يوسف الخليفة1
07/11/2011, 04:13 PM
بسم الله الرحمن الرحيم
السلام عليكم ورحمة الله وبركاته
البارحه كن الحشا فيه الاوحاش=راسي على كوعي ونومي غطاريش
اخايل بروق الوسم كنها فلاش=لعلها تضحي علينا المراهيش
القاع ناشف والخلا مابه ادباش=والعود يابس والفلايح معاطيش
لفح الذواري بالوطا يقرش قراش=يشيل مع صفق الروابع قشاويش
الدو يخرع واسحم الذيب هتاش=ما يلقا قوت غذاه غير العراميش
حتا الجراذي عن مكامنها تنحاش=بين المذاري لزها كايد العيش
غصن العراد من الضما كنه الشاش=في عزلتن ما دوجوها الطراريش
يالله يا رافع مواكير الاعشاش=يا سايقن بالليل رزق الخفافيش
يا مطعم الداب العما بين الاحراش=يا مسقي ركاب الهشول الدراويش
باسبابك دقاق المخاليق تعتاش=يا جاعل النمل يخطي كنه الجيش
يا مسوي تراب الوطا كله فراش=ارسيتها باوتاد سودن مواحيش
لولاك عرق الزرع يا رب ما عاش=ولولاك خضر الدوح تمسي على ويش
يا منشي الامزان من موجة الطاش=يا رب تغشانا جهام الرشاريش
تزين صحرانا على كل مطراش=جنوب ابن هشبل لقبلة نقاريش
واسهولها تبذر كما نبت الاحباش=من الرعي ما يدرجون الحشاحيش
يوسف الخليفة ( أبو عبد الله )
السلام عليكم ورحمة الله وبركاته
البارحه كن الحشا فيه الاوحاش=راسي على كوعي ونومي غطاريش
اخايل بروق الوسم كنها فلاش=لعلها تضحي علينا المراهيش
القاع ناشف والخلا مابه ادباش=والعود يابس والفلايح معاطيش
لفح الذواري بالوطا يقرش قراش=يشيل مع صفق الروابع قشاويش
الدو يخرع واسحم الذيب هتاش=ما يلقا قوت غذاه غير العراميش
حتا الجراذي عن مكامنها تنحاش=بين المذاري لزها كايد العيش
غصن العراد من الضما كنه الشاش=في عزلتن ما دوجوها الطراريش
يالله يا رافع مواكير الاعشاش=يا سايقن بالليل رزق الخفافيش
يا مطعم الداب العما بين الاحراش=يا مسقي ركاب الهشول الدراويش
باسبابك دقاق المخاليق تعتاش=يا جاعل النمل يخطي كنه الجيش
يا مسوي تراب الوطا كله فراش=ارسيتها باوتاد سودن مواحيش
لولاك عرق الزرع يا رب ما عاش=ولولاك خضر الدوح تمسي على ويش
يا منشي الامزان من موجة الطاش=يا رب تغشانا جهام الرشاريش
تزين صحرانا على كل مطراش=جنوب ابن هشبل لقبلة نقاريش
واسهولها تبذر كما نبت الاحباش=من الرعي ما يدرجون الحشاحيش
يوسف الخليفة ( أبو عبد الله )