الخلوية ..انا والشايب 2/11/2011

[falcon 1]

بسم الله الرحمن الرحيم
السلام عليكم ورحمة الله وبركاته

اخواني الاعزاء ...صبجكم الله بالخير جميعا ...وان شاء الله انكم طيبين وبخير

هذي قصتي مع الخلوية الوحشه الي حاولنه فيه لكن الله ما قسم والحمد لله على كل حال

قالي الشايب ( الله يطول بعمره ويطول باعمار شيبانكم على لطاعات ) وشرايك نطلع البر يوم الاربعاء نتمشى ونتسلى ونغير جو شوي ..وناخذ معنه عزبتنه واغراض الطيور نترزق الله .

المهم قلنه خلنه نطرح شراييص في مزارع العبدلي ثم نتجه الى الرتقه . لقينه شراييص لكن كلهن داخل المزارع ههههه ..قلت للوالد حظنه حلو سبحان الله . المهم وحنه نتمشى على العصرية كذا ..اخر عصير ..يقولي الوالد جهز شبكة ...انا على بالي حميمج ..يوم قربنه شوي ولا شيهانه !! والله يالربع ما بينه وبينها يمكن 15 متر..لقيناه موقعه على غصن من اغصان الشجر الكبير ...المهم واجيبلي حمامتين والبسهن واحطلهن ثقاله ...واقطلها حمامه ..كان تطير وحنه وراها ...سبحان الله الشي الي استغربت منه ...انه ما تبي توقع الا على الشجر مندري ليه ...عامود الكهرب ما تبي ...انزين وقعي على اي عامود هههه ما تبي ..يوم اكدنه انه خلوية ...حطيناله حمام مع ثقالة بدون شبكة ...نبيه بس تذوق الدم ..مو راضية ..المهم حطينه كم حمامه ...قلنه سبحان الله اذا جت هالصوب الا في شي ...المشكله حنه بين مزارع مو فالخلا ....يوم شفنه طارت واتجهت تجاه العراق ..ودخلت شبك ...قلنه ما تشوفين شر :) رحلة سعيدة
والحمد لله على كل حال

هذي قصتي مه الشيهانة والحمد لله على كل حال اهم شي استانسه وغيرنه جو شوي ...الله يرزقكم يالربع من واسع فضله

والسلام عليكم ورحمة الله وبركاته

اخوكم فالكن 1

[نبهان الشمري]

ماشاءالله

الله يرزقكم باللي افضل منها يارب

[صقر الفاج]

قصة طريفة واهم شي انكم استانستوا انت والوالد ربي يطول عمره على الطاعات

وان شاء الله ربنا يرزقكم باطيب منها
تحياتي لك

[ذيب الفاو]

اعجبتني القصه واقهرتني بنفس الوقت

ياخوي الله يهديك الشياهين والصقور ايضا مو كلها تهد على الحمام

دامك ماشفتها هدت على الحمامه طيب احذف لها فريه وان ماهدت على الفريه احذف لها جربوع !!!!

عموما الله يرزقك بالمقبلات وبالتوفيق ..

[falcon 1]

الله يجزاكم خير يالربع
اخوي ذيب هههه ..هدينه كل شي له ..مو راضيه سبحان الله فريه حمامه قمريه ..لكن الحمد لله على كل حال

[قرناس شماالي]

الصراحه قصه قصيره ولاكن

ذكرتني بسالفه سارت معي

بمزارعنا لقيت قرناسه ومامعي شبك وعندي حمام

قلت خلني احط الحمامه وتعلف بلمغرب ونمرحها ولاكن الحمامه زبانه بلحجر وهي تبي الحمامه

وطارت الشيهانه وخويي كان بيجيب مخدجه وانا برجلي ناديته وكنت مكتف الحمامه وراجع وهو جايني يفحط

يحسبني طرحتها ويوم وريته الى الحمامه بيدي وكان يبي يصدمني من الفرحه يحسبني طرحتها

وعسى الله يرزقك بنادر وتستاهل كل خير

[falcon 1]

ما شاء الله تبارك الرحمن
الله يعوضكم بالنادر اخوي قرناس .
وجزاك الله خير شرفتنه

[نمر الصحراء]

السلام عليكم ورحمة الله وبركاته
الله يرزقكم بالمقبلات والله يطول بعمرالشايب على الطاعه

[توآفيق]

الله يطول بعمر شايبك ، وشايب كل مسسلم

واهم شي انكم استانستو ، وشوفتهأ تطرب العين ، المـُوت الي طلع الفجر ولا شاف شي ههههههههههههههه < مو إنـآ :p هع

والله يوفقكم ويوفقنـإ ويوفق الجميع

[صالح الحنيان]

الله يرزقك ياخوي بالي احسن منه

[عبدالرحمن بن ذياب]

الله يطول بعمر شايبك على الطاعة
و هي رزق يا طويل العمر لو هي مكتوبه لك بتجيك
راحت لغيرك و الله يرزقك بالنادر تستاهل كل خير

[line2sky]

اللي مايكتب لك عسر
الله يرزقكم باللي اطيب منها

[falcon 1]

الله يجزاكم خير إخواني ، بيض الله وجيهكم

[هاوي بر و صيد]

ربنا يرزقك باطيب منها
ويطول بعمر الوالد

[falcon 1]

الله يجزاك خير اخوي هاوي

[ذراع الذيب]

السلام عليكم ورحمة الله وبركاته,,
مسيت بالخير يافالكون,,

يكفي والله شوفتها ومحاولتها وراحت تدور على راعيها ويعوضكم بأطيب منها,,
الموسم الجاي وسلامي لك ولشايبك ولكم تحياتي ,,

[ذيب الصدارة]

السلام عليكم ورحمة الله وبركاته
مساك الله بالخير
الله يرزقكم ان شاء الله
بالفرخ النادر

[falcon 1]

الله يجزاك خير اخوي ذراع الذيب واخوي ذيب الصدارة
بيض الله وجيهكم والله يرزقنه معكم ان شاء الله شرفتونه

تقبل تحياتي اخوكم
فالكن 1