سوأل عن عبور الحباري السنه هذي

[مقناص الكويت]

سلام عليكم

عيدكم مبارك وعساكم من عواده

وكل عام وانتم بصحه وعافيه


سوألي لصقاقير السنه هذي الحبارى قليله ولا كثيره ...؟؟

طبعأ السوأل عام موجه لجميع دول الخليج

وانا ولله بالكويت السنه هذي ماشفته لاطايره ولا موقعه ولا جره

وطبعأ الرزق بيد لله مضمون بس مستغرب السنه هذي اعتقد قليله الحبارى واذكر ولله اسمع افلان صاد وفلان راحت عليه وحده وفلان شاف جره بس كله كلام يعني مو شوف العين

وسموحه طولت عليكم ونشوف رايكم بالعبور السنه هذي ولله يرزقناء وياكم

[الحمش1]

والله ياخوي

ان الحين راحت 10 حباري ماصادو ولا وحده السبب يهدون طيور وتشابك


وبالحفر سمعت لاقين 8 ومادري انصادن ولالا

وفيه بس حبارتين اللي انصادن باذن الله السنه سنة خير بس انتظر شوي

[مقناص الكويت]

والله ياخوي

ان الحين راحت 10 حباري ماصادو ولا وحده السبب يهدون طيور وتشابك


وبالحفر سمعت لاقين 8 ومادري انصادن ولالا

وفيه بس حبارتين اللي انصادن باذن الله السنه سنة خير بس انتظر شوي

لاهنت علي التباشير الطيبه ولله يرزقناء وياك

ونشوف اعلوم اربع وان شاء لله ماهم مقصرين معنه

[شلهووب]

ابد لاول امس وحده

[نمر الصحراء]

عليكم السلام ورحمة الله وبركاته
وأنت بخيراخوي مقناص الكويت اناأشوف السنه سنت خيرماشاءالله اناصايدللحين 8في شمال العراق

[الحربي أبوذيب]

إن شاء الله سنة خير

والموسم ببدايته وانا اخوك والارزاق بيد الله

[(هزاع)]

الرزق بيد الله

[مقناص الكويت]

جزاكم لله خير وان شاء لله سنة خير علي المسلمين

ولله يرزقناء من واسع فضله

[توآفيق]

وعليكم السسلام

ويا هـلآإ ، ومرحبا ، وعلينـأ وعليك يتبـإرك وكل عام وانت بخير


ويـأ طويل العمر ان شاء الله موسم خير ، من بعد الامطار الي اول يوم العيد :D

وانا الي سمعته وشفته بنفس الوقت :D حباره راميها خوينـآ وباعهـآ قدامنا ، كسـير

ووامس متقابل معا رجال يقول اخوياه طارحين حباره بس الاكيد 100% حقت الكسير ماهي كلام :D


والله يوفقنا ويوفقك ويوفق من يقرى،ـآإ

[مقناص الكويت]

لاهنت اخوي توافيق وانا ولله اسمع بالصيد بس ماشفته السنه هذي

بس اعتقد السنه هذي عندنه بالكويت الحباري قليل والله يرزقناء وياكم

[فهد الشرقيه]

يامقناص الكويت والله انك على حرف صواب أنا بالشرقيه من الدمام المطار الى الزور
قليل قليل قليل الي سمعنا انه صايد حبارى والا شاف جرتها بس يقولون السبب ان
الجوارح الصقور طرحها واجد

[راعي مرعوب]

السلام عليكم ورحمة الله وبركاته
ابشركم اخوكم خالد الرشيدي العضو alrshedi
توني مكلمه وطارح حباره بجنوب والله يرزق الجميع يستاهل
ابو وليد ومن يقرا والله يوفقكم ان شاء الله

[ظاري]

السنه ذي سنة خير كل الجرات اللي شفتها جرات أخربه كل جره أكبر من الثانيه

[الباتريوت]

السلام عليكم حبيت اشرح وجهة نظري كرما وليس امرا
( عبورالحباري هالسنة قليل جدا العام مثل ذا الوقت صايد 7حباري )طبعا الاسباب حسب نظري كالتالي :-
1- السبب يعود للحسد اللي صاير بين الاخوان
2- المناخ لم يتعدل لحد الحين برد هواء عج جنوبية اغلب الاوقات
3- مكان الحباري المعتاد ( المدرج ) تلقي فية 3الي 4 عزب ومخيمات
4-الله يعز الرجال والملائكة كثرة الكلاب السائبة خاصة بالساحل الشرقي وين توقع الحباري
5- طبعا مناطق العبور رؤسيا وماجاورها يكافحون تكاثر الحباري بالمبيدات وقت التفريخ
6-للاسف الشديد كثرة القناصة ولو تلاحظون حتي النساء ( العجايز) (البزران)(الرعيان) قانصين كلا يبي يبيع الحباري
7- فية شي لااستبعده ان فية حد من الأمراء او الشيوخ او الشركات العاملة في التفريخ وانتاج الصقور لم يعطي الأوامر باطلاق حباري الي منطقة الخليج وهالسنة ماطلقو شي فكروا معي هل فقدان الأمير سلطان بن عبدالعزيزرحمة الله له بيانات هذه السنة علي العبور كل شي جايز
طبعا انا اتكلم من الخفجي لغاية الجبيل علي الساحل وماجاورها في اليوم تعبر 2 او وحدة ومافية عبور والله يالربع سياراتنا لاتقل عن 13 سيارة مافية حباري ابد عسي الله يجيب الخير
وطبعا حتي الطيور كثيرة في المحلات معاد حد يشتري ولا عاد يبي الطيور شالسالفة طبعا اسباب كثيرة جعلت طاير الحباري فعلا مهدد بالانقرض واجزم انا ان انقراضها وعزوف كثير من الصقارين قريب جدا وانا الان بداءت بالعزوف واسوم علي الطير والجهاز والدربيل مابي ذا المقناص والله ثم والله ينعاف وتقبلوا تحياتي واسمحو لي

[السجل المدني]

السلام عليكم ورحمة الله وبركاته

فعلا العدد قليل جدا والمقانيص واجد مامر شغيه ولا عوشزة الا وعليها اثر سيارة حتى بعض الحبارى ان وجدت تنصاد بالبنادق لان بالشمال مقانيص للجرجس و الدحاريج و الدرج والكدري ويصادفون حبارى ومالهم عن البندق وتحصل راعي الطير يتمنى بس لو يشوف اثر حبارى يونس نفسه فيها و قله الامطار له دور بعبور الحبارى

الله يرزق الجميع

[نوماس ابوفهد]

يالله تجيب الخير لنا

[قرناس شماالي]

والله ناس شافت جرر وكم واحد صاد سمعنا
اما شوف والله ماشفناها
والله يجيب الخير

[@قرناص@]

العبور هالسنة طيب ،،

والله يرزق الجمييع

[ردّاد]

فيه حبارى لكن ماهي مثلها العام واللي قبله اقل بواجد

وعلى قولتكم القنوص واجد والرزق على الله

[انكر]

اسبوع الراح لقين سبع اجررر والله يرزق الجميع

[مقرنس السمك]

مساء الخير على الجميع ....!

الشئ..! بالشئ..! يـذكـــــــر...!

في فترة إجازة عيد الأضحى المصيود ما قبل العيد بيومين ثنتين وحدة صادها واحد من الربع بطيره لقاها جررررة وقصها وطلع الطير ومعه فرخ , .. هد الفرخ وطارت وحاولها مرتين وحل عنها وهد الحر طيره الأول وجابها ..!
أما الثانية فتبعد عن محل الأوله حوالي 20 كلم جنوب شرق طارت قدام واحد من الجماعة وبندقه معه ويمدها عليها ولاها تركب بعضها ويجيبها الله ..!
وبثالث أيام العيد أنا لاقي جرتها بطرف قرنة من شعيب وقاصها مسافة كيلو ونص وهي تمشى وترعى وجهتها وحدة تمشي على الوجه ليييين طلعت لها مع سماااار وضاعت الجرة ولا لقيتها ورجعت لها من بكرة ولا لقيت لها أثر بالمنطقة كلها ...! لكن سمعت عقب كم يوم إن فيه وحده مصيودة يوم رابع حول هاك المنطقة ..!بس مأدري مصيودة ببندق وإلا طير ..!!؟