واخيرا على كورنيش الدمام

[mazen78]

بعد طول انتظار لفترة اكثر من شهرين وفقت وبحمد الله لصيد سمكة قرقفان بحجم اكبر من كف اليد بقليل وحبة ابو نقطة صغير استخدمتها كطعم وهي اللي جابتلي القرقفان وحبة فسكر صغير
وان شاء الله سيكون هناك تقارير مصورة في المسقبل القريب لما تكون الغلة طيبة:good2:
بس في عندي سؤال طلعت معي سمكة غريبة الشكل تشبه الوحرة بلون بني مثل لون الهامور و فمها عريض حجمها صغير لها صوت مثل صوت الزمرور حاولت الاقي صورة لها على النت بس للأسف ما وجدت قالو لي انها سامة ويجب التخلص منها دون لمسها الي بعرف عنها اي معلومات مع صور الرجاء الافادة
حاسس اني بحكي لغز:D معليش ما قدرت اصورها لانشغالي بالتخلص منها

[صايد الحوت]

ولكموا اخوي والله يوفقك بصيد الهامور يارب بنسبة لسمكه الي صتها هذي اسمها بونفيخ وهي سامه فعلن تنفخ اليد لما تلمسها _____وعندك الواجهه البحرية بعد مطعم الكورنيش في زي المبنى في البحر الحين يبنونه هناك في صيد قبل امس شايف واحد صياد اسبيطي يمكن فيه خمسه كيلو وضرب عليه كم مره روح هناك ويمكن الله يرزقك وبتوفيق اخوي _تحياتي

[mazen78]

مشكور اخوي صايد الحوت والله انا معظم صيدي في هذي المنطقة بس سبحان الله ارزاق يرزق من يشاء بغير حساب واتمنى يكون فالك علي طيب

[accentkool]

هذا سامة اسمها فريالة وتنفخ اليد او الرجل عن الاصابة بشوكها
انتبة منها اقطع الخيط واتركة دون اللمس

[برق شرق]

مبروك أخوي " mazen 78 " و الله يرزقك بالصيد الطيب في الأيام الجاية إن شاء الله .. :)

بالنسبة للسمكة اللي تسأل عنها :

حسب وصفك أعتقد انها مثل اللي في الصورة هذي اللي وضعها حبيبنا " شراع العز " :

http://dc17.arabsh.com/i/03542/2mevi2rzhhlh.jpg (http://arabsh.com/2mevi2rzhhlh.html)

و أسمها عندنا في الشرقية " نغاقة " ..

صدتها من قبل و ليست سامة ..


هل اللي صدتها نفس اللي في الصورة ؟؟




.. دمت في أمان الله ..

[وليد الغربة]

بالعافية عليك اخوي

اخوك وليد الغربة

[mazen78]

شكرا للجميع على المرور الطيب والتشجيع و فعلا اخوي برق شرق هي اللي بالصورة تماما مع شكري للجميع على المعلومات الطيبة بس اكيد هي مش سامة؟؟؟؟ وهل طعمها يستاهل الواحد يحتفظ بيها؟؟؟

[برق شرق]

بصراحة أنا ما جربتها و لا فكرت أجربها ..

لان اللي صدتها كانت ما تتعدى طول الاصبع مرتين :D :D ..

بس الغالب تستخدم كطعم و ما سمعت عن أحد انه أكلها ;) ..


.. دمت في أمان الله ..

[كوتشي]

هذي يالغالي ما تتاكل لانها تنظف البحر من الاوساخ الي فيه يعني تاكل اي شي ولو تبي تتأكد افتح بطنها وراح تشوف الي ما يخطر على بالك

[رسيس نجد]

عقبال السبيطي

[1بوخالد555555555]

اخوي هاذي النغاقه ان صدتها مره ثانيه روح وشكها من آخر الذيل وارمها بحر وفالك السبيطي واسأل عنها وايت شارك وهو يقول لك علومها مع السبيطي ;)

[عاشق الوكري]

مبروك وتستاهل يا اخوي ماااازن

تراني مستانس اني لقيت احد نفس اسمي هههههههههههههه

ومن اهل الدمام بعد هههههههههه