استفسار لاهنتو الطير مريض

[أنا داري]

السلام عليكم ورحمة الله وبركاته

عندي طير به مرض الله يسلم طيوركم من الشر

الطير يطلع صوت يوم يتنفس من داخل يوفه كنه صوت ديك ومن يجر النصخ صدر الطير يصك على داخل
علموني الله يجزاكم خير اول مره تصادفني مثل هالمشكله ولا لي علم بها هل لها حل وعلاج وش هو ذا الي فيه؟؟؟؟؟
وبحثت في المواضيع المثبته مالقيت شي مثل هذا المرض في مواضيع الاخوان جزاهم الله خير
علماً ان الطير تفريخ بيور جير

ياليت حد يعطيني العلم:good2:
ماتقصرون ياربع..

[ســـبــار ربــعـــه]

ياخوي طيرك فيه نهيته عسا الله يشفيه.
عط الطير كبريت ابيض مع الماء تلقاء عند العطارين اخلطه مع الما وخضه خضه لين يصير لونه قريب للرصاصي واسق الطير عليه كل صبح بس انتبه من الكبريت الاصفر تراه سام هذا حسب ماسمعت والدكاتره ابخص كان عندك مستشفى وده له اسال الله انه يشفي طيرك

[عبدالرحمن بن ذياب]

الله يشفيه

[al3an]

الله يشفيه وتلقاله علاج

[MANSOR QATAR]

الله يشفيه

والله انصحك في اقرب عيادة لك افحص طيرك منت بخسران شي ان شاءلله .

تحياتي لك

[طارق حسين]

السلام عليكم ورحمة الله وبركاته

اخوي <انا داري> كلام اخونا <فهيد بن مخلب> صحيح

وانا مجربها قبل الربطه بطيرين والحمدلله. على الكراوين ادب

والله يشفي طيرك

[عواد الشمري2]

ويين تبيت الطير انت بغرفه مكتومه صح وتدخن عنده وماتطلعه برا الا بسنه حسنه؟
هل الكلام الي قلته صح اذا انه صح طيرك مابه بلا بس مكتوووووم الطير سو لك عشه فوق الصطح ولا بحوش ولا بي مكان يكون مكشوووووووووووووووووووووووف
بعض الطيور ينكتم من المحل المقفل يعني من الغرف وووووو الي اخره فا تشوف الطير يتغير حتى نفسيت الطير تصير وصط ومن تحطه بمحل مفتوح تلاحض ان الطير تفتح يعني اموووره غدت زينه



وتقبل مروري والخوان مايقصرـرـرـرـرـرـرـرـرون

[ربع خالي]

وعليك السلام ورحمة الله وبركاته

اللي في طيرك رداد الجوف . نصيحتي لك خله وشفلك طير غيره .
تحياتي

[أنا داري]

ياخوي طيرك فيه نهيته عسا الله يشفيه.
عط الطير كبريت ابيض مع الماء تلقاء عند العطارين اخلطه مع الما وخضه خضه لين يصير لونه قريب للرصاصي واسق الطير عليه كل صبح بس انتبه من الكبريت الاصفر تراه سام هذا حسب ماسمعت والدكاتره ابخص كان عندك مستشفى وده له اسال الله انه يشفي طيرك

شكرا يافهيد على مرورك والايفاده
بس بغيت اعرف شقد اسقيه الطير مقدار ابره ولا ازيد من كذا؟!

[أنا داري]

جزاكم الله خير ياربع ماقصرتو الله يطول بعماركم وفي ميزان حسناتكم
والله يبعد عن مالكم وحلالكم الشر

[ســـبــار ربــعـــه]

ملعقتين صغار في كوب واذا خلطته لين يتغير لونه حطه في الفنجال الي تسقي الطير منه.
وكثر له وترا الطير مايعاف الكبريت عادي بس اسقه يوم بعد يوم يعني بكره عطه طول اليوم ما بكبريت وبعد بكره عطه ما عادي.
الله يشفيه

[صالح الحنيان]

ياخوي يمكن منخر الطير مسكر واده المستشفه وخلهم يفحصون الطير

[أنا داري]

ملعقتين صغار في كوب واذا خلطته لين يتغير لونه حطه في الفنجال الي تسقي الطير منه.
وكثر له وترا الطير مايعاف الكبريت عادي بس اسقه يوم بعد يوم يعني بكره عطه طول اليوم ما بكبريت وبعد بكره عطه ما عادي.
الله يشفيه

جزاك الله خير والله يطول بعمرك وانشالله يشفا الطير مشكور مشكور

[أنا داري]

ياخوي يمكن منخر الطير مسكر واده المستشفه وخلهم يفحصون الطير

لا ياخوي مش مسكر منخر الطير الصوت من داخل ومن الطير يفر راسه يطلع سايل من منخر الطير وانشالله يشفا

[قرناس شماالي]

ماقول الى الله يشفي طيرك

وكل طير مع رجال اجودي زيك