سؤأل لاهل الدهنا والي حولها لو تكرمتو بيض الله وجوهكم

[سندباد الخليج]

بسم الله الرحمن الرحيم



اخواني المكشاتية السلام عليكم ورحمة الله وبركاته



مدري هل الدهنا فكو عنها الحما والا توهم


واذا ما فكو حماها من الي عنده خبر عن فك الحما عنها تكفون يعلمنا بيض الله وجوهكم جميع



ذبحتنا الجدران والمزفتات

[سندباد الخليج]

للرفع للي عنده علم

[سندباد الخليج]

معقوله ما احد يدري ولو واحد يقول مدري على الاقل !!!

[الصقر المهاجر]

ابشر بعزك يا سندباد الخليج
مـــــــــــــــــــدري وانا اخوك
بس والله علشان خاطرك
دمت بود وعافية
:D:D:D:D:D:D:D:D

[زايــ ابومحمد ــد]

مرحبا اخ / سندباد الخليج
اذا كنت تقصد الحما اللي كان في العام الماضي
فتراهم فاكينه
اما اذا فيه حما جديد في هالسنه , فما لي علم يالغالي

[سندباد الخليج]

ابشر بعزك يا سندباد الخليج

مـــــــــــــــــــدري وانا اخوك
بس والله علشان خاطرك
دمت بود وعافية

:D:D:D:D:D:D:D:D




بيض الله وجهك اخي الكريم الصقر المهاجر على جبر الخواطر





مرحبا اخ / سندباد الخليج

اذا كنت تقصد الحما اللي كان في العام الماضي
فتراهم فاكينه

اما اذا فيه حما جديد في هالسنه , فما لي علم يالغالي



بيض الله وجهك اخوي ابو محمد

العام الماضي فكو الحما عنها بعد الحج وطلعنا فيها عدة مرات

بس السنه هاذي حموها مرة ثانية وودي اعرف هم فكوها والا توهم

بارك الله فيك اخي الكريم زايد

[المتحـ2007ـد]

الحمى موجود حتى الان

ويمكن يفكون الحمى في شهر 1

والكشتات فيها مسموح بها فقط الرعي واهل الصقور ممنوعين منها

ان شاء الله اني افدتك

[سندباد الخليج]

الحمى موجود حتى الان



ويمكن يفكون الحمى في شهر 1


والكشتات فيها مسموح بها فقط الرعي واهل الصقور ممنوعين منها


ان شاء الله اني افدتك





بيض الله وجهك اخي الكريم المتحد 2007

حقيقة كنت انتظر ردك انت بالذات بحكم قربك للمنطقة مشكور ويعطيك العافية

[عاشق المطر]

ابشر بعزك يا سندباد الخليج..
ربط قشك وشيك على الموتر ولا يردك الا حومة النقيان بالهناء والعافيه على قلبك..
الدهناء محمية عن الرعي واهل الباديه لا ينزلونها (حرام) بحلالهم..
لكن الكشاته الباب مفتوح لهم حتى اهل الطيور اعتقد انهم مايخالفون لان اخوك قبل يومين
ماخذ له ليلتين فيها وكان حولنا اهل جيوب قانصين لهم كراوين بالطيور..
وكان دربك للدهناء مع تمير حياك الله باللي تحتاج او ينقصك في رحلتك الميمونه..
تحياتي..

[فيصل التميمي]

افادوك الشباب الله يبيض وجيههم شد عزبك وتوكل على الله ترى الجو بارد

[عبدالله 102]

ما لقينا الجواب الأكيد أحد يقول محمية و أحد يقول مهيب محمية نبي الخبر الأكيد

[عاشق المطر]

ما لقينا الجواب الأكيد أحد يقول محمية و أحد يقول مهيب محمية نبي الخبر الأكيد

الحمى والحمايه موجودين في منطقة المعيزيله وانت طالع من ام رجوم
لكن مهمتهم تقتصر على منع الرعي واقامة اهل الباديه داخل النفود
الكشاته كل يوم يمرون من حولهم وما فيه مرة تعرضو لاحد او شافهم احد يدوجون في الدهناء بالعكس الكل ماخذ راحته يتكشت ويتمشى بكل حريه,,
هو الحطب الي ماقدر افيدك فيه وان كان فيه ناس تحطب وتطلع من مخارج بعيده عن الحمايه مثل الحيرا على جهة الشحمه,,
تحياتي..

[المتحـ2007ـد]

بيض الله وجهك اخي الكريم المتحد 2007

حقيقة كنت انتظر ردك انت بالذات بحكم قربك للمنطقة مشكور ويعطيك العافية



وجهك ابيض يا سندباد

وهذا وجبنا

واتمنى لك ان تقضي اوقات سعيده

[مراسل العيينة]

الخبر الاكيد عندي الدهناء محمية خوالي في رماح وكاشتين في الدهناء حنا وياهم قريب و النصي لوتشب في نصية قبعت الدنيا وانا مصوره لكن انه في الايفون و لا اعرف وشلون ارسل

[ابوسامي 2011]

هل الابل يتجهزون لدخول الدهنا والمشاركه في ام رقيبه او عرض بعض الابل للبيع ولديهم علم بان الدخول سيكون في 1/1/1433والله اعلم قد يتغير التاريخ حسب رغبه الجهات المنظمه والله اعلم

[سندباد الخليج]

بارك الله فيكم جميعاً اخواني الكرام


على ردودكم وتفاعلكم


اسأل الله العلي القدير ان يجعل ايامكم كلها هناء وطاعة لله لعزيز الحكيم

[عيون الذيب1]

والله ونا اخوك ناس تقول محميه وناس تقول فاكين الحما عنها

عيد الضحيه رح يم الدهنا وحطبت (بس لاحد يدري ) ولاشفت مجاهدين ولا شي


ويوم تمشيت يم النقا ولا الكواشيت بخيامهم لهم كم يوم بعد


هذا اللي عندي

ورح تمش ولا عليك في احد لا نشدوك قل ما ادري ورروح من عندهم على انك بتطلع واقطع كم عرق عنهم وان شاء الله ما عليك خلاف

[ال-رايق]

السلام عليكم ,,
أخوي/ السندباد
الحمى على اهل الحلال ,خذالعلم الاكيد وبأمر مسئول كبير .
بالنسبة متى يفكونه يقولون في الصيف والاسباب طبعا حسب كلامهم عشان المشاجر والقشع الكبار ..الخ
----- لكن يسمحون به او يسمحون بالناس يحيلون او بالمرور عبر الدهناء عشان المزاين ,, ماادري__________
تحياتي لك ومن يقرأأأأأأأأأأأأ