افضل طريقه لطبخ الكبد

[بواردي رحال]

بسم الله الرحمن الرحيم
يالربع بس بغيت اشندكم لا هنتو
عن افضل طريقه لطبخ الكبده
مثل ما تعرفون العيد قرب والعطله بدت
والاجواء ولا اروع ويبيلنا كشتات وطلعات على الكيف
ويا ليت احد الخبراء يضع لنا الطريقه وما افضل شي
للطبخ عليه الصاج او ايش غيره
وبيض الله جيهكم
والله يغفر ويرزق من يرد على موضوعي يا رب

[ذخر الصديق]

بالنسبه لي افضلها شوي
والصاج مع فلفل وبصل وبس

الله يهنينا وياكم بهالاجازه

[ابوفكس]

افضل طريقه شوي اوعلى الصاج مع شوية شحم ولا احلى

[اديب بن صالح]

بصراحة الكبدة لذيذة في كل الحالات خصوصا الشوي مباشرة بالشبك او بالصاج مع البصل

نصيحة لا تحط غير البصل وكثر منه لآني اشوف ناس تحط معها كل شي ويروح طعمها


الله يجعله عيد سعيد علينا وعليكم

[ابوماجد-1]

بصل وكبد وعليك بالعافيه

وفي طريقه الشوي بأسياخ ولاتنسى كم راس بصل مشوي مضبوط

ولاتنسى الخبز العراقي (يشبه الخبز الافغاني بس يجي رقيق)

وادعيلي بعدها

[بواردي رحال]

بيض الله وجيهكم يالربع
بس بغيت تفصيل اكثر كم اخليها تطبخ على النار
وكم بصله لكبد الخروف الطيب وهل اعطيها اضافات
مثل (كمون - ملح - بهارات )

[برق القايلة]

السلام عليكم
طبخ كبدة الغنم كاملة
خذ قليل من الشحم وحطه على الصاج حتى يكون دهن
ثم 6 فصوص بصل مقطع نص شرايح لاكن يكون رقيق
مع فلفل 1حار مقطع صغير
النار تكوت على التموسط
تحمس البصل نص استوى مع الفلفل
بعد ذلك تضع الكبدة وتطول على النار اعلى شى
حتى لا يخرج منها مرق
كبدة الغنم تحتاج الى طبخ اكثر من الحاشى
قبل الاستوى ضع الهارات والملح وبا العافيه
اهم شى تكون الصاج كبيرة حتى يسهل التقليب
ويزين الطبخ
والشوي با الاسياخ او القصديراو الحميس ممتاز

[بواردي رحال]

السلام عليكم
طبخ كبدة الغنم كاملة
خذ قليل من الشحم وحطه على الصاج حتى يكون دهن
ثم 6 فصوص بصل مقطع نص شرايح لاكن يكون رقيق
مع فلفل 1حار مقطع صغير
النار تكوت على التموسط
تحمس البصل نص استوى مع الفلفل
بعد ذلك تضع الكبدة وتطول على النار اعلى شى
حتى لا يخرج منها مرق
كبدة الغنم تحتاج الى طبخ اكثر من الحاشى
قبل الاستوى ضع الهارات والملح وبا العافيه
اهم شى تكون الصاج كبيرة حتى يسهل التقليب
ويزين الطبخ
والشوي با الاسياخ او القصديراو الحميس ممتاز



ما قصرت وبيض الله وجهك
ولا هنت يالغالي
في ميزان حسناتك ان شاء الله
بس بنشدك ما يصلح في القلايه
او شي غير الصاج

[المبتكر1]

مرحبا بك راجع هذا الرابط جيدا
http://www.mekshat.com/vb/showthread.php?t=287520

[أبوسليمان السهر]

حياك الله أخوي بواردي طبخ الكبد من اسهل الطبخات
(كل الشغل يبيله 10 دقائق)
اول شيء الله يسلمك تركد الصاجة على النار وتحط
شوي زيت على حسب رغبتك سواءا زيت زيتون ولا
زيت عادي خله على النار لين يحمى بعدها حط الكبدة
وقلبها لمدة دقيقتين لين يخف اللون تقارب الأبيض
وبعدها حط البصل وكثر شوي لأنه يعطي طعم ثاني
ولاتنس الفلفل لاتكثر شوي لأنها تصير حارة بالمرة
وبعدها قلب يامقلب لين يمضي عليها 7 دقائق
بعدها شوي بهار مجرد طعم لاأكثر وخلها لين تكمل
10 دقائق ولاتنس الخبز الساخن وعليك بالعافية
:Dلاتنس تعزمني:D

[مجازف2010]

انا بصراحة افضل شويها باصياخ اقطعها لمكعبات واحطيها باسياخ الشوي واحمرها على النار واكون مجهز الخبز ياخبز رقاق او صاج او خبز شاورما الدائري وحاط فيها سلطه خفيفة مع بصل وشطه او حمص او اي شي تحبه ولفها وسم بالله وكل

طبعا هذا اذا كان العدد قليل اما اذا كشته مالك عن الصاج والبصل والفلفل والحركات الثانيه مثل ما قالوا الاخوان قبلي ولكن الطريقة الاولى هي صحيه ولذيذه

تحياتي

[بواردي رحال]

مرحبا بك راجع هذا الرابط جيدا
http://www.mekshat.com/vb/showthread.php?t=287520


ما قصرت يالغالي

[بواردي رحال]

حياك الله أخوي بواردي طبخ الكبد من اسهل الطبخات



(كل الشغل يبيله 10 دقائق)
اول شيء الله يسلمك تركد الصاجة على النار وتحط
شوي زيت على حسب رغبتك سواءا زيت زيتون ولا
زيت عادي خله على النار لين يحمى بعدها حط الكبدة
وقلبها لمدة دقيقتين لين يخف اللون تقارب الأبيض
وبعدها حط البصل وكثر شوي لأنه يعطي طعم ثاني
ولاتنس الفلفل لاتكثر شوي لأنها تصير حارة بالمرة
وبعدها قلب يامقلب لين يمضي عليها 7 دقائق
بعدها شوي بهار مجرد طعم لاأكثر وخلها لين تكمل
10 دقائق ولاتنس الخبز الساخن وعليك بالعافية


:Dلاتنس تعزمني:D



بيض الله وجهك ما قصرت
شرح وافي وانت ما تحتاج لعزيمه
راعي محل الله يطول بعمرك

[بنت القناص]

:good:الكبده اخوي ماتصلح في القلايه ابدا
اما افضل طريقه عموما للكبده شوي على الفحم قطعها شرائح وحطها في شبك الشوي لحد ما تتحمر طلعها وملحها وبالعافيه
في القصدير افرش من شحم الخروف اسفل القصديره وقطع الكبده شرائح متوسطه وحطها فوق الشحم وقفل القصديره مدة عشر اوخمس دقايق على الفحم
على الصاج بصل 3-4 صغيره \فلفل حار حسب الرغبه \ملح \كمون\فلفل اسود\زيت قليل وشحم من ذيل الخروق
قطع البصل زي ماتحب وتبله بكمون فلفل اسود وملح - حط قليل زيت على الصاج وقطع صغيره من شحمة الذيل وقلبها لحد مايطلع من الشحم كميه من الزيت حط البصل المتبل وشوحه لحد ما يذبل حط الفلفل الاخضر والكبده واستمر في التقليب على نار عاليه حت تبداء الكبده يتغير لونها وتتحمر وبالعافيه
اذا تبغاها مع الطماطم قطع طماطم 2-1قطع صغيره وضيفها في النهايه وغطي عليها لحد ما تذبل بعد كذا ارفع عليها النار لحد ماتنشف من السوائل
كبدة الحاشي نفس الطريقه بس مدتها اقل يعني اول ما يتغير اللون طفي النار على طول من دقيقه الى دقيقتين:good:

[بواردي رحال]

انا بصراحة افضل شويها باصياخ اقطعها لمكعبات واحطيها باسياخ الشوي واحمرها على النار واكون مجهز الخبز ياخبز رقاق او صاج او خبز شاورما الدائري وحاط فيها سلطه خفيفة مع بصل وشطه او حمص او اي شي تحبه ولفها وسم بالله وكل

طبعا هذا اذا كان العدد قليل اما اذا كشته مالك عن الصاج والبصل والفلفل والحركات الثانيه مثل ما قالوا الاخوان قبلي ولكن الطريقة الاولى هي صحيه ولذيذه

تحياتي


صحيح شكل الشوي احس
طعمه مشهي لكن
الكشته اتوقع بتصير على الصاج
ما قصرت اخوي

[سفيرالصمت]

1-ضع شوي زيت بالصاج حتى يسخن الزيت 2-ضع الكبده على الصاج وقلب طبعا على نار عاليه حتى يميل اللون للأبيض (لاتنسى الفلفل )لاتقطعه ضعه كامل 3-ضع البصل المقطع شرائح والثوم وكثر الثوم روووعه مع الكبده وقلب لمدة خمس دقائق(طبعا اتكلم عن كبدة الغنم) 4- ضع البهارات والملح قلب لمدة دقيقه تزيد قليلا (دقه عجيبه ):D:D:D بعدها ذوق الطعم الخيالي :l:l