اللي متضايق من طول وكبر حجم الرواق اليك الحل

[ابوفهد225]

السلام عليكم ورحمة الله وبركاته

رواق قمنا انا ورفيقي بتطويره.

الفكره مأخوذه من رواق اشتريته من محل رحلات قبل سنتين رحت ابغى واحد ثاني قبل فتره قال ماعندي ولا عمري سويته :confused:

ففصلناه انا ورفيقي لكن طورناه وانصحنا فيه

الفكره هي ان الرواق ينصفط من النص يعني ان الماصوره تنفك من النص

صورة الرواق العادي
http://www.mekshat.com/pix/upload/images14/mk12021_mk1.jpg

صوره للرواق مصفوط

http://www.mekshat.com/pix/upload/images14/mk12021_mk8.jpg

يكون الجزء العلوي للماصوره مثبت مع الرواق

http://www.mekshat.com/pix/upload/images14/mk12021_mkm.jpg
http://www.mekshat.com/pix/upload/images14/mk12021_mk3.jpg
http://www.mekshat.com/pix/upload/images14/mk12021_mk2.jpg

ومن هنا يدخل الجزء السفلي من الماصوره

http://www.mekshat.com/pix/upload/images14/mk12021_mk.jpg

ثم يدخل في الجزء المحدد في الصوره <اصابعي>هذا الجزء يكون اعرض من الماصوره
الماصوره نصف بوصه والجزء المحدد ثلاث ارباع

http://www.mekshat.com/pix/upload/images14/mk12021_mk4.jpg

وفي الصوره لاحظ الجزء الخارج من الماصوره 2سم تقريبا هذا للحفاظ على الماصوره من كثرة الطق
والجزء الخارج عند الطرفين <يعني موجود في الماصوره الثابته في الرواق>

http://www.mekshat.com/pix/upload/images14/mk12021_mmk.jpg

وهذي صوره للرواق من فوق

http://www.mekshat.com/pix/upload/images14/mk12021_mk5.jpg

تكاليف الماصوره تختلف حسب نوع الماصوره حسب شغل الحداد تقريبا مابين 6 الى 9 ريال

بعض الورش يضعون ورده فوق الماصوره<مكان الطق> حنا وضعنا مسمار صلب يتحمل اكثر

سعر المسمار ريال

تكاليف خياطة الرواق 10 ريال للمتر مع القماش مع العلم ان الارتفاع متر ونصف

بعض المحلات اذا كان طول الرواق 6 متر يضعون 7 مواصير يعني بين ماصوره والثانيه متر

حنا خلينا بين الماصوره والثانيه متر وعشرين سم بحيث يكون الفرق ماصوره ويخف الرواق شوي وتوفير

في الاخير اتمنى ان اكون وفقت في اختيار الصور والشرح


اتمنى منكم وضع ملاحظاتكم للفائده

[تميم]

يعطيك العافيه ابو فهد

[بواسامه]

اتوقع الوسط ضعيف جدا بسب عدم تعمق الماسورتين في بعضهن
وكذلك لو خطت مخباة في جوانب الرواق للمنديل او خلافه
ولو فصلت الرواق لون ترابي افضل وما يتاثر بالغبار
ولو فصلت للرواق جراب وتقوي جوانبه من اسفل لتحمي ديكور السباره من الاطناب الملحمه بالمواسير

عموما ابتكارك ممتاز والى الامام وانا اخوك

[ابوفهد225]

تميم الله يعافيك

ابواسامه

اشكر لك مرورك

الوسط غير ضعيف وانا جربته سنتين ما انعفط ولا صار اي شي

شاكر لك ملاحظاتك

[ظلال الشمس]

والله انك جبت الحل يا ابو فهد 225
عز الله انا متعلعلين من طول الرواق لكن فكرتك جدا ممتازة والله يعطيك العافية

[ارتست]

يسلمو والله على الفكر النظيف ................سهولة التنفيذ...................وقل التكاليف

[المطلق]

يعطيك ألف عافية أخي أبو فهد على هذه الفكرة الحلوة

[فايز العامر]

الرواق هذا عندي مجدوع ورى البيت له سنتين.. مااستخدمته الا مرتين الاوله نشبت ثلاث مواصير مع بعض والمرة الثانية نشبن الباقيات مع بعض... والصراحة فكرة طيبة جداً يبي لي امر على حداد اخليه يفصل لي مواصير مثل اللي سويت..
بس وشلون مسمار صلب؟ ووين القاه؟

[الضاري]

الله يعطيك العافية

بس ياليت لو تقول كم كلف عليك ( كل شغلة )

وعقبال ما تصنع طيارة برية إن شاء الله

[راعي اللند]

يعطيك الف عافية على الفكرة الجميلة...صحيح لقالوا ان الحاجة ام الاختراع.

[هويدي]

وعليكم السلام ورحمه الله وبركاته


والله فكره رائعه ابوفهد ماشاء الله عليك

واتوقع لوتحط قماش تنزاني احسن من ناحيه الشكل والغبار وغيره

مع التحيه للجميع

[نجر بن محماس]

بارك الله فيك

[اعقاب]

مشكور ابو فهد
:good:
طيب وين نحصل ابتكارك


انا ابغي اثنين

[ابوفهد225]

شباب الف شكر على مروركم وملاحظاتكم

يعطيكم العافيه

اعقاب انا دورته ببريده ماحصلته لذلك فصلته

لكن اذا تبغى اعطيك تفاصيله بالظبط وتفصل مثله.

[اعقاب]

اكون شاكر لك وممنون

[wannan]

هل هذا الرواق عملي لين تحركت الشمالية أو الجنوبية (( ممزعة الخيام ))

[snnar]

فكره حلوه تسلم

[ضلع الرقيبه]

فكره زينه الله لا يهينك

[نقا هشال]

عساك على القوه

فكره حلوه

[tiger_shark]

السلام عليكم يا شباب

ابو فهد, انا شريت مثل هذا الرواق من الرماية لكن الفرق انه الماصورة الي تحت هي الي مثبتة مع الرواق

لكن لقيت انه اذا دقيته نشبت المواصير ببعض و صار فكها صعب جدا

اذا عندك او الأخوان حل لهذي المشكلة فلا تبخلوا علينا بالرأي وجزاكم الله الف خير

اخوكم راكان

[ابوفهد225]

شباب شاكر لكم مروركم

الف شكر كل واحد بأسمه

اخوي راكان الحل موجود وتلقاه بالصور

ورايح انزل صور اكثر للتوضيح

[tiger_shark]

منتظر منك الصور يا ابو فهد لكن لو اتعبك و تشرحلي أكون شاكر و مقدر

[ابوفهد225]

http://www.mekshat.com/pix/upload/images15/mk12021_666661.jpg


http://www.mekshat.com/pix/upload/images15/mk12021_666662.jpg

اتمنى ان يكون الشرح واضح

[tiger_shark]

مشكور يا لأبو فهد و ما قصرت
يبغالي أطبع الصورة هذي و اشرحها للحداد
طبعا هذا إذا ما عندك مانع, لأن الفكرة فكرتك..

[الفارس919]

يعطيك العافيه ياابو فهد انت بصراحه جبت شي كان مظايقنا فعلا بالطلاعات
وهو لابد منه .........انت شرحت بس ماراح نقدر نسوي مثله الا اذا فيه جاهز
لكن اذا تقدر تفيدني بشي او تفصيل كامل له ياليت لا تخليني انا احتاج له كثير اما ترسل رساله او على الاميل
alfares919@hotmail.com
وشاكر لك على هالفكره والله عطيك العافيه وننتظر منك المزيد من الابتكارات........

[الضرغام]

أبوفهد
مشكور وماقصرت والله يعطيك ألف عافية أخوي
فكرة وشرح واضح وعيني عليك بارده
تسلم الأيادي أخوي

[ابوفهد225]

اخوي راكان

حياك الله مانزلنا الموضوع الا للفايده

الفارس 919

اذا كنت ببريده اقدر اعطيك ماصوره وتفصل مثله
واذا كنت خارج بريده اقدر اصور لك الماصوره كامله

الضرغام

حياك الله والله يعافيك شاكر لك مرورك

[ابوفهد225]

حياك الله اخوي مسافر1

صحيح اخوي انه مع الهوا يطلع صوت احتكاك لكن له حل وهو انك تطول الوصله اللي بينهم

وانا صارت معي بالبر وحطيت صغير عود بين الماصورتين وراح الصوت

وقولك عدم ثبات انا مادري وش قصدك لكن ان كان قصدك انه يتحرك من الهواء فهو له حركه لكن بسيطه

وانا اقول لاتقارنه بالرواق العادي من ناحية ثبات وقوة لانه وصلتين لكن ترتاح من كبر حجمه وطوله ويؤدي نفس الغرض.

[جبل خزة]

الاخوة الاعزاء
آسف لتدخلي
ولكن عندي استفسار
لو جعلنا الوصلة بين الماصورتين عبارة عن لف ( قلويز ) ما نتفادى الصوت الاحتكاك و نزيد من قوة الوسط ؟
شكرا لسعة صدوركم .

[tiger_shark]

كلامك صحيح يا سامر الحي, لكن اذا جيت تطق العواميد بالأرض سنون القلويز راح تخرب و تتلحم ببعض و لا بتقدر تفكا لو بالطبل البلدي