فزعتكم يالربع ( الموتر طاااااح عزمه )

[abu morya]

بسم الله الرحمن الرحيم


السلام عليكم ورحمة الله وبركاته


كل عام وأنتم بخير ,,,

*


*


*


*


*



عندي جمس حوض موديل ( 2006 ) ,,,

المهم دخلته الورشه قبل ثلاث أيام , غيرت طرمبة المويه , وطرمبة الزيت ,

والسيور والوجيه ,,,


المهم قالي الميكانيكي( غير البواجي ) ,,,

رحت وشريت بواجي ,,,

المهم يوم يفكون أسلاك البواجي ,,,

بعضها تقطعت لأنها كما يبدو عليها أنها ما انفكت من زمان وكان متيبسة ,,,

غيروا الأسلاك اللي تقطعت بأسلاك من عندهم في الورشة ,,,

ما أدري حقت أي سيارة ,,,

المهم في الموضوع أن الموتر الحين ( عزمه طايح ) ,,, ولا هو مثل أول ,,,

ما أدري هل للبواجي يد في الموضوع ,,,


تكفون شوفوا لي حل يا مكشاتية ,,,

[abu morya]

يتبع :

أو أسلاك البواجي ؟

أو شئ أخر ؟



لأن الموتر إذا حطيته في ( D ) كأني طالع طلعة من ثقل الموتر ,,,

[ك ط و 472]

اخوي اكيد من اسلاكهم دام انها ترهيم

خلذك من الوكاله وبس

[abu morya]

اخوي اكيد من اسلاكهم دام انها ترهيم

خلذك من الوكاله وبس


والله اني خايف يكون القير فيه مشكله ,,,

برغم من ان القير ( ماشاء الله تبارك الله ) ,,,


ما كان فيه مشكله قبل دخول الورشة ,,,

[sgl2002]

مشكلتك واضحة يالحبيب

هذي اسلاك البواجي لانها ماهي حقته

ولاتوصل الكهربه مضبوط

كل سياره ولها سلك يناسبها
والبواجي لازم من الوكالة

[abu morya]

مشكلتك واضحة يالحبيب

هذي اسلاك البواجي لانها ماهي حقته

ولاتوصل الكهربه مضبوط

كل سياره ولها سلك يناسبها
والبواجي لازم من الوكالة


البواجي من نوع ( AC Delco )

برقم البواجي الأصلية ,,,

[عبدالرحمن الحربي]

أخوي أنا عندي كابرس 2004 صارت معاي هذي المشكلة بهذلتني فوق سنة كاملة

فقط عند بداية اللمشي بعد التشغيل خصوصا أيام الشتاء

أول ماتمشي تدعس لها بنزين وتوصل الدعسة لأخر شيء والسيارة يادوب تمشي 10 كلم

ثم بعد ماتمشي لها حوالي 100 متر يرجع لها عزمها وخلاص تمشي معاك تمام حتى تطفي السيارة وتبرد

المشكلة لفيت الورش كلها لين إذا جيت الورشة ما يصير شيء

وكل واحد يفتي لي فتوى تصدق غيرت البواجي وأسلاك البوجي ومنظم دخول الهواء للكلبيتر وجميع فلاتر السيارة القير والكلبليتر وكل شيء ولا نفع كلفتني هالأمور حدود فوق 4000 ريال

بالأخير رحت الوكالة حقت الجميح في بريدة
وإكتشف المشكلة عامل فلبيني عندهم سلك قيمته 125 ريال وتركيبه 50 ريال ، اللي فهمت من الفلبيني هذا السلك عندي محترق ووظيفته إنه لما تكون السيارة في الترس الثقيل لسى باردة ماتحركت وتحتاج تتحرك
فإنها تحتاج عزم إنطلاق قوي شوي فهذا السلك ووظيفتة إنه يرسل للكمبيوتر السيارة أول ماتحطها في ال D
أوامر أن تضخ البنزين بالطريقة اللي تعطي السيارة قوة الإنطلاق من السكون إلى الحركة.ثم إذا تحركت السيارة خلاص ينتهي دورة أوتوماتيكيا.
الفلبيني يقول إن السلك هذا يقول عادة يحترق إذا كنت تكثر من الدعسات القوية المفاجئة أو إذا كانت رجلك ثقيلة في دعسة الإنطلاق على طول

[أصيل حجآ زي]

يــأسـتآذ / أبو مريع

عيدك مـُبآرك وسعيد وبــعد :

لا تقبل الا قطع غيآر ومـُبردآت وزيوت وصفآيآت وبوآجي وأسلاك جي أم GM الأصلية

ولا تقبل منهــُم أي سي ديلكو التجآري .
حتى لو وصلت الدماء الرُكب { أو زيوت الهنود الرُكب } .
ههههههههههههههههههههههههههههة

يأخي قطع وبطآريآت ويزوت وبوآجي أي سي ديلكو ضعيفة ولا تصلـُح لك .

غير البوآجي والأسلاك بأصلية صنآعة جي أم GM فقط .

كــيـف تـغـيـر ا لــبـوآجـي وكـيـف تـقـراء مـؤ أشــرآتـهـا { دلالات} الخرآب من لونه (http://www.mekshat.com/vb/showthread.php?t=254734)



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)



د رس في / لــو نــط { خـرج } بـوجـي أشــعــآل مـن مـُحـرك سـيـآ رتـك ؟؟؟ ما الحل ؟ (http://www.mekshat.com/vb/showthread.php?t=237847)