شورك يهمن كفرات بالون 900

[دار الكرم2]

السلام عليكم ورحمة الله وبركاته ،،

مسائكم الله بالخير ،،

أباركم لكم دخول عشر أيام ذي الحجة وأسأل الله أن يجعلنا من عباده الصالحين ،،

يالربع أبي مشورتكم ،،

معي شاص 2010

وودي أركب كفرات بلون ماكسس 900 مقاس 16

بس متردد لان البعض العرب يقولون تعدم عليك الرمان ..!!

ومادري هل هذا صحيح وش العيوب بكفرات البالون ،،،

شاكر للجميع مروره وتعليقه أنتظركم ،،

[اكستيرا]

البلون مريحة في المطب
بس اذا اسرعة ترج لازم تسويلها ترصيص ارضي
اذا انفقع لا قدر الله تعدم لك السيارة
تزلق

[التعـ King ـديل]

احلا مافي البالون خفيف ومطبه حلو ولا يتصلخ ولو بنشر على الجنط وعبيته هواء رجع مثل ماكان

ماكسس حلو ومن الكفرات المفضله عندي وشفه على موتري بالصوره

[دار الكرم2]

البلون مريحة في المطب
بس اذا اسرعة ترج لازم تسويلها ترصيص ارضي
اذا انفقع لا قدر الله تعدم لك السيارة
تزلق

مشكور يالغالي على المرور ،،

لكن هل بالفعل يعدم على الموتر يعدم الرمان ..؟؟!!

هذي أهم نقطة مخوفتن ،،

[لاند93]

اذا رصصت ارضي ماعليك ,,

[دار الكرم2]

احلا مافي البالون خفيف ومطبه حلو ولا يتصلخ ولو بنشر على الجنط وعبيته هواء رجع مثل ماكان

ماكسس حلو ومن الكفرات المفضله عندي وشفه على موتري بالصوره



مشرفنا شاكر لك مرورك ،،

وهل مطول البالون على موترك ..؟؟

وهل يضر إذا طول

[باترولي]

عيوب البالون اكثر من حسناته .
العيــــــوب :-
1- اول شي وهو الاهم وهو ثقل في الموتر وثقل في الطاره (الدرقسون ) خاصه في الموديلات القديمه .
2-التنسيم الدايم اقصد كل فتره تعبي الكفر هواء ينزل هواه باستمرار واذا ماعندك خبره في البالون تشوف الكفر تقول انه فل هواه وهو صفر ؟؟؟
3-خطير جدا جدا في المطر ويزحلق بسهووله لدرجه تحس الماء ديزل .
4-قصر عمره الافتراضي ينمسح خلال 6 اشهر تقريبا .
5-الرجه المزعجه وعدم الثبات . وتزداد الرجه خاصه في الموديلات القديمه من التسعينيات وتحت .
6- صوت مزعج في بعض الاحيان مع الازفلت .
ميزاتـــــــه :-
1-قيادة ممتعه في النفود خاصه ((النفود /الطعوس )).لاتحتاج الى دبل غالبا .
2-رزه وشخصيه للموتر .
3-يرفع الموتر بشكل ملحوظ جدا . (( وبيني وبينك له هيبه ))

فقط لاغير لو تلاحظ العيوب اكثر من الحسنات .
ونصيحه اذا انت حق تطعيس وبر انصحك فيهم . اذا العكس مالك ومال وجع الراس .
اتكلم عن تجربتي الخاصه

[شحرور الدهنا]

البالون مايصلح ابد إلا اذا
بتستخدمه للحصى والجلد بفتح الجيم وطلعاتك واجد يعني مايمر كم يوم إلا وانت بالبر كذا اقولك لاتاخذ غيره
وغيره لايقربك رجه بالازفلت وثقل بالرمل

[التعـ King ـديل]

مشرفنا شاكر لك مرورك ،،

وهل مطول البالون على موترك ..؟؟

وهل يضر إذا طول

البالون من عام 2003 وانا مااركب الا بالون وحتى كتابه هذا الرد موتري عليه بالون :good2: واركبه طول السنه برد ولا صيف

[التعـ King ـديل]

عيوب البالون اكثر من حسناته .
العيــــــوب :-
1- اول شي وهو الاهم وهو ثقل في الموتر وثقل في الطاره (الدرقسون ) خاصه في الموديلات القديمه .
( اختلف معك في هذه النقطه انا اول مااستخدمت البالون كان على باترول 88 ولا احلا منه )
2-التنسيم الدايم اقصد كل فتره تعبي الكفر هواء ينزل هواه باستمرار واذا ماعندك خبره في البالون تشوف الكفر تقول انه فل هواه وهو صفر ؟؟؟
( كفر البالون عبه هواء ولا تلعب فيه مره تنسمه ومره تنفخه ولا ينسم عليك ابدا انا اركب بالون من 10 سنوات تقريبا واروح واجي عليه وسفريات والهواء كل مااشيك عليه الاقيه مضبوط )
3-خطير جدا جدا في المطر ويزحلق بسهووله لدرجه تحس الماء ديزل .
( شي طبيعي اي كفر يزلق بالماء ولكن خل الكفر يتشرب الماء وتشوفه يمشي معك طبيعي وانا استخدم البالون صيف وشتاء ومطر وكل وقت )
4-قصر عمره الافتراضي ينمسح خلال 6 اشهر تقريبا .
( مسحه الكفر تعتمد على الاستخدام وعدد الكيلوات المقطوعه على الموتر .. كان عندي باترول من 3 سنوات وبعته مركب عليه طقم ماكسس وقبل فتره شفت الموتر نفس الكفرات تحس ان لها سنه بس )
5-الرجه المزعجه وعدم الثبات . وتزداد الرجه خاصه في الموديلات القديمه من التسعينيات وتحت .
( كان عندي 88 ولا كان يرج مع الترصيص الارضي )
6- صوت مزعج في بعض الاحيان مع الازفلت .
( المزعج المالوان والسيام تاير مع اللفات فقط )
ميزاتـــــــه :-
1-قيادة ممتعه في النفود خاصه ((النفود /الطعوس )).لاتحتاج الى دبل غالبا .
( تحس انك على زفلت بالنفود من خفته ورساوته )
2-رزه وشخصيه للموتر .
( :good2: علشان كذا اركبه طول السنه )
3-يرفع الموتر بشكل ملحوظ جدا . (( وبيني وبينك له هيبه ))
( :good2: علشان كذا اركبه طول السنه )

فقط لاغير لو تلاحظ العيوب اكثر من الحسنات .
ونصيحه اذا انت حق تطعيس وبر انصحك فيهم . اذا العكس مالك ومال وجع الراس .
اتكلم عن تجربتي الخاصه

انا مااطلع البر كثير ولكني راعي خطوط كثير وسفري عن طريق البر كثير لذلك البالون مناسب لي خفيف بالحركه موفر للبنزين مريح للسياره :good2:

[التعـ King ـديل]

البالون مايصلح ابد إلا اذا
بتستخدمه للحصى والجلد بفتح الجيم وطلعاتك واجد يعني مايمر كم يوم إلا وانت بالبر كذا اقولك لاتاخذ غيره
وغيره لايقربك رجه بالازفلت وثقل بالرمل

انا استخدمه طول السنه ولا احلا منه بر وخط وبالديره :good2:

[م/الحمود]

مرحبا اخي

اعتقد الاخوان ما قصرو

انا مركبهن في موتر من اكثر من سنة ما شفت منهن الا كل خير

واذا انت راعي بر عزالله بتطرب ان بغيت نفود او سهل اوحجرة

غير متماسكة في بداية المطر على الاسفلت ولا ارى ذلك عيب لانها صممة في الاساس لخارج الطريق ولاكنها تخدمك على الطريق

الكفرات بالون ماكسس 16 900 8