ليش يا أهل مكشات ما تعرضون مواضيع عن هالقزوز؟ انظر بالداخل

[سدرك]

ليش ما احد يتكلم عنها ولا يطريها إلا في مواضيع نادرة جدا!!!

مع انها ارخص المواقد أسعار!!!! وأقواها شعلة؟؟؟!!!
يعني مدري وش ناقصاها والاخوان يشترون قزوز عينين ب 600 ريال !!!!!!!!!!!!!!!

هل بسبب صرفية الغاز؟

http://www.mekshat.com/pix/upload01/prof018/mk40450_dsc05706.jpg




http://www.mekshat.com/pix/upload04/images151/mk90804_111.jpg

[شاص نيسان 93]

هذي ما تنفع الا في البيت

ولا في الكشته تاخذ مكان في السياره
فيه اصغر منها واداء افضل

والان المتوفر منها الصيني فقط اما الايطالي معد له شوفه

[سدرك]

هلا اخوي شاص

يعني ما فيها إلا سلبية الحجم فقط؟

فيه نوع يجي منها ينسفط ورجليه تتسفط ويطلع اصغر من شنطة البريموس الاحمر

وش باقي بعد من سلبياته ..............

[ولد روووق]

والله انها في بالي من يوم العيد اللي عندنا نفس نوعيتة يمكن عشرين سنة لكن الموكد ثلاث طعش سنة وادائها لايعلي علاها تنفع لكل احجام القدوروتنفع للقهوة والشاهي والايطالي علاك ابه اما الصيني مادخل مزاجي فيه قز مبطي عندنا ماشاء الله علاه ماذكر نوعيتة يغطي على القزوز التالية

[ابوفهد سليمان]

هذا قزي اللي بسم الله عليه قايم بكل الواجبات بكل قوة :)

عمري مااقتنعت بهالشنط من بريموس وغيره .. اوقات اقول مابقى الا ينقال فيها شعر من كثر الوصف والمدح

عموما تبقى القضية ذوق يختلف من شخص لآخر .... (كل عام والجميع بخير .. ابوفهد )

[FORD1969]

هالنوع معروف عند الجميع صغير وكبير ومألوف للناس ولا يحتاج رأي خبير في فايدته وقوته وتعدد مهامه


لكــــــــــن وناخوك المكشاتيه دائماً يبحثون


عن ماخف وزنه وقل حجمه لسهولة تخزينه وضفه


خاصة الطرقيه والبعض منهم راعي كيف في القزوز وتروح طلعته وهو ماتعدى القز ياأما منمل الشعله ولا معليها ولا يحوس في ليات الدبه ....<مثلي



وما اخفيك عندي قزوز مثل هالنوعيه لها سنين ومنين ابو عين وعينين وثلاثه محتفظ فيها ويجي لها حاجتها مثل طلعه بر اكثر من اسبوع تخييم كشتته مزرعه ..الخ


بالتوفيق

[ابو عزيززز]

اخوي

هذا موضوع عن قز الفوكر اللي انت حاط صورته

http://www.mekshat.com/vb/showthread.php?t=403154


وهذا موضوع آخر عن القزوز

http://www.mekshat.com/vb/showthread.php?t=393588

[ابومحــ م ـــد]

ياخي العزيز كلامك صحيح لكن تذكر ان اول شي الشي عشاقه الحين فيه واحد يشتري سياره بمبلغ 260 الف ريال وفيه سياره بمبلغ 25 الف وتقوم بنفس الخدمه لاكن الشي عشاقه اولاً ثاني شي على ماقالو الشباب ماخف وزنه وحسن عمله بعدين القز الشنطه فيه 3× 1
1- ذرايه منه وفيه
2- قداحه ما يحتاج تشيل كبريت وقداحه خارجيه
3- مثل الفرن تحت العين صاجه تقدر تضعه فوق الفرشه واذا فاحة القهوه والشاي ما ياصل الفرشه
واهم شي انك تضعه في الموتر داخل شنطه شراع تنزاني ولا يحتاج ينزل للبيت ولا ياثر على ديكور الموتر .
وكل عام وانتم بخير

[GMC79]

هذي اللي تجيب الهم وترفع الضغط

شعله تلعب وتسود المواعين وناره بارده القدر يجلس ربع ساعه ما فاح وتطفا مع نسمه الهوا

هذا غير الوزن وتوسيخ السيارة بالسنو

الحين انعم الله علينا بها القزوز الطيبه غاليه صحيح لكن تستاهل والله

[يسار الجابي]

السلام عليكم جميعا
أعتقتد والله أعلم أن هذه الأنواع من الواقد هي
كالجندي المجهول
الذي لانقدر دوره و أهميته
وشكرا

[سدرك]

هذي اللي تجيب الهم وترفع الضغط




شعله تلعب وتسود المواعين وناره بارده القدر يجلس ربع ساعه ما فاح وتطفا مع نسمه الهوا


هذا غير الوزن وتوسيخ السيارة بالسنو



الحين انعم الله علينا بها القزوز الطيبه غاليه صحيح لكن تستاهل والله


أي نار بارده الله يرحم والديك

بالنسبة للشعلة لازم ذراية

وتسويد المواعين يمكن قزك خربان ولا يجي في كل قز مسمار او صاموله لوزنية الهواء مع الغاز

وانت جرب اي قدر وحط فيه لتر ماء وضعه على شنطة البريموس وضع قدر ثاني على القز الاسود الايطالي او الصيني وبتشوف النتائج قدام عيونك

[ع العمرو]

لكل زمان رجال ودولة.!!

[عبدالله 102]

من اكبر عيوب هالقزوز ان مامتها ١٠٠ وايضاً مع الهواء ما يتركز لهبها في الوسط
ويصير اللهب يروح يمين ويسار

[عفشك مكمل]

يالبيه

هذي وانا اخوك لها غلاء ومعزة غير القزوز الي نحتفظ بها من بريموس وغيره

هذي ماتطلع الا اوقات الشدايد

يا يكون عندك مخيم ولا كشته فيها عالم ولا شيبان مايواطنون حركات قز بشنطه و تفكيك وتركيب

عندي واحد له 40 سنه

تبيني اسحبه في كشته للثمامة ولا الخرارة

[سدرك]

يرفع للمزيد من الاراء

[راع حائل]

هذي قزوز العز

[S U L I M A N]

قز جبار بمعنى الكلمه

[الخفاره]

له فالمزرعه عند العمال من 84 ميلادي وشغال 100%