لو سمحتم ابغى إجابة سريعة قبل العيد!!!!!!

[مشعل العلي]

بسم الله الرحمن الرحيم

السلام عليكم ورحمة الله وبركاتة::::
عندي لاهنتم فتك 2005وطلع عندي صوت بالمكينة تقولون صوت البلوف بس إذا احتمى إذا هوبارد مايطلع الصوت بس إذا احتمى ...
سألت ميكانيكي قال لواول ماتشغل السيارة وهي باردة كان قلت البلوف...
بس ياشباب السيارة حرارتها بالوضع العادي يعني الربع...
تكفون الله لايهينكم ابي حل بسرعة ....

[omar salman]

وعليكم السلام ورحمة الله وبركاته
ذكرتني بكامري قد جت معي
إذا مشيت وهي باردة ما يغير
القير للرابع
هههههههههههه

[مشعل العلي]

وش تبي انت بالضبط

[عناز الحره]

يفيدونك اهل الفتك

[ماجد الشمال 1]

60% طرنبة الزيت

[مشعل العلي]

يفيدونك اهل الفتك



جزاك الله خير

[مشعل العلي]

60% طرنبة الزيت



جزاك الله خير وشلون اتاكد لاهنت

[ماجد الشمال 1]

جزاك الله خير وشلون اتاكد لاهنت
يأخي الزيت لما يكون بارد يكون ثقيل شوي
ويخفى صوت التروس أومسننات طرمبة الزيت
وعندما يحمى الزيت يصبح خفيف ويكون درجة
سيولته وهو حامي اكثر
غير طرمبة الزيت قبل ماتخبط المكينه
أوتعدم السبايك

[الإستراتيجي]

نوعية الزيت ، او البلوف أو طرمبة الزيت .


البلوف فالمفروض إنك تسمعها في البداية لكن ممكن تكون هي فبعض السيارات ما تبين أول التشغيل لأنه يشتغل التماتيك حق التحمية فيكون ضغط المكينة عالي أول ما ترجع للوضع الطبيعي يرجع الصوت

سؤال : جربت تدعس فوق 1 بشوي يعني زي تحمية المكينة هل يروح الصوت .


أعتقد إن راح الصوت فإنه فيه بلوف فاتحة تحتاج وزن ولو كانت السيارة قد فكت المكينة ممكن إلي وزن البلوف وزنها بقياس آخر فلكل سيارة ميزان للبلوف خذ وزن البلوف من الوكالة يعطيك رقم ميزانية بلف موديل موترك .

إن ما صار فأعتقد الزيت إلي عندك خفيف على موترك ماهو على مواصفاته فإن ما كان كذلك

فأعتقد أنها من الطرمبة كما تفضل الإخوان .

[مشعل العلي]

يأخي الزيت لما يكون بارد يكون ثقيل شوي
ويخفى صوت التروس أومسننات طرمبة الزيت
وعندما يحمى الزيت يصبح خفيف ويكون درجة
سيولته وهو حامي اكثر
غير طرمبة الزيت قبل ماتخبط المكينه
أوتعدم السبايك
مشكور على ردك بص الصوت بدا يخف ومايطلع مثل اول مستمر
وسالت قالو لو العطل من الطرمبة كان ولعت لمبة الزيت
وشاكر اهتمامك

[مشعل العلي]

نوعية الزيت ، او البلوف أو طرمبة الزيت .


البلوف فالمفروض إنك تسمعها في البداية لكن ممكن تكون هي فبعض السيارات ما تبين أول التشغيل لأنه يشتغل التماتيك حق التحمية فيكون ضغط المكينة عالي أول ما ترجع للوضع الطبيعي يرجع الصوت

سؤال : جربت تدعس فوق 1 بشوي يعني زي تحمية المكينة هل يروح الصوت .


أعتقد إن راح الصوت فإنه فيه بلوف فاتحة تحتاج وزن ولو كانت السيارة قد فكت المكينة ممكن إلي وزن البلوف وزنها بقياس آخر فلكل سيارة ميزان للبلوف خذ وزن البلوف من الوكالة يعطيك رقم ميزانية بلف موديل موترك .

إن ما صار فأعتقد الزيت إلي عندك خفيف على موترك ماهو على مواصفاته فإن ما كان كذلك

فأعتقد أنها من الطرمبة كما تفضل الإخوان .

مشكور على ردك
بس الزيت استخدمة من سنتين ومااستبدلته
الصوت ياغالي مايطلع إلا والسيارة واقفة يعني مشتغلة بس ماتمشي
ادعس يروح الصوت
الصوت اسمعة يسار المكينة يعني يمينك اذاصرت مواجة السيارة

[ماجد الشمال 1]

مشكور على ردك بص الصوت بدا يخف ومايطلع مثل اول مستمر
وسالت قالو لو العطل من الطرمبة كان ولعت لمبة الزيت
وشاكر اهتمامك
لمبة الزيت تولع أذا ساعة الزيت خربانه
أو طرمبة الزيت وقفت ماعد تضخ زيت نهائي تولع
لكن أذا كانت ضعيفة استحاله تولع

[مشعل العلي]

لمبة الزيت تولع أذا ساعة الزيت خربانه
أو طرمبة الزيت وقفت ماعد تضخ زيت نهائي تولع
لكن أذا كانت ضعيفة استحاله تولع

شاكر تواصلك معي
الاربعاء ان شاء الله ابروح لورشة ابوصالح التركي واتاكد اكثر واذا عرفوا سبب الصوت ابكتبة بهالموضوع علشان يستفيدون الشباب
وجزاك الله خير ع التواصل