فزعتكم بالمشوره قير اكسبلورر 2006 ابي حل

[الحبابي1]

((بسم الله الرحمن الرحيم ))

السلام عليكم ورحمة الله وبركاته وبعد
ياجماعة الخير عندي فورد اكسبلورر 2006 اذا عشقت الموتر على r ريوس مايستجيب بسرعه ويطق طقه قويه تقول احد صادمك من ورا غيرت زيت القير والفلتر بالوكاله ب487 ريال المشكله نفسها اليوم الثاني ونا ماشي بسرعة 90 تقريبا ادعس بنزين مايمشي كأنك معشق الموتر على n الفاضي بعدين مشا طبيعي انا خفت صراحه رحت ترايستار وشيكه لبناني مسيحي ابن كلب الله يكرمكم قال القير يبيله توضيب ويكلف 5800 ريال قلت اخو العيال قول غيرها ياولد قال مامعك الا ماحصل يالربع اللي حصل له مثل سالفتي وضبط القير يفيدنا تكفون انا مسافر بعد كم يوم 1400 كيلو هل عليه تاثير الخط الطويل للقير؟؟ احس البناني نصاب مايبيله توضيب بس لهف فلوس

[T-Tamimi]

حسب وصفك للمشكله
حصلت مع احد الاخوان اكسبلور 2007
تأخير بالتعشيق وتفويت وغير زيت القير وما نفع
غير حساس سعره 750 تقريبا وشغل يد 300 تقريبا
التغيير مايحتاج فك القير
الحساس موجود فوق غطاء الزيت.
اذا تبي اسال لك عن الورشه الي صلحت موتره في الرياض ابشر اتصل علي
لك رساله على الخاص

[just 4 u]

أخي الكريم التميمي
أرجوا أن تكتب وصف الورشة التي قام صديقك بأصلاح السيارة عندها لكي تعم الفائدة
ولك جزيل الشكر مقدما

[اصيل نجد]

((بسم الله الرحمن الرحيم ))




السلام عليكم ورحمة الله وبركاته وبعد


ياجماعة الخير عندي فورد اكسبلورر 2006 اذا عشقت الموتر على r ريوس مايستجيب بسرعه ويطق طقه قويه تقول احد صادمك من ورا غيرت زيت القير والفلتر بالوكاله ب487 ريال المشكله نفسها اليوم الثاني ونا ماشي بسرعة 90 تقريبا ادعس بنزين مايمشي كأنك معشق الموتر على n الفاضي بعدين مشا طبيعي انا خفت صراحه رحت ترايستار وشيكه لبناني مسيحي ابن كلب الله يكرمكم قال القير يبيله توضيب ويكلف 5800 ريال قلت اخو العيال قول غيرها ياولد قال مامعك الا ماحصل يالربع اللي حصل له مثل سالفتي وضبط القير يفيدنا تكفون انا مسافر بعد كم يوم 1400 كيلو هل عليه تاثير الخط الطويل للقير؟؟ احس البناني نصاب مايبيله توضيب بس لهف فلوس


هلا وسهلا باخوي الحبابي والله ياخوي اني ارجح كلام البناني صحيح وانشاء الله يصر ماهو صحيح لكن انا ماطلعت موتري اكسبلورر 2004 من الورشه قبل شهر بدا مثل سيارتك لاحطيت نمره نتعه بسيطه والريوس يطق على قولك المهم ماطول عليك طال عمرك جلست فتره صار
اذامشيت وصل الثمانين يفلت لازم ارفع رجلي اعزكم الله عن البانزين ودوس مره ثانيه ويلقم النمره وبعد فتره صار على اللاربعين يفلت لين طلع صوت طقه والله مانسها طق قلبي معها وفرط القير صار بكل النمر كانه فاضي وشلته بسطحه وضبت القير عند الورشه 3500 والحمد لله اليوم له عشرين يوم مطلعه تمام على فكره او ماطق رحت للبيان اللى عند المعارض وفحصوه بالكمبيوتر قال الفلبيني توضيب قير قلت اذلف ماعندك سالفه على كل حال اخوي امش عليه لين ياقف مره تري التوضيب تجيبه اول مايطق او بعد ومايفرط القير زي اللي صار معي كله واحد والتوضيب هو التوضيب يعني انشاء الله يبي يكد معك سنه اذا موهو اكثر وبالنسبه للسفر واذا ريح الوتر ماعليه المهم لاتدخل البر وتعمق تخاف يفرط عليك لاسطحه ولاسعاف الله يحفظك ويدلك للاصلح .

[بيق مان]

اتوقع موترك يحتاج اعادة تهيئة (برمجة) وهي شغلة بسيطة وكثير ما يعرفونها أو حساس بالكثير .. لا تستعجل بالتوضيب كثير من الورش يستغلون جهلنا. افحص عند الوكالة

[العسيري 2007]

وش صاااار معك يالحبااابي

[الحبابي1]

المعذره يالربع على التأخير زبدة الموضوع سافرت عليه المدينه المنوره وقعدت حوالي 10 ايام بحكم عملي المؤقت بالمدينه المهم اصبح الصبح في يوم الاحد الموافق 24/12/1432 ه ورحت ابي اجيب فطور من مطعم ابو زيد وانا راجع الا والموتر ادعس له كأنه على الفاضي رفعت رجلي تكرمون ورجعت دعست مشا واذا يبي يبدل يطق طقه شينه شوي الا ابا مايمشي وطلعت لي علامة مفك الغاز في الشاشه وقفت على جمب وضغطت زر الدبل ومشى معي ماتعديت 40 رحت ديكسول بالمدينه قال يبيله توضيب قير 6000 ويبيلك من 10 الى 15 يوم زحمه عندنا قلت تكفا شف لي رجال شغله مضبوط وينجز قال ابشر وارسلني على ابو عرب السوري ورشة ضماننا مجمع السحمان قال شغل يد 1500 غير كذا استحاله قلت طيب فك القير وشوف وش يحتاج وانا اجيب قطع غياره بنفسي قال انا اجيبها قلت لااستريح اكفيك بها المهم بعطيكم اسماء القطع وتكلفتها :
1-قفيز قيربوكس 153.61 ريال
2-بستم ريوس 66.4 ريال
3-مكبس 84.14 ريال
4- فلتر زيت قيربوكس 60.41 ريال
5- مخ القير بوكس 1222.71 ريال
6- بلف كهربا قيربوكس 839.19 ريال solenoid asy
7- زيت القير 103.83 ريال
8- ترس دوار كرونه اتوماتيك 892.21 ريال
9-صحن كلتش اتوماتيك 129.3 ريال
10- طقم كلتشات 141.23
11- توصيله 86.92 ريال
12- ترس القير 179.86 ريال
13- رمان بلي 21.10 ريال
14- صحن ضغط كلتش 48.49 ريال
المجموع / 4000 ريال وديتها لبوعرب قال عندك بلف مدري وش اسمه فيه تهريب هوا مايحضرني اسمه قال يبيله مخرطه صناعة حلبة المنيوم عشان يضبط 500 شغل
المخرطه خذاله الموتر 3 ايام وجربناه وسوا برمجه كمبيوتر والحمد لله راحت الطقه وضبط معي واعطيه 1500 شغل يد و 500 للمخرطه مجموع الخساره 6000 ريال والله يعاوضنا قال امش عليه 1000 كيلو بدون دعس قوي للبنزين خله يبدل على راحته وغير زيت القير والفلتر بعد 20000 كيلو لي يومين من طلعت الموتر سافرت ينبع ورجعت المدينه 100%

[just 4 u]

الف مبروك والله يعوضك
بس عندي عدة اسئلة , سيارتك كم كانت ماشية ؟ وهل كنت منتظم في تغير زيت القير ؟ وهل أسعار قطع الغيار من الوكيل ؟
ولك جزيل الشكر مقدما

[الحبابي1]

سيارتي ماشيه ١٧١٠٠٠ كيلو ماخذها قبل سنه اول ماشريتها غيرت كل شي من زيت قير وفلتر ودفرنس وبعدها ٣٧٠٠٠ غير زيت القير والفلتر بعدها طلعتلي العله طقة القير لها فتره ٨ شهور بالنسبه لقطع الغيار من توكيلات الجزيره اصلي

[العسيري 2007]

الله يعوض عليك

والحمد لله ع كل حال

[m3ax]

الله يعوض عليك اخوي واذا صار الشغل مضبوط والموتر راح شره صدقني مو خسارة فيه هالمبلغ واذكر وضبت قير جمس موديل 99 حق الوالد في الدمام عند مهندس ممتاز اسمه علي في اقل من يوم واحد والموتر الحين له 3 سنوات مثل الساعه ما شاء الله عليه ما شكى من شي وكانت تكلفة التوضيب 3800 ريال بسبب رخص قطع غياره

هذيك الايام ورشة شلنجر قير وورشة القير الامريكي كانوا بيسرقوني سرقة معتبره لكن الله دلني على اولاد الحلال ووصلوني للرجال هذا ووفر علي كثير مع العلم ان ورشة القير الامريكي طلبوا مني عمالها الهنود 6500 ريال وشالنجر قال بنبدل لك القير بواحد مجدد ونضمنه لك 6 شهور وتعطينا الرجيع و4500 ريال فوقه

[الحبابي1]

ا لله يجزاكم خير جميع من ساهم في مشاركة موضوعي والله يعاوضنا خير

[Avalanche]

السلام عليكم ورحمة الله وبركاته

ينقل للقسم الصحيح