مشكلة امبير (مؤشر) البنزين nissan vtc 2003

[vetec 2003]

مرحبا بالجميع
انا و خوي لي عندنا نيسان 2003 فتك سفاري عندنا مشكلة و حبيت اطرحها معاكم عسى تفيدونا و غيرنا يستفيد من حل المشكلة و هي امبير ( مؤشر ) البنزين
المشكلة ان قسام البنزين ما يولع و لا يحول من الخزان الصغير الى الكبير و المشكلة الاكبر ان الأمبير للخزان الكبير ما يعطينا قراءه صحيحة و نشوف الامبير يلعب لوحده و خاصة اذا قرب البنزين من الخزان يخلص
رحت الوكالة قالوا اول مرة غير طرمبة البنزين و غيرناها و صار القسام يشتغل تقريبا شهرين و بعدها رجعت المشكلة حاولوا يمين يسار و شكلهم توهقوا و في الاخير قالوا غير الطبلون كامل لان المشكلة في الامبير نفسه و الامبير ما يتغير لوحده لازم تغير الطبلون كامل ( عداد السرعة و الحرارة و سرعة دوران العمود و مؤشر الخزانين ......الخ و اللمبات اللي تطلع فيه طبعا )
قلت لهم كم سعره قالو 4500 ريال سعودي و يجي طلبية و بعد التخفيض بينزل شويتين
و السؤال الان هو هل صحيح لا يوجد تصليح لمؤشر البنزين ولازم يتغير الطبلون كامل ؟

ياليت احد من الربع الله لا يهينكم يدلنا على حل اذا احد صارت له هالمشكلة او يدلنا على ورشة محترمة ينصحنا بها في الرياض و الشرقية او مكان تشليح نبدل عنده هالطبلون او نغير مؤشر البنزين

لا هنتوا

[شحرور الدهنا]

المشكله وبختصار عيب مصنعي من كل الباترول الفتك كذا نفس المشكله وانا عندي نفس المشكله وتصليحها ب٥٠٠ريال عند ورشة التركي وشغلة عشر دقايق بس واللي يقولك افصل البطاريه غير الكتاوت ماراح ينفع الحل عند ابو صالح التركي وفيه ورشات بالقصيم يسوونها بنفس السعر بس ماعرفهن والله لاتشيل هم ابد والا تروح ورشات ويفكون ويركبون ويخربوط ويحوسون عليك الموتر وهي اصلن لذعة لحام بالطبلون وبس وب٥٠٠ريال لاكن الشكوى لله ولا طبلون كامل بذيك القيمه
وكل عام وانت بخير×

[ALBDRANE]

ورشة التركي متخصص في الشغلة لا تعداهم

[اتجاه السحاب]

الله يكون بعونك ان كانك بالقصيم عندك ورشه العثيم

[vetec 2003]

المشكله وبختصار عيب مصنعي من كل الباترول الفتك كذا نفس المشكله وانا عندي نفس المشكله وتصليحها ب٥٠٠ريال عند ورشة التركي وشغلة عشر دقايق بس واللي يقولك افصل البطاريه غير الكتاوت ماراح ينفع الحل عند ابو صالح التركي وفيه ورشات بالقصيم يسوونها بنفس السعر بس ماعرفهن والله لاتشيل هم ابد والا تروح ورشات ويفكون ويركبون ويخربوط ويحوسون عليك الموتر وهي اصلن لذعة لحام بالطبلون وبس وب٥٠٠ريال لاكن الشكوى لله ولا طبلون كامل بذيك القيمه
وكل عام وانت بخير×

تسلم تسلم طال عمرك كفيت و وفيت شحرور الدهنا و الله انك بردت نار شبوها في قلبي الوكالة الله لا يردهم وكل عام وانت بخير و سلامة
وياليت تتكرم و تقولي مكان الورشة او التلفون :good2: و لا هنت

[vetec 2003]

ورشة التركي متخصص في الشغلة لا تعداهم
تسلم البدراني و بيض الله وجهك و لو تتكرم انت او اخوي شحرور الدهنا بالعنونا لورشة التركي او اي ورشة تنعتنونا بها و لاهنت

[vetec 2003]

الله يكون بعونك ان كانك بالقصيم عندك ورشه العثيم


و يكون في عون الجميع و بكون في القصيم الويك اند و بمر الورشة باخذ رايهم او يمكن اتصل عليهم قواك الله يا غالي :good2: ولو عندك رقمهم بدون امر عليك سدحه هنا

[التعـ King ـديل]

راجع الخاص فيه كل التفاصيل اللي تبيها عن ورشه التركي واي خدمه حاضرين

[vetec 2003]

راجع الخاص فيه كل التفاصيل اللي تبيها عن ورشه التركي واي خدمه حاضرين



تسلم يا مشرفنا العزيز شفت الخاص و الله لا يحرمنا منك ولا من الاخوان كلهم و بيض الله وجيهكم يالربع و قري باتواصل مع ورشة التركي و العثيم و عسانا نحصل المراد عندهم ولا ذل الوكالة و اسعارهم و طوابيرهم

[تركي9977]

المشكله وبختصار عيب مصنعي من كل الباترول الفتك كذا نفس المشكله وانا عندي نفس المشكله وتصليحها ب٥٠٠ريال عند ورشة التركي وشغلة عشر دقايق بس واللي يقولك افصل البطاريه غير الكتاوت ماراح ينفع الحل عند ابو صالح التركي وفيه ورشات بالقصيم يسوونها بنفس السعر بس ماعرفهن والله لاتشيل هم ابد والا تروح ورشات ويفكون ويركبون ويخربوط ويحوسون عليك الموتر وهي اصلن لذعة لحام بالطبلون وبس وب٥٠٠ريال لاكن الشكوى لله ولا طبلون كامل بذيك القيمه
وكل عام وانت بخير×
:good::good::good::good::good::good::good::good::g ood::good::good:

[برايدوي عنيد]

مشكله الاسيات بتانكي الباترول
http://www.mekshat.com/vb/showthread.php?t=301693 (http://www.mekshat.com/vb/showthread.php?t=301693)

مشكله عداد البنزين في الباترول
http://www.mekshat.com/vb/showthread.php?t=286566

تقبل مروري...

[.أبوعبدالرحمن]

ينقل للقسم المخصص

[اتجاه السحاب]

ورشه العثيم ببريده ج/0554889118

[vetec 2003]

مشكله الاسيات بتانكي الباترول
http://www.mekshat.com/vb/showthread.php?t=301693 (http://www.mekshat.com/vb/showthread.php?t=301693)

مشكله عداد البنزين في الباترول
http://www.mekshat.com/vb/showthread.php?t=286566

تقبل مروري...


تسلم يا غالي روابط استفدت منها بالحيل اثرها مشكلة كلن يشتكي منها

[vetec 2003]

ينقل للقسم المخصص



صحيح و المكان هذا افضل و انسب للتقسيم و السموحة من هالخطا
قواكم الله

[vetec 2003]

ورشه العثيم ببريده ج/0554889118



مشكرو حبيبي على الدعم اللوجستي و عسى الله يقدم اللي فيه الخير
و اقترح على ادارة مكشات يتواصلون مه هالورش و يقدمون تخفيض حق اعضاء منتدى مكشات حتى يستفيدون ويفيدون و يصير استثمار