ساهر البرق
05/11/2011, 10:14 AM
في الحقيقة اعجبني اسلوب راعي العجرا وذكرني بواحد راعي سوالف فكاهية وطريفة.
وابي اقص لكم قصة قالها لي مرت علية قبل تقريبا ثلاثين سنه ايام التعصب بين الانديه الرياضيه, وصاحبنا والله مايدري وش الكوره ولايعرف لانصر ولا هلال ..يقول مرة بغيت اسافر الا والله سيارتي كان فيها عطل وماتساعد على السفر يقول قلت مافيه الا سيارة اخوي الصغير مازدا 79 على كيفك اخر مديل ..يقول واخذ المازدا واسمي بالرحمن يقول يوم مشيت مسافة الا راعي ذيك الددسن يوم طقني بلحوق و حط الصدام في الصدام (يطرد) يقول قلت هذا والله البلشة هذا يمكن مشلح والا فيه بلا ياولد ادعس وخله يقعد يقول الرجال موتره صاروخ شوي يوم تجاوز وصار في جنبي ويميل علي يبي قلبني
واتفاداه باعجوبة يقول وهو يلحقني ويحط موتره بجنب موتري ويلتفت علي ويقعد يسب ويشتم ..يقول و يوم ارتفع ضغطي قلت ماعاد فيها ياولد وقف والي عند الله عنده اما ذبحته والا ذبحني يقول يوم نزلت عليه لاهو في سيارته يطالع في ومانزل قلت بس الرجال
اكيد انه خاف بس وره العين الحمرا يقول وافتح الباب عنه واسحبه ابى آطا في بطنه عقب اللي شفته منه يقول يوم سحبته من السياره الا يو طاح على الارض وهو يصيح تكفا تكفا انا (مشلول) قلت يومنك مشلول وش تبيبي من الصبح وانت تطردني وتحدحدني امر الله علاك وشنهو قال ياولد انا شفت شعار نادي الهلال على سيارتك وانا اشجع النصر .يقول قلت الهلال !!!النصر!!! النصر ويش والهلال الله لا ي*****يالي فيك مايخطيك ,يقول قلت امش معي للشرطة والله لتعالم الحبس يوم الله اليوم يقول يوم فكرت لاوالله اني لو خليته يروح على سيارته يبى يهج ويخليني يقول قلتله امش معي على موتري
قال انا مقدر امشي شلني يقول وانا اشتاله ...ثقيل ماينشال يقول وابلش في باب السياره ابى افتح الباب ومعافر لين فتحت الباب وانا شايله لين ركبته في سيارتي ...شوي الا عند المركز حق الشرطه يقول قلت يالله انزل قال انا مشلول مقدر انزل يقول قلت خلك هنيا لين اجيك ..يقول وانا انزل يوم جيت عند الضابط حق القسم يقول واعلمه بالقصة قال هو وينه
يقول قلت في السياره عند الباب قال الضابط رح هاته يقول قلت يابن الحلال شف واحد من العسكر يجيبه انا شكاي وخصمي عند الباب قال ماعندي احد رح هات الرجال يقول قلت هذي والله البلشه المشكله الدرج والضابط في الدور الثاني يقول والله مير اروح واشتاله
واجي داخلن المركز وانا شايله والناس يتفرجون يقول الي يضحك والي ينشد الي في جنبه يقول لين دخلته على الضابط يقول ونا ارزحبة فوق المكتب ماكودة على الله اوصله .يقول والله مير ياخذون اقواله وياخذون عليه تعهد ,قال الضابط يالله اخذ خصمك ورده مكانه الي جبته منه يقول قلت والحبس انا جايبه عشان تاخذون عليه تعد وتفكونه؟ قال انت ماتعلمنا شغلنا الرجال اخذنا علية تعهد واذا تعرضلك مرة ثانية تعال وحنا نتصرف معه وهالحين خذ خصمك وده سيارته يقول قلت مااوديه سيارته ولالي دخل فيه قال الضابط توديه سيارته ولا احطك في الغرفة يالله وده سيارتة مثل ماجبته يقول واشتاله صار علي عقوبه مغير اشيله واحطه ..يقول واوديه سيارته يوم حطيته في سيارته يقول وهويفحط في وجهي يقول الحصى من فوق راسي..:mad:
هذي قصة خويي ارجو ان تنال اسحسانكم وان لااكون ثقيل على قلوبكم.
وابي اقص لكم قصة قالها لي مرت علية قبل تقريبا ثلاثين سنه ايام التعصب بين الانديه الرياضيه, وصاحبنا والله مايدري وش الكوره ولايعرف لانصر ولا هلال ..يقول مرة بغيت اسافر الا والله سيارتي كان فيها عطل وماتساعد على السفر يقول قلت مافيه الا سيارة اخوي الصغير مازدا 79 على كيفك اخر مديل ..يقول واخذ المازدا واسمي بالرحمن يقول يوم مشيت مسافة الا راعي ذيك الددسن يوم طقني بلحوق و حط الصدام في الصدام (يطرد) يقول قلت هذا والله البلشة هذا يمكن مشلح والا فيه بلا ياولد ادعس وخله يقعد يقول الرجال موتره صاروخ شوي يوم تجاوز وصار في جنبي ويميل علي يبي قلبني
واتفاداه باعجوبة يقول وهو يلحقني ويحط موتره بجنب موتري ويلتفت علي ويقعد يسب ويشتم ..يقول و يوم ارتفع ضغطي قلت ماعاد فيها ياولد وقف والي عند الله عنده اما ذبحته والا ذبحني يقول يوم نزلت عليه لاهو في سيارته يطالع في ومانزل قلت بس الرجال
اكيد انه خاف بس وره العين الحمرا يقول وافتح الباب عنه واسحبه ابى آطا في بطنه عقب اللي شفته منه يقول يوم سحبته من السياره الا يو طاح على الارض وهو يصيح تكفا تكفا انا (مشلول) قلت يومنك مشلول وش تبيبي من الصبح وانت تطردني وتحدحدني امر الله علاك وشنهو قال ياولد انا شفت شعار نادي الهلال على سيارتك وانا اشجع النصر .يقول قلت الهلال !!!النصر!!! النصر ويش والهلال الله لا ي*****يالي فيك مايخطيك ,يقول قلت امش معي للشرطة والله لتعالم الحبس يوم الله اليوم يقول يوم فكرت لاوالله اني لو خليته يروح على سيارته يبى يهج ويخليني يقول قلتله امش معي على موتري
قال انا مقدر امشي شلني يقول وانا اشتاله ...ثقيل ماينشال يقول وابلش في باب السياره ابى افتح الباب ومعافر لين فتحت الباب وانا شايله لين ركبته في سيارتي ...شوي الا عند المركز حق الشرطه يقول قلت يالله انزل قال انا مشلول مقدر انزل يقول قلت خلك هنيا لين اجيك ..يقول وانا انزل يوم جيت عند الضابط حق القسم يقول واعلمه بالقصة قال هو وينه
يقول قلت في السياره عند الباب قال الضابط رح هاته يقول قلت يابن الحلال شف واحد من العسكر يجيبه انا شكاي وخصمي عند الباب قال ماعندي احد رح هات الرجال يقول قلت هذي والله البلشه المشكله الدرج والضابط في الدور الثاني يقول والله مير اروح واشتاله
واجي داخلن المركز وانا شايله والناس يتفرجون يقول الي يضحك والي ينشد الي في جنبه يقول لين دخلته على الضابط يقول ونا ارزحبة فوق المكتب ماكودة على الله اوصله .يقول والله مير ياخذون اقواله وياخذون عليه تعهد ,قال الضابط يالله اخذ خصمك ورده مكانه الي جبته منه يقول قلت والحبس انا جايبه عشان تاخذون عليه تعد وتفكونه؟ قال انت ماتعلمنا شغلنا الرجال اخذنا علية تعهد واذا تعرضلك مرة ثانية تعال وحنا نتصرف معه وهالحين خذ خصمك وده سيارته يقول قلت مااوديه سيارته ولالي دخل فيه قال الضابط توديه سيارته ولا احطك في الغرفة يالله وده سيارتة مثل ماجبته يقول واشتاله صار علي عقوبه مغير اشيله واحطه ..يقول واوديه سيارته يوم حطيته في سيارته يقول وهويفحط في وجهي يقول الحصى من فوق راسي..:mad:
هذي قصة خويي ارجو ان تنال اسحسانكم وان لااكون ثقيل على قلوبكم.