الفزعة يا اخوان مرش الطير اعزكم الله مو طبيعي

[falcon 1]

السلام عليكم ورحمة الله وبركاته
صبحكم الله بالخير اخواني
اولا نقول كل عام وانتم بخير وعيدكم مبارك وتقبل الله طاعتكم وعساكم من عواده ان شاء الله

شنذرنه طير واحد من الربع ..الطير حر قرناس عاشر ..ويطيح الطير ..كانه دخل في غيبوبوه وبحمد الله قام ...وشربنه حليب .لكن من بعد الشناذره الطير ما هو طبيعي ...يطير 200 متر ويوقع ..وتنفسه غير شوي ...احيانا اذا علف كانه يلعب مع العلف...والي صج مستغربين منه انه مرش الطير امس كان نفس البودر وامس بالليل كان اخضر فاتح واليوم اسود .

هذي صور للمرش اعزكم الله

المرش الي نفس البودر
(http://create-avatar.m5zn.com/])http://www.m5zn.com/uploads2/2011/11/6/photo/1106112311141jcyr4c2m4rnqw.bmp

الاخضر الفاتح
(http://create-avatar.m5zn.com/])http://www.m5zn.com/uploads2/2011/11/6/photo/110611231114ug7qbtjqzh8.bmp


والمرش الاسود ( اعزكم الله ) ما جتني صورته

وشرايكم يا اخواني ؟؟ نسال الله تعالى ان يشفي طير خوينه ويشفي طيور الجميع ويحفظه جميعا

اخوكم
فالكن 1

[اسلي نفسي]

الله يشفيه
يفيدونك الاخوان ذو الخبره
تقبل مروري

[صقار الشياهين]

لابد من بعد الشناذره اعطاء الطير كورس مضاد حيوي لان احيانا يكون الطير من قوه الشناذره يصيبه التهاب في فرسة الطير

[ولد السبع]

جعله مايشوف شر

انشا الله بس الطير شكله ماشرب ماء بعد الشناذره وعلى كذا اعطه حبوب الاتهاب عام

وذا ماتحسن وده للمستشفى


بس خل الماء منقع عنده دايم

[الهدهد]

السلام عليكم
بعد اذن اخوي فالكن١
الطير اخذ كورس مضاد حيوي ٥ايام
وشرب ماء والماء تحته على طول يطب ويشرب دايم

[راعي دهام]

.


ريّح طيرك يومين والاثلاث ايام وعطه فيتامينات عامه

واذا حولك عياده والا محل بيطري وده وافحصه ..

عسى الله يفك عوقه وتتنومسون به ..



تحيتي وتقديري ..







.

[الحر503]

افادوك الاخوان ,,,واحسن لك وده بيطري عشان تتاكد منتب خسران شي ,,تقبل تحياتي

[المري]

مرحبا اخوي فالكون 1

كل عام وانت بصحة وسلامة وجميع الاخوان

الله يشفي طيركم يارب

المرش الاخضر الله يكرمكم لازم تفحص الطير عند البيطري يمكن عند الطير مشاكل

في الرئة

لكن اصبر علي ابرسلها لدكتور امريكي هالحين وبيجي الرد

لحظااات

[falcon 1]

جزاكم الله خير بالربع ما تقصرون ، والله كريم ان شاء الله
يعطيك العافيه يا بو معيض والله كريم×

[عادل العيباني]

عطه لحم صافي بدون عضم ولازم يكون حار دمه يقطر وخل الماء عنده وفرع به اذا ما تغير لون المرش عليك بالمستشفى لان اغلب الطيور يغتث بعد الشناذر وما اقول الا الله يشفي طيرك وطيور المسلمين ويبارك لكم فيها وتقبل مروري

[falcon 1]

جزاك الله خير اخوي عادل ...بيض الله وجهك

[قرناس شماالي]

الله يشافي طيره وكل مسلم
لاكن يبي فتامين وغريبه تصير بطير وعمره عاشر