المساعد الشخصي الرقمي

مشاهدة النسخة كاملة : اذا نسيت الدافور ولاحولك حطب 000كيف تضبط الشاذليه؟؟؟؟؟؟؟؟


العزوم
13/02/2006, 10:55 PM
السلام عليكم ورحمة الله وبركاته
احياناً نكون عرضه لنسيان بعض الادوات او الاواني المهمه وتتفاجأ بعد ماتلف راسك من خرمة القهوه او الشاهي ان مامعك نار والمنطقه الي انت فيها (قرعا) لارمث لاحمض لاعبل او شي تشب فيه نارك مامعك الا المعاميل والسياره وثلاثة خويا يبون القهوه . فماذا تعمل؟؟
نسمع الحلول منكم يالشقرديه وماتضيق الا تفرج بإذن الله
(قصه حقيقيه حدثت قبل اربعين سنه وسأوردها لكم فيما بعد)

تحياتي للجميع
صوح الجبل
14/02/2006, 12:37 AM
طبعاً اذا صار مامعي لاحطب ولادافور ..... ابحرص ..... على المكان اللي فيه حطب..... اما رمث ولا رطا ولا غظا ...... ماوقف الا فيه .... لان بعض الامور تطلع من يدك ..... وهذا له مثيل في الرحلات كثير .... ينسى شي من العزبه ....
حر اليدين
14/02/2006, 03:17 AM
تركب انت وخوياك وتروحون لم متسان يقاله ستار بوكس وخل الشاذلية في الشنطة ولاتتعب نفسك
العزوم
15/02/2006, 08:01 PM
الاخ الكريم/ صوح الجبل

شكرا على مرورك والمشاركه طيب اذا قلنا ان الجماعه مامعهم الاسياره واحده وتعطلت في هالمكان :p (ايش النحس)

الاخ العزيز/ حر اليدين
هلابك بس وشششششششششششششو ستار بكس لايكون الي فيه ابو الهش وربعه :D
ولد وايل
17/02/2006, 01:27 PM
وش طلعكم للبر شب بالموتر وصلحو شاهي
شبح الصحراء
17/02/2006, 01:45 PM
اظن والله اعلم ان بالإمكان تسخين الإبريق فوق الكنداسة أو القزوز لأن حرارتها تكون عالية جداً أثناء تشغيل السيارة .
هليَل
18/02/2006, 10:14 AM
قوطي او قدر وحط به شوي بنزين وكثره مرتين او ثلاث مويه وانطل به قطعة صغيره حطبه او خشبه وقرب الكبريت واشغل فيها وسو قهوتك وشاهيك وتدف بعد ...... وامر الله من سعه
سرفيس
18/02/2006, 06:37 PM
السلام وعليكم ورحمت الله وبركاته


اذا كان مامعك حطب زي ماذكرت


دور الجله (دمن الابل)
خالد2000
18/02/2006, 08:54 PM
السلام عليكم .
الحقيقة انه سؤال مهم وموقف محرج
وشفنا حلول عملية من الاخوة الاعضاء وخصوصا ماتفضل به الاخ ( هليل ) لكن اعتقد لو استبدل البنزين بزيت القير ( زيت عشرة ) لانه اثقل ولا يطير بسرعة وممكن تسوي لك حفرة بالارض اذا مامعك ماعون بس تكون الارض صلبة شوي .
انا شخصيا سبق سويته لكن حطيت الزيت ببيالة تحت البريق
ومشت الامور والحمد لله . :good2: