عندي كتمه بجيب جي اكس ار 2010 اسعفونا

[وين الوجهه]

عندي كتمه بالسيارة جي اكس ار 2010 لاصرت مقف وبعدها مشيت يكتم وارفع رجلي عن البنزين وادعس ثانية يكتم مادري ايش السبب
اللي عنده خبره لايبخل علينا بها وله مني الدعاء ان شاءالله


ا

[يالبى الهلا]

الكتمة بالعادة تجي من سدد..إما في فلتر البنزين..أو فلتر الهواء ذا كنت هغيرهن تاكد من حساس الهواء
تنظيف الحساس
الي موجود جنب الفلتر الهواء

الادوات منظف الكترونيات
الخطوات قبل البدء مهم جدا
فصل اصبع البطارية السالب لتنظيف حساس الهوا
وحاول انك فقط ترشه بالبخاخ وتردة برفق لاتلمس الاقطاب الموجوده بداخلة
فقط ترشه واذا نشف ترجعهhttp://im8.njm5.com/1813201581621.jpg (http://njm5.com/)

[عيون الذيب1]

الظاهر انه البنزين اذا هو 91 غيره الى 95

بنزين91 عو اللي يسبب كتمه لللموتر ويضعف عزمه



وان شاء الله الاعضاء يفيدونك

[واحد مبسوط]

كم سرندل
وكم ماشي

[الكلاسك]

هذي الكتمه عثيثه تكرهك بالموتر واعتقد اذا ماني غلطان انك تقصد الكتمه اللي تحصل دائما عندما تهدي عشان مطب ولما ترجع تدوس بنزين تجلس السياره تفكر ونسئل نفسها . وش يبي ذا؟ اهااااااا قصده اني امشي ؟ اوكي يله هاه مشينا :) هذه العمليه تستغرق ثانيه واحده تقريبا . اعتقد هي المقصوده . ارجو التصحيح

[ماجد الشمال 1]

افحص كمبيوتر

[ذري1000]

اذا غيرت الصفاية اللي يسمونة فلتر البنزين(خاصة اذا ماشي فوق 40 الف) واذا ماشي فوق ال60 غير الصفاية والبواجي(لانها اصلا تحتاج تغيير) بعدها وهو متوقع تغيير اسلاك بواجي ربما لا تحتاج تغيير كلها لانها تباع بالحبة الفني يفحص ويطلع الخربان ويمكنك ذلك تسحب سلك البواجي واحد واحد والسيارة شغله وتقرب السلك لجسم المكينة وتشوف الشرر عندها يكون سليم جرب الباقي وشف احيانا يكون فيه شرر بس ضعيف لازم عن طريق الكمبيوتر ويعلمك السلك الخربان في حالة انها لم تصلح يكون المشكلة من الصفاية وهو مستبعد لان موديل السيارة حديث

[كـاشت]

اخوي الموتر كم مشى

[أبوعبدالاله]

هذي الكتمه عثيثه تكرهك بالموتر واعتقد اذا ماني غلطان انك تقصد الكتمه اللي تحصل دائما عندما تهدي عشان مطب ولما ترجع تدوس بنزين تجلس السياره تفكر ونسئل نفسها . وش يبي ذا؟ اهااااااا قصده اني امشي ؟ اوكي يله هاه مشينا :) هذه العمليه تستغرق ثانيه واحده تقريبا . اعتقد هي المقصوده . ارجو التصحيح


هههههههههههههههههههههه
والله أن عندك خبرة أكيد ملعوزتك السيارات مثلي

[وين الوجهه]

اشكركم جميعا الموتر ماشي 70 الف و8سرندل والان القير يغير من نفسه وسئلت قالو يمكن يكون من الحساس

[وين الوجهه]

وعلى قول ابوعبدالاله انه تفكر تعطي امر علشان تمشي

[براوننق]

اخوي وين الوجهه انا كانت عندي نفس المشكله وانحلت والله الحمد المشكله هاذي طول الله عمرك من اسلاك البوجي يصير بعضهن مايعطي شرار صح فيحصل تقطيع وعدم استجابه المكينه اذا كنت من سكان الرياض فيه بصناعيه النسيم ورشه الضحيان هو وكيل تويوتا رح لمهم واطرح عليه المشكله وخله يفحص الاسلاك والبواجي والله يعينك

[sgl2002]

ياخوي هل القير اذا عشقت الD ياخذ النمرة على طول والا ينتظر شوي ثم يمشي

اذا كذا فهذا من فلتر زيت القير وهو لازم يتغير

والله يعينك على الجيوب الجدد يبيلها مداراه

[عبادي 2009]

رجعه للوكالة وخلهم يصلحونها وهم مايشوفون الجادة الموتر 2010 ما أمدانا