ياشباب الطير فيه نص كوشه !!

[AK-VTC]

السلام عليكم جميعا
تقبل الله طاعتكم
شباب الطير عندي يسكر جناحه شوي عالعلف حرييييييص بس مايضرب ولاينقل بس يسكر شوي عالخفيف ابي الحل شلون هالطبع يروح مع العلم ما اسحب منه العلف ولا كنت مقصر عليه توني مبلش اقصر عليه حق الدعو اتمني من الاخوان انهم يفيدوني ويفيدون اخوانهم وشكرا

[الحمش1]

والله ياخوك مادري


انا طيري كذا بس طيري اذا علفته يمسك الكف ويكافخ لي مره ابي امصطه

[عواد الشمري2]

هلا بك
فيه مثل يقال
اخبث للطير يطيب يعني عامل الطير بخبث
وكونك تقول خايف على العلف دليل ان العلف يسحب منه سحب ولا خله ينسر على ايدك ولا تعطيك كل العلف مره وحد حك العلف بيدك وعلفه اول ماهو الراس وعقب الصدر وشوي شوي تطلع من ايدك وذا هديت له شي لزم تخليه ينسر شوي منه يما راس ولا بتالي ينتف ولا تسحبه سحب غطه بشليلك لين يتركه
وانتمنا اني فدتك وعذرني عن القصور والخوان بهم الخير والبركه

[قلب ذيب]

اخبث للطير يطيب يعني عامل الطير بخبث؟؟!
هذا المثل غير مقبول في عالم الصقاره مع تقديري لك الاخ/عواد الشمري2 .
.. الطير يحتاج الى فطنه وصبر, ولابد لكل من يتعامل مع الطير ان يدرك ذلك, وربما تكون هناك عيوب مكتسبه في الطير من مالكه الاول , وهو مايعفي مالكه الحالي من المسئوليه عنها, لكن يظل الصقار القادر على تخليص الطير من تلك السلبيات هو الصقار المحترف العارف المدرك لكيفية التعامل مع الطير .
( كوشه بسيطه ) ليست بعذروب وربما يكون الطير ناقض وجائع لذلك فهو حريص على التكويش والاحتفاظ بالعلف
وربما يكون بالقرب منه طير أخر فهو خائف منه ويخاف ان يهاجمه الطير كذلك ربما يكون العلف قليل ويعتقد الطير في تلك الحاله بأن العلف لن يكفيه! ويخاف ان يؤخذ منه . تأكد من تلك الحالات والله يوفقك .

[فهد الدقباسي]

اخوي اول شيىء تاكد ان مافي شيىء فوق الطير

و2- لاتقصر ع الطير بالوقت هذا لان الجو برد وطير يصرف بسرعه

و3- لاتسحب العلف بالقوة وعط الطير ع الاقل ثندوه

وان شاءالله افدتك

[AK-VTC]

اخوي الحمش شويشوي عالطير ههههه
اخوي عواد الشمري الطير الله يسلمك لابد من معاملته برفق عشان لاتخرب طبعه لان الطير يستنكر وبعدين يتنكر عليك
اخوي قلب الذيب وفهد الدقباسي جزاكم الله خييير ماقصرتوا

[مغاتير]

اخوي الغالي التكويش طبع يتطبع فيه الطير من وهو فرخ عند صاحبه الاول
وينتج عن اسباب واج تقصير علي العلف سحب علف تجفيل الطير انه يجيه بسرعا راعيه
ومايكرمه راعيه ان جاوب معه الطير عندك حل واحد يمكن فيد مع التكرار وقت علف الطير لا شفته مو متبهلك
حاول تضف جنحانه بيد شوي شوي يعني تعوده انه مايفتح جنحانه وقت العلف وان شاء الله انه تفيد في بعض
الطيور

[AK-VTC]

اخوي مغاتير يعطيك العافيه ماقصرت

[الحر503]

افادوك الاخوان,,مثل ما قالو يمكن اخذ طباع صاحبه الاول والله يعينك

[مقناص الكويت]

اخوي اذا طيرك فرخ لا تنزله حيييل ترى الفرخ مايتحمل راح يكوش .!!

واذا عطيت الطير العلف وتبي تعزله حاول تحط معك رجل حمامه او رجل فريه او مشابه قطعه صغيره من الحم

وخله يمسكه وياكل وسحب العلف الثاني برفق وخشه لا يشوفه خله ياكل رجل او قطعة الحم ولا تبرقع االطير بعد العلف خله يشوف انه العلف الي ياكله خلص لا تخليه يعرف انك انت اخذته وحاول وانت تعلفه تمسح علي اظهره ولا تشاغل الطير علي العلف خله ياكل لين ماتبي تعزله وسوله الطريقه الي قلتلك عليه

وحاول انك تعلف الطير بالمجلس او داخل البيت بين العالم علي يدك وخله يشوف الي رايح والي جاي وان شاء لله تشوفه معاد ينشد عنك وفالك الخرب