المساعد الشخصي الرقمي

مشاهدة النسخة كاملة : حرة وعيون القطط


الكشات1
03/11/2011, 10:26 AM
بسم الله الرحمن الرحيم
اخواني اعضاء مكشات
السلام عليكم ورحمة الله وبركاته
عندي سفاري 93 يوجدبه حره خفيفة وعند الدعس على عيون القطط اومطب خفيف تختفي
واذا دعست مره اخرى على العيون ترجع مرة اخرى وهاكذا.
ماهو السبب في رايكم

ولكم مني جزيل الشكر
Messerschmitt
03/11/2011, 12:21 PM
الحره تطلع بالباترول غالباً اذا كان مرفوع من ورا فوق الحد المطلوب .
أبوفهد-5448
03/11/2011, 02:19 PM
فعلا كلام أخوي Messerschmitt صحيح

وعندك أكثر من حل أما أنك تنزل القير أو تفك الكعكات

هذا اللي قالوه لي الورش لاني مازلت أعاني من هالمشكلة

بس واحد من العيال قالي تقدر تركب وردات ويختفي الصوت

بس المشكلة اني مالقيت أحد يركبهن لي


واتمنى من الاعضاء اللي عنده علم ياليت مايبخل علينا
الكشات1
05/11/2011, 10:20 AM
اشكركم على الرد
ولكن المشكلة انها تروح وترجع وليست مستمرة
وليد الشلاحي
05/11/2011, 06:22 PM
اخوي الكشات 1 مساك الله بالخير اول شي ثاني شي اذا وقفت الموتر عندك عاديه وفيه الحره هذي والله العالم من صليبات العمود وتتأكد منها اذا جات الحره فض القير اذا راحت الحره المشكله من الصليبات وامرها هين..
اما اخوي ابو فهد اكثر اهل الورش ما يعرفونها بس انت اشتر ست وردات مقاس 17 فتحه كبيره لكل مسمار من مسامير الحديده العارضه اللي يركب عليها القير.. وخل الميكانيكي يفك على مسمار مسمار اذا فك المسمار يحط الست وردات ويربط المسمار عليها وهلما جرا لكل مسمار.. وبذلك ينزل معك القير..
ارجو اني افدتكم وطريقة شرحي واضحه .. والله اعلم
صالح ابو وليد
07/11/2011, 12:18 PM
انا مركب خمس وردات وماراح الصوت بس خف عن اول
يمديك تركبه انت بنفسك مايبيله شي
ركبته انا عند ورشة ابو صالح التركي









عزاه ياقلب(ن) بكى الهم طبق
وارهش عليك الحزن فوقه نعقيا

وسريت في ليلي مع الجيب الازرق
اللي زراق الليل معه انزرقيا

جيبن زرق فلبيد معها تمزلق
اللي لمتاهات الفيافي عشقيا

عشق العشوق اللي تعاشق وتعشق
تلقى الرضم من حدر بديه رشقيا

رشاق شقاق الفيافي لياشق
يشبهرشاش النياشن مطقيا

جيبن على حلو الفيافي تمطق
مع الفجوج اللي تعقد نطقيا

جيبن سفاري للمساري تدلق
مشي على غيره بدابه فرقيا

سميته الوافي وهو وافين حق
حقق وانا حققت في الحققيا
الكشات1
12/11/2011, 08:48 AM
بسم الله الرحمن الرحيم
عيدمبرك و كل عام وانتم بخير
اشكركم على الردود المفيدة وانشاء الله اعمل بنصائحكم
ولكم جزيل الشكر