اسباب ارتفاع اسعار الاضاحي

[عويل الذيب]

بسم الله الرحمن الرحيم
ياجماعة الخير الان نرى اسعار الاضاحي في كل سنة تزيد اسعارها هل هناك اسباب لهذه الزيادة

[«نجم الخير»]

فيه غير الجشع

[عناز الحره]

والله يالغالى موضوع رائع صراحه وجااا فى وقته
ولاكن نسمع من بعض رعاة الاغنام يقولك هى عمليه طرديه يعنى كل مارتفع الشعير والعلف نرفع الغنم
عشااان نغطى مصروفهااا
ولاكن هذا شى غير مبرر بالنسبه لى انااا وارى انه جشع الله لايبلانااا الخروف وصل 1900 و1850 والله مصيبه
والله انى اذكر الخروف اللى مايشيلونه اربعه بـــ600 ريال


وياااخوفى يجى زمااان الخروف تاخذه نضااام تأجير منتهى بالتمليك وغير تجيب كشف ثلاث شهور بالراتب
واستقطاع من البنك اللى راتبك عليه
والقير التماتيك يختلف عن القير العادى
وفتحة سقف ومثبت سرعه
ههههههههههههههه

[من البدائع]

السبب الرئيسي

وقف الاستيراد من بعض الدول وخاصه سوريا

اما ارتفاع الشعير هذا سبب لنزول الاسعار وليس ارتفاعها لان صاحب الحلال يبي يتخلص منها بدل أعلافها

[عويل الذيب]

ههههههههه حوه يا عناز الحره
وبالنسبه لرتفاع الشعير راعي الحلال يقول
انه شاري الشعير غالي وبيبيع الذبيحة بغالي عشان يكسب مع اني ما اضن فيها مكسب

[التلقيمه]

اولاَ السلام عليكم


وكل عام وانتم بخير

والله ياجماعه اتوقع مو كل الدعوى جشع

الوضع كله غالي

اشوف واحد بالسوق جالب الفحل سداس طيب قلت غريبه جالبه قال والله ياوليدي هذا اخر الحلال قضيناااا وتعبنا ودجينا

[العميد ابواروى]

الغلاء الحاصل ليس له دخل في اسعار الاعلاف
والدليل انه في وقت الربيع و اواخر فصل الربيع السعر نفسه
ما يتغير ابد
والماضوع يحتمل على العرض والطلب

[جبل راف]

كله من ذنوبنا
الله ابتلانا بالغلاء

وليتها بس على الاضاحي كل شي ارتفع سعره

سيارات
اراضي
بيوت
مواد غذائية
ملابس

كل شي غالي

الله يفكنا من جشع التجار

[عناز الحره]

الله المستعان

[مطيع الرحمن]

أخي الفاضل سبق وذكرت في موضوع ذو صلة أن السبب الرئيس لارتفاع الأسعار هو وقف أو تقنين استيراد المواشي،

ولا تظن أن وقف استيراد النعيمي مما جعله غير متوفر بكثرة هو سبب ارتفاع الاسعار فحسب..

بل حتى وقف استيراد الاسترالي على سبيل المثال له تأثير كبير على السوق،،،،لأن غالبية الاستهلاك الكبير يأتي من الجزارين والمطاعم والأسواق الكبيرة وهي تستهلك هذا النوع ،،،وعند وقفه سيلجأؤون إلى خيارات أخرى مما يؤثر على اسعار بقية المواشي.

أما بالنسبة لمن يقول أن ارتفاع أسعار الأعلاف يأدي لرخص الأسعار فهو تشخيص غير دقيق،،،لأن هذا يحصل لصغار التجار ومحدودي الامكانيات،،،،فيبيعون مواشيهم إلى الأقوى على مجارات ارتفاع الأسعار ،،،وبهذا تتركز المواشي في أيدي متمكنة تسيطر على السوق وتفرض الأسعار خاصة في المواسم.

فالحل من شقين

فتح باب الاستيراد من كل أنحاء العالم طيلة العام
دعم الأعلاف بقوة ،،،،هذا يأدي إلى دعم مربي الماشية المحليين ومقدرتهم على المنافسة

وفقك الله

[ولد وايل]

السبب الرئيسي

وقف الاستيراد من بعض الدول وخاصه سوريا

اما ارتفاع الشعير هذا سبب لنزول الاسعار وليس ارتفاعها لان صاحب الحلال يبي يتخلص منها بدل أعلافها

التصاريح لفيئه معينه فقط

بالقليل

لو يفتح لكل مواطن ويتم فحص كل حيوان بـ 10ريال لمدى صلاحيته كان ارتحنا


بس تعرفون كلكم السبب

[دل البحار]

المعاصي تزيييييييييييل النعم

[ناوي يهاجر]

السبب الرئيسي

عدم المراقبة

المفروض يحددون سعر الكيلو وكل واحد يبيع يحط عنده ميزان لجل يوزن وكل واحد يختار وزن ذبيحته حسب استطاعته

ويكون تحديد السعر بوقت الأعياد ووقت هطول الأمطار ووقت ارتفاع الأعلاف بأنواعها بس اهم شي
يحددون سعر الكيلو

بس ما عندك احد

وعلى فكره مو بس المواشي ترتفع حسب مزاج التاجر لا كل شي يلعب فيه بالأسعار

بس خله على ربك

[رٍسِـــلآنٍ ٱلدُفُــٱع]

سيطره بعض النافذين على عمليات الاستيراد وتحكمهم بالاسواق هو السبب .. البلد تحولت الى رأس ماليه والكبير ياكل الصغير ... اما اعلاف ما اعلاف مالها دخل

[عفلشن بلو]

بسم الله الرحمن الرحيم

والله يا جماعة الخير انا كوجهة نضري اذا تبوون الحلال يرخص طالبو بترخيص الاعلاف

ايام كان تنباع الذبيحه بــ 600 و700 كان البرسيم بــ 10و12 والتبن بــ4ريال الشعير بــ 10 ومن السير بـ8.50 ثمانيه ونص

الحين البرسيم بــ32 و35 والقصب بــ25 والتبن بــ20 والشعير بـ38و40 ووصل 55 وانا رحت السوق ايام ازمة الشعير وشفت بعيني والله الناس يتضاربوون مضاربه على الشعير

واذا الواحد ما اكرم حلاله وطليانه ما بتنباع انتو لو جيتو بتاخذوو ذبيحه ما تاخذوو غير الشي السمين والطيب

وهو عشان يخلي اطليانه طيبه بيطر يكرمها عشان يكسب والله اعرف ناس كثيره بيعت حلالها بسبب مو قادر ياكلها

وكل شي غلي زمان كان الواحد يدخل السووبر بــ300 يشتري الي يبيه ويبقى معاه دراهم

الحين تدخل بـ 1000 ويمكن ما تجمل في ناس كثيره ماعندها شغل ومقابله حلالها يسترزق من وراه

حتى الكفرات حقت السيارات زادت 100% هاذا جشع من التجار راعي ما بيده شي يشري من التجار مثله مثلك

انت تشتري للبيت وتقوول الاسعار غلية هو غلي عليه مقاضي البيت وعلف حلاله غلي عليه بعد وش تبيه يسوي

يبيع برخيص ويخسر


واحنا سبنا التجار الي رفعو الرز والمواد الغذائيه ومسكنا في ذا راعي الحلال ماقدرنه على التجار نبي نحط حرنا في راعي الحلال

ليش مانطالب بترخيص اسعار الشعير والبرسيم والاعلاف حتى الوافي الي جابوه وقالو بديل للشعير مو مثل الشعير وسعره مثل الشعير مافرق شي والوافي يسود بلحمة الذبيحه لعلمك

وبعدين ترا ايام الربيع الطليان مايخلوها اصحاب الحلال تاكل من الربيع كثير لان الربيع كثره يسهل بالحلال
ويضعفه عشان كذا يعزلو الطليان ويعلفونها غير عن الحلال

الله يقدم الي في الخير للجميع

تحياتي لكم

[اجااا]

لا رقيب ولا حسيب اكيد يبي يضحون بنا
قبل يضحابهم والطمع له دور بعد
الله لا يبلانا قولو امين ويصلح الحال

[أبو مروة...]

جشع التجار من متى الاغنام اسعارها تتعدى الـ2000

[صاحب مبدا]

تبوون السبب الرئيسي من غلهاا هو ان كل سنة تنقص الغنم بمملكة وهذا انقص مؤكد من المزكي قال كل سنة تنقص الغنم

[عنيزاوي 666]

السلام عليكم كل عام وانتم بخير انا ما الوم بعض الموجودين الانه ما جرب يا اخي انا اربط 200 راس نجدي كم اصرف عليها خلال 6 شهورمع ارتفاع الاعلاف مع راتب عامل 1000 هاذي 6000 ريال بس للعامل وانا مشتري 900 ريال للراس كم تبين ابيع 1000 او 1200 وين حق الاعلاف والادويه والتعب وبالنهايه تبين اطلع بمكسب 2000 ريال خلال ست شهور تكلمو بالمعقول يا جماعه حنا اصحاب الحلال نعاني من ارتفاع الاعلاف

[الصمصامه]

المشكلة في الغنم المحلي فقط لان الطلب مركز عليه بدليل ان اسعار المستورد في متناول الجميع ساكني بربري وماعز افريقي وشكله مغري..اذن المستورد ما فيه مشكله الا في النعيمي من سوريا الذي يبدو انه اقل بكثير من العام، بسبب الاحداث؟ (الله اعلم).. وهذا بدوره فاقم مشلكة الطلب على النعيمي البلدي..
بالنسبة للمحلي النجدي، فمن المعتاد ان النجدي الكبير يكون غالي فوق 2000 ريال على مدى السنوات الماضيه ،والي يشتريه اصلا يدوره ويجي يقول وين الغالي لانه عنده فلوس وقف ووصايا ويبيها في الافضل وكذلك الشيوخ يبونه..
الاعلاف غالية جدا وكذلك الرواتب فالمربي في البر يدفع اقل شيء 1500 ريال والمشكله ان صغار المربيين باعوا بالجمله قبل العيد للشريطية الاجانب خلال العام عشان يعلفون النعاج المنتجه والتي يبدو انها في طريقها للزوال،وطبعا الشريطية السودانية يشترون باسعار معقوله من اكثر المبيين ويبالغون في الاسعار بشكل مو طبيعي في الموسم، والمحزن رأيت كثير يبيع ضأن اصغر من ستة اشهر ويحلف انه يضحي وربعك كما تعلمون صاروا اهل دجاج ما يعرفون..


طبعا اللي تلاعب بالاعلاف هو من تسبب في انقطاع الشعير لاشهر وترتب عليه ارتفاع جميع الاعلاف بالاضافة الى ان الغنم المستورد حسب الاستراتيجيه الجديده صار ينافس الغنم المحلي في اكل البرسيم اللي يزرعه الافغاني والباكستاني ويستهلك اضعاف كميات الماء اللي كان يستهلكه مزارع القمح السعودية اللي ايضا ينتج التبن والنخاله في نفس الوقت.. مصنعي الاعلاف الذين ضايقهم اصرار مربين المواشي المحليين على الشعير بدل مكعباتهم التي تكلف الدولة اكثر بكثير من الشعير..يقولون انهم رافعين استراتيجية تنمية الثروة الحيوانية للمقام السامي وفيها يدعون ان 16 مليون من 18 مليون من القطيع المحلي يملكها مربيين تقليديين (يعني بدو) ويبون ياخذونها علشان يصيرون المربين غير تقليديين (يعني تجار جشعين)، عاد هل لهم دور في النقص اللي صاير في الغنم المحلي لتأكيد الحاجة لتسليمهم القطيع؟ ما ادري.. لكن يمكن انهم كانوا يجمعون نعاج الضعوف اللي باعوها خلال العام الماضي بتراب الفلوس بسبب اختفاء الشعير وغلاء باقي الاعلاف.. يعني يستعدون للموافقة على الاستراتيجيه حقت تنمية الثروة الحيوانية مثل ما صنعوا يوم استراتيجية صناعة الاعلاف قبل كم سنة، اللي كانت تزعم انها ستوفر علف محلي بدلا من استيراد الشعير، فاذا بالدولة تستورد لهم شعير مع 16 سلعة اخرى كلها مدعومه مدخلات لمكعباتهم الخايسه..

يبدو ان تجار الغرف التجاريه المتحدين في لجان مؤثرة على قرارات الوزارات ذات الصله يقصدون بدعم صغار التجار عيالهم الصغار..

[التعـ King ـديل]

السبب الجشع والطمع والبحث عن اعذار مثل غلاء الشعير وغيره ومنع الاستيراد من الخارج

عزيزي طالما مافي رقابه وكلن يبيع على كيفه لا حسيب ولا رقيب لاتتنظر مطر ولا تستغرب لو شفت عروض التقسيط على الذبايح

[aser99]

سبب الغلاء الشريطيه

[الصمصامه]

المشكلة في الغنم المحلي فقط لان الطلب مركز عليه بدليل ان اسعار المستورد في متناول الجميع ساكني بربري وماعز افريقي وشكله مغري..اذن المستورد ما فيه مشكله الا في النعيمي من سوريا الذي يبدو انه اقل بكثير من العام، بسبب الاحداث؟ (الله اعلم).. وهذا بدوره فاقم مشلكة الطلب على النعيمي البلدي..
بالنسبة للمحلي النجدي، فمن المعتاد ان النجدي الكبير يكون غالي فوق 2000 ريال على مدى السنوات الماضيه ،والي يشتريه اصلا يدوره ويجي يقول وين الغالي لانه عنده فلوس وقف ووصايا ويبيها في الافضل وكذلك الشيوخ يبونه..
الاعلاف غالية جدا وكذلك الرواتب فالمربي في البر يدفع اقل شيء 1500 ريال والمشكله ان صغار المربيين باعوا بالجمله قبل العيد للشريطية الاجانب خلال العام عشان يعلفون النعاج المنتجه والتي يبدو انها في طريقها للزوال،وطبعا الشريطية السودانية يشترون باسعار معقوله من اكثر المبيين ويبالغون في الاسعار بشكل مو طبيعي في الموسم، والمحزن رأيت كثير يبيع ضأن اصغر من ستة اشهر ويحلف انه يضحي وربعك كما تعلمون صاروا اهل دجاج ما يعرفون..

طبعا اللي تلاعب بالاعلاف هو من تسبب في انقطاع الشعير لاشهر وترتب عليه ارتفاع جميع الاعلاف بالاضافة الى ان الغنم المستورد حسب الاستراتيجيه الجديده صار ينافس الغنم المحلي في اكل البرسيم اللي يزرعه الافغاني والباكستاني ويستهلك اضعاف كميات الماء اللي كان يستهلكه مزارع القمح السعودية اللي ايضا ينتج التبن والنخاله في نفس الوقت.. مصنعي الاعلاف الذين ضايقهم اصرار مربين المواشي المحليين على الشعير بدل مكعباتهم التي تكلف الدولة اكثر بكثير من الشعير..يقولون انهم رافعين استراتيجية تنمية الثروة الحيوانية للمقام السامي وفيها يدعون ان 16 مليون من 18 مليون من القطيع المحلي يملكها مربيين تقليديين (يعني بدو) ويبون ياخذونها علشان يصيرون المربين غير تقليديين (يعني تجار جشعين)، عاد هل لهم دور في النقص اللي صاير في الغنم المحلي لتأكيد الحاجة لتسليمهم القطيع؟ ما ادري.. لكن يمكن انهم كانوا يجمعون نعاج الضعوف اللي باعوها خلال العام الماضي بتراب الفلوس بسبب اختفاء الشعير وغلاء باقي الاعلاف.. يعني يستعدون للموافقة على الاستراتيجيه حقت تنمية الثروة الحيوانية مثل ما صنعوا يوم استراتيجية صناعة الاعلاف قبل كم سنة، اللي كانت تزعم انها ستوفر علف محلي بدلا من استيراد الشعير، فاذا بالدولة تستورد لهم شعير مع 16 سلعة اخرى كلها مدعومه مدخلات لمكعباتهم الخايسه..

[انس الحارثي]

السبب الرئيسي

عدم المراقبة من فروع البلديات واهمال من وزارة النجارة اقصد التجارة
اسغلال واضح للمواطن في ظل صمت الجميع
طيب اللي يقول ان الاسباب خارجية لماذا لاتزيد الرواتب حتى يستطيع المواطن تغطية العجز
لكن ارتفاع غير معقول في اسعار كل شئ والرواتب محلك راوح
ياناس ارحمونا وارحمو عقولنا