المساعد الشخصي الرقمي

مشاهدة النسخة كاملة : راكب اللي صممته الولايات


google1
14/02/2006, 10:58 PM
هذه قصيدة للشاعر المعروف سعد بن جدلان الأكلبي عسى أن تحوز على رضاكم
مع العلم بأن القصيدة أطول من كذا بس هذا اللي انا حافظة
وإليكم القصيدة


راكب اللي صممته الولايات=اللي مريكا بالمصانع تصبّه
تصميم شركة كلاهان الخواجات=ومورده من نيويورك ومصبّه
أكبر مكينه صقّطت بالونيتات=خمسه صفر واحد دبه ودبّه
مايصدر إلا عن طريق الوزارات=اللي مديرها حلف وعاهد بربّه
وخذته الواصطة بكل الوسيلات=وقيل ياسواقه اخذه وظبّه
ازهم تراه مخصصاً للقطاعات=نوع سبشل ماكل خبلاً لعبّه
ولما فتح بابه وعطوه السبيرات=شغّل وللماء مع قزوزة يصبّه
قام يتسمّع وش تقول القزوزات=ليهي تقول أبغاك مامه وببّه

سعد بن جدالان الأكلبي
مرووع القميري
15/02/2006, 02:31 AM
قصيدة جميلة أخي العزيز

يعطيك العافية ومشكور على النقل
راعي عريان
17/02/2006, 02:43 PM
السلام عليكم
اخوي فهد مشاركتك ممتازه
خاصةً ان القصيده لشاعر المتميز
المتمكن الشاعر بن جدلان الأكلبي
وتسلم على هل مشاركه
خالد - الخرج
17/02/2006, 04:48 PM
السلام عليكم

مشكوووووووووووووووووووور
بس لو تعدل العنوان
راكب الله

وشكراً

تحياتي
خالد - الخرج
جبل مشرف
17/02/2006, 05:01 PM
مشكور على القصيدة الجميلة تسلم وراعيها ومن قراها
عدل العنوان الله يحفظك
شبح الصحراء
17/02/2006, 05:13 PM
صح لسان الشاعر ويسلم القايل ، قصيدة جميلة عدا البيت الأخير "قام يتسمّع وش تقول القـزوزات ليهي تقول أبغـاك مامـه وببّـه" ما اعجبني .
كانوا الناس أول يقصدون بالخيل والإبل من فرط عشقهم بها ثم مع بروز السيارات الحديثة وإقتنائها أصبح الكثير يتغنى بموتره ويطلق عليه أقوى الصفات ، طبعاً هذه الظاهرة اختفت ويا ليت نسمع بدل قصيد الغزل الفارغ قصيد حقيقي في المواتر ، انا عن نفسي لو أحب موتري كثير كان كتبت عنه أبيات بس للأسف ما فيه ولا مرة حبيت واحد من مواتري الأوله ولا التاليه :redcar: :confused: .
أبومناحي
18/02/2006, 03:27 PM
صح لسانك أخوي وتسلم على الذوق

ومن أراد أن يسمع القصيدة وغيرها يشتري شريط حورنيات 1
ابو العنود
29/03/2006, 01:16 PM
قصيده ماعليها عزا لله غبار
صح لسان من قالها ومن كتبها لو انها ناقصه
تحياتي 0000
قناص تميم
29/03/2006, 01:36 PM
صح لسانك وجزاك الله خير على القصيده وشكراً
خشيم الذيب
12/04/2006, 12:46 AM
صح لسانك أخوي وتسلم على الذوق

ومن أراد أن يسمع القصيدة وغيرها يشتري شريط حورنيات 1


ياخوي وش دخل حورنيات في قصيد سعد بن جدلان يعني دعاية بالقوه:no2:







:p
ابـ معزي ـو
14/04/2006, 01:16 AM
صح لسانك ولا هنت

وجزاك الله خير

اخوك
ابو معزي
الحضري
14/04/2006, 02:41 PM
صح لسانك انت والشاعر الكبير الاكلبي





في حفظ الله
ولد المزاحمية
14/04/2006, 02:44 PM
لسانك وبدنك وكلك صحيح
آآآآآآآي


مشكورين