر من كل العالم هذي المره ما حطيتها لان شعري ما كان مستشور <<<< ماله وجه يتصور وهو دايخ خخخخخ




ما شاء الله تبارك الرحمن

تقاريرك كلها فيها ميزتين
الاولى خفة الظل الممتع ما شاء الله عليك ما اقرالك تقرير الا و انا اضحك و مبتسم و الناس تستغرب ليش مبتسم مع الكمبيوتر !!
و الثانية الصيد الوفير الله يباركلك و يزيدك و يجعله دوم ما شاء الله

مشكور على التقرير و المتعه و ننتظر جديدك

تسلم حبيب قلبي انت وانا اكتشفت فيك ميزيتين بعد ويمكن اكثر بس ما انتبهت لاني موستعجل الاولى انك تضحك والثانيه انك تنتظر<<<<<براااااااااااا بس يبي يقلد

[سداح الاول]

تقرير رووووعه لكن احب انوه عليك ...
السلام عليكم وبركاته بالبدايه انت كاتبها غلط ...كاتبها وبكاته... ارجو التعديللل السريع... وشكرا

اشدعوه وش سويتلك انا عشان تنوه علي؟؟؟؟ تركت موااااضيع العالم كلبووهم وجيت عند مواضيعي تنوه عليهااااا:mad: يعني الحين يجوني النوااخذه ويقولووون ايوووهاااااا جاله دوااار البحر ونوهو على مواضيعه خخخخخخ

بالعكس حبيبي نوه على كيفك مع اني مو عارف وش معناها<<<< لا يا شيخ

وبعدين ما مداني اصلح تنويهتك انشاء المشرف الرحموني يصلحها ويحطلي كم نجمه:D




هههههههههههههههه

خفة دم ما حصلتش


الله يرزقكم و يزيدكم


لكن كيف يكون رد فعل اللي طلعوا معاك لما يشوفوا التقرير؟؟
أتمنى تكون اخذت الاذن في عرض صورهم

امممممممممممم مو انا الي انزل موضوع بدون اذن صاحب الصور وعلى فكره انا اي واحد في الرحله اعتبره مثل اخوي ولا راح امزح اول اقول مثلا انه اسود او متين الى عارف اني امون عليه :D<<<<< شكله فاهم الميانه غلط
انا اقول للركاب الي يبي الصور يدخل منتدى اسمه مكشات ويدخل الخيمه البحريه يعني انا اسوي دعايه للمنتدى لان المنتدى سمح لي اسوي دعايه لنفسي

تبادل مصالح

[حوات جده]

ههههههههههه

شو هالحكي

قروب سوري وصيد وكلام

هههههههههه ونومه هااا

خلاص بطلنا نطلع معاك:D



بالله كنت نايم ولا تمزح :D!!؟؟!@#


وتقرير فله وضحك ووناسه


مشكور على التوثيق

[الشقردي(العيون)]

ماشاء الله عليك اخوي على هذا التقرير الرائع وممتع كذالك

والله اني شفتكم في الليل وانت في السوق تاخذون لكم طعم

والله يرزقكم الصيد الكثير بس ماقلت لنا كم اخذتو القارب وكم ساعة

[أبوحافظ]

تقرير جميل عشنا الاجواء معكم

وصيد طيب بالعافيه عليكم

والظاهر البرد بدأ عندكم

تقبل تحياتي

[وليد الغربة]

ماشاء الله على الاسلوب وعلا التقرير

ماقصرت على التوثيق

اخوك وليد الغربة

[accentkool]

ماشاء الله تبارك الله بجد الشباب فلوها مع الخرفااان
وانا قبل كم يوم فليتها مع الزمارير اصيد ووواكل القطاوة خخخخ
يعطيك الف عافية على كتابة التقرير وبالتوفيييييق

[للزمن ثمن]

ما شاء الله تبارك الله
صيد ممتاز اللع يعطيكم العافيه
وتقرير متميز جدا بيض الله وجهك ياغالى
اتمنا لكم التوفيق ورحلات سعيده
تحياتي اخوكم ابو ايمن

[ذوالجناح7]

هلالالا والله


قبل كم يوم مريت الفرضه وشفت طرادك واقف على الشارع ...:D:D


أقصيد البحر جااااازر وصار طرادك كنه واقف في الشارع بره


جيت عنده وشفت شي غريب ....!!!!:looney:


ليش تخلي الأجهزه عليه ماتخاف يسرقونه ؟؟؟:no2:


والله لا يحرمنا تقاريرك الحلوووووووووه :good2::good2:

[سداح الاول]

ههههههههههه



شو هالحكي


قروب سوري وصيد وكلام


هههههههههه ونومه هااا


خلاص بطلنا نطلع معاك:D




بالله كنت نايم ولا تمزح :D!!؟؟!@#



وتقرير فله وضحك ووناسه




مشكور على التوثيق



هههههههههههه ايه وقسم نمت اكثر يمكن من نص الطلعه

مشكووور على مرورك وردك العسل

[سداح الاول]

ماشاء الله عليك اخوي على هذا التقرير الرائع وممتع كذالك



والله اني شفتكم في الليل وانت في السوق تاخذون لكم طعم



والله يرزقكم الصيد الكثير بس ماقلت لنا كم اخذتو القارب وكم ساعة


الله يعطيك العافيه طبعا يا حظي انا صاحب الطراااااااااد امااااااا بخصوص السعر فانا والله بكيفي احط السعر مره اقول 1000 مره 900 مره 1200 بكيفي يعني:D


تقرير جميل عشنا الاجواء معكم

وصيد طيب بالعافيه عليكم

والظاهر البرد بدأ عندكم

تقبل تحياتي
ايه والله صراحه انا ما شفت شي اتغطا فيه عاااااد اخذت سنانير الركاب :f:D وحرقتها كلبوووها


ماشاء الله على الاسلوب وعلا التقرير

ماقصرت على التوثيق

اخوك وليد الغربة

اشكر مرورك اخوي وليد وجودك في متصفحي شرف كبير


ماشاء الله تبارك الله بجد الشباب فلوها مع الخرفااان
وانا قبل كم يوم فليتها مع الزمارير اصيد ووواكل القطاوة خخخخ
يعطيك الف عافية على كتابة التقرير وبالتوفيييييق

الله يرزقك وبعدين يا قلبي تعال عطني 150 ريال واخليها تفلها مثلهم وش حادك على الزمارير:D

[سداح الاول]

ما شاء الله تبارك الله

صيد ممتاز اللع يعطيكم العافيه
وتقرير متميز جدا بيض الله وجهك ياغالى
اتمنا لكم التوفيق ورحلات سعيده

تحياتي اخوكم ابو ايمن


تسلم يا ابو ايمن ومواضيعي ما تجي شي قدام مواضيعك الحلوه الله يسعدك:good2:



هلالالا والله


قبل كم يوم مريت الفرضه وشفت طرادك واقف على الشارع ...:D:D


أقصيد البحر جااااازر وصار طرادك كنه واقف في الشارع بره


جيت عنده وشفت شي غريب ....!!!!:looney:


ليش تخلي الأجهزه عليه ماتخاف يسرقونه ؟؟؟:no2:



والله لا يحرمنا تقاريرك الحلوووووووووه :good2::good2:



ايه والله والقهر كان عندي موعد مع زباين تجار الذهب وما قدرنا نبحر لان الطراد تعلق ما ادري من الشرير الي سحب الحبل

اما بالنسبه للاجهزه كنت قبل لا تفضح امي انت هنا ما اخاف عليها لانها قديمه وحالتها حاله وناوي اشتري غيرها اول ما تنسرق هذي

وش رايك بعد تحط موضوع جديد هنا وتكتب فيه يا شباب لا احد ينسى الاجهزه لا تنسرق مثل ما سوا سداح

انا احس اني توهقت نزلت هذا الموضوع لان طلع فضايحي كلبوووها
1- نوخذه وجاله دوار البحر في اول ربع ساعه اوييههههههههههاا
2- نوخذه ويتعلق طراده في البحر اويهههههههههههههههاا
3- نوخذه واجهزتة قديمه وزين اذا تشتغل اويهههههههههاا





وعلى فكره في نفس الرحله صارت بعد اشياء بس مراح اقول اويههههههههها:D

[قاهر السبيطي]

السلام عليكم معاكم ايهم (اممممممممممم صراحه هذا الشخص اتوقع انه احدق واحد فيهم وهو اخوه احمد لاني شفته يغطي اخووه احمد يوم برد وهو نايم <<<< يا ذكي اناا)
اول شي اهنيك اخوي سداح على هالموضوع بس بعد ما قريت الموضوع ما عد عرفت خالي من اخوي من خويي لخبطهم في بعض من جد شكلك لسا فيك دوار بحر خخخخ بس والله القصه اووكييه وعلى العموم تشرفت بمعرفتك .. اجل جاك دوار بحر هههههه وانا جالس اطالع فيك وانت نايم قلت وش سالفته هذا لها الدرجه ما يأثر فيه البحر ولا دواره وانت رايح فيها هههههههه امزح وياك يلا اشوفك على خير ,,.,.^_*

[خلفان]

ماشاء الله تبارك الرحمن

[محآآآآآآآآآآر]

ههههههههه الله يقطع إبليسك
إنت النوخذه وصابك دوار البحر
زين اللي مادروا عنك
ويعطيك العافية على هالتقرير وعلى التعليقات الجميلة والرائعة
أخوك،،،،،،،،،،،،،،،،
محآآآآآآآآآآآآآآآآآآآآآآآآر

[ابوعبد اللطيف]

السلام عليكم الاخ شريف انا ابو عبداللطيف (فواز ) مو ابو احمد واصلا انا ما كنت دايخ بس كنت امثل عليهم قلت يمكن ما يخلوني ادفع لكن يوم وصلنا البر بالسلامة قال فايز حاسبوا قبل ان تحاسبوا اتاري صاحبنا ما ينام على ضيم

[إلنترا 2005]

وهذا صديقي تركي ما دريت انه معنا في الرحله الى يوم جا بيعطيني الحساااب خخخخخخ


هههههههههههههههههههههههه و الله منت صاحي يبو عبادي
الله يرزقكم من فضله