هذا الي لاحظته بالهايلكس الجديد

[ابوهاجوس1]

كان معي ياشباب هايلكس 2005 وبعته وشريت 2010 ولا حظه الجديد افضل من القديم بصرفيه البنزين اعبيها 10 ريال ويجي فيها النص وصرفيتها حلوه مره كانها كورلا خصوصا داخل المدينه وغير ذالك خفيفه نفس والله انها موتر وفرق بينها وبين القديم بس مشكلتها الصدام الأمامي وغيرها لاتدور شي

[شبل داورد 1]

موتر ديره صح
بس البر ماتصلح أنا مجرب 2007 على نزلتها
عند البل وفي البر تندمر

[حس حس2009]

كلامك 100% الجديد افضل من القديم وعن تجربه اول معي2002 وبعته وشريت2009 حسيت ان الجديد افضل سواء داخل ديره او في البر واقوى صبر بس مشكلته الصدام الامامي

[علاوي المكاوي]

كفاية مدح بكرة يرفعون سعره......

خلي مدحك لنفسك والله يعطيك خيره ويكفيك شره لا تمدح سلعة وبكرة ما نقدر نشتريها خل الوكالات على عماهم ولا تسوي دعاية لهم بالمجان....

[RooMe]

كفاية مدح بكرة يرفعون سعره......

خلي مدحك لنفسك والله يعطيك خيره ويكفيك شره لا تمدح سلعة وبكرة ما نقدر نشتريها خل الوكالات على عماهم ولا تسوي دعاية لهم بالمجان....


:good2: :good2: :good2:

والله انك صادق الحين موديل 2005 في جده وصل 80 الف :looney: والله اخذ جمس بسعره :Dوعلى الزيرو كمان

[Abusliman]

موتر ديره صح
بس البر ماتصلح أنا مجرب 2007 على نزلتها
عند البل وفي البر تندمر


يمكن الموتر مهب مرفوع !!
الهايلكس لازم تنرفع عشان تجهزز للبر
بس عاد لا تقارنه بالشاص
بس تحمله بطططل بالبر والديرهـ
بس فيه مشكلتين فقط
قواعد الرديتر بلاستيك ( له حلول بسيطه) + الصدام الامامي
والباقي توووب

[ابوهاجوس1]

والله الهايلكس انها أبرك من الشاص مطبها اخف من الشاص وصرفيتها خفيفه وغير ذالك موتر بر وخط

[سايق الريم]

^^^^^^^^

تقارن الهايلكس بشاص !!!!!!!

حمل الهايلكس 50 كيس شعير وحمل الشاص 50 كيس شعير

الهايلكس انا جربته الجديد فيه عيووب واجد بذكرلها لك

1/ اصوات المرتبة الخلفية تشغلك بالوزوزه
2/الكلتش جداً ضعيف تطلع ريحته بسرعه على ادنى شي
3/الديكور الداخلي (الطبلون) يتفكك بسرعة للاسف اذا كنت تمشي بجلد كثير
4/ وزوزة الصندوق هذي اكثر شي مكرهتني بالهايلكس ومافي هايلكس الا وفيه هصووت
5/ تصفير البيبان الاماميه على 150كم خصوصا اذا كان فيه هواء تضطر انك تهدي وكذلك الفورتشنر فيه بعد
6/ الصدام الامامي ياكثر ماتنفك كلبساته
7/ مكينة 4 سلندر وتشيل 5.5 لتر من الزيت !!!!!!!!!!!! وش بقى لمكاين v8
9/ احنى وصلنى بعام 2012 والاريل الى اللحين يدوي !!!!

[المنطلدز]

والله يا اخوان ان الهلكس الجديده هك

كان مع خوين لي هلكي 2007 ادا دخل من البر اشوفه يجيب شفاط اكرمكم الله ويشفط الطعوج من البدي بسبت المناقز يتعوج البدي بلاستيك
غير تسذا الكلتش حبستين له ويروح
والديكور يطيح على طول
وباعه الرجال وشرا 2004 غماره
ماشاء الله عز الله انه موتر
نمشي 130 ونرقا نفود ولا تصبخ ولا شي والديكور مايتفكك والكلتش ماتطلع ريحته
والداخليه اوسع من البقر
الصراحه عز الموتر

[مكسر الشوك]

الصدام لازم يغير واذا عاجبهم البلاستيك اقل شي زي صدام اف جي ولا الشاص