الباترول 2001مكينه 4500 ينشب في الطعس وش السالفه

[سراي-01]

بعد التحيه انا شريت لي باترول الحمدلله نظيف وما فيه تقطيع وغيرت بواجي وسيور وحاجات استهلاكيه .... لكن الاحظ اذا دخلت الطعس وغرزت مادام رجلي على الكلتش الكفرات تحفر واداءه تمام واذا وخرت رجلي عن الكلتش اخاف يطفي يعني ماعاد يحفر ....حيرني هالموتر وش العله يا اخوان ؟
ملاحظه: اول مره اشتري باترول يعني ..غشيم..تحياتي للجميع.

[جرهد]

مبروك الموتر

يفيدونك الشباب اللي جربو الباترول

والله يستر عليك

[sgl2002]

اول شي ياخوي تراك بتحرق الكلتش على هذي الطريقة

ثاني شي هل انت منسم الكفرات

ثالث شي هذا هو الدبل الخفيف بالنفود اذا شبكته وانت مغرز غراز شين او في طلوع يبرد عزمه ويطفى

رابع شي اذا انت بترقى او بمكان تغريزه خفيف خلك على الدبل الخفيف

اما اذا ماتجاوب معك بالدبل الخفيف عطه الثقيل اريح للمكينة والكلتش

والكلام هذا عن تجربة بالجيوب ( لاندكروزر + شاص+ باترول معي الحين )


يعني لاتخاف وترى يوم يطفى بسبب الدبل الخفيف وانت معلق بغراز شين والا بطلوع ، وتزيد اكثر اذا كان الهواء فل في الكفرات )

[سراي-01]

اولا شكرا يا اخ جرهد . ثانيا الاخsglشاكر تجاوبك طال عمرك... 1-منسم الكفرات2-معشق الخفيف ............ اممممممممم افهم من كذا من يوم ينشب اعطيه الثقيل احسن ولا اقعد احاول فيه بالخفيف هل الكلام هذا صحيح.

[مسفر الاكلبي]

اذا نشب الموتر الثقيل اريح له لأن محاولاتك بالخفيف ممكن تحرق الكلتشات

وصاحب الرد رقم 3 وفى وكفى

[fiasl]

صحيح اخوي ,,,,,,,,,,,,,

[مضارب بني حرب]

الدبل الثقيل لازم قبل ما تنغرز الكفرات ويوصل التراب الى الدفرنس ممكن مايطلع حتى بالدبل الثقيل
انا صارت معي قبل امس وما طلع الين نسمت الكفرات وحفرت من خلف الكفرات الاربع وسويت طريق للكفر
وهذي الحادثة علمتني ما استهين بطعس ابد ابد

[vetec 2003]

انا ماشي على قاعدة في الدبل شوف اخوي لا تتعب موترك و لا تتفلسف بالخفيف اذا تحس انه ناشب في الرمل
اذا خسيت ان التغريزة ثقيلة و الرمل ناعم و عميق انزل عن موترك وخف الهواء على 20 او اقل ثم حطه باثقيل و شغل الدف لوك اذا عندك ثم امشي عليه بالراحة و لوحاولت تشيل الرمل من على التواير ازين و ازيد لكن من غير حفار . بعدها تحاور مع موترك و اعرف وش يبي لا تغصبه على شي ما يحبه حتى ما ينكبك و طاوعه حبه حبه الين يتحرك اما وخلف الين تشوفه ارتفه و بدا ييتحرك بعدها رجعه على الخفيف وانت واقف طبعا ثم امشي و طامر من طعس لطعس و سلامتك هالكلام من تجارب كثيرة

[كـاشت]

اخوي مبروك الموتر والله يعطي غيره ويكفيك شره
انصحك عشان تقوي عزمه تحط له طرمبة بنزين حقت باترول 2003 فتك اصغر واقوى وبتلاحظ الفرق حتى في الطعوس

[هويدي]

اول شي ياخوي تراك بتحرق الكلتش على هذي الطريقة

ثاني شي هل انت منسم الكفرات


مؤيد للكلام وبقوه وهالحركه هي اللي تعدم الكلتش
نسم واذا برد عزمه بأثنين رده لواحد النيسان ميزته يلقم بواحد حتى ونت تمشي

كفراتك وش نوعها ؟

[سارق الكحل]

اولا مبروك السيارة والله يعطيك خيرها ويكفيك شرها

ضغط الهواء خله 18 ( اشتر ماطور هواء الله لايهينك عشان تعبيه اذا جيت راجع للديره )

وانتبه من حركتك ترى الكلتش بتطلع ريحته وبينعدم

اذا صار لي مثلك أعطي السيارة عزم يعني دوس على البنزين وهو واقف الى ضغط 4 وارفع رجلك على طول من الكلتش بسرعه كلها وشف مع تحريك الطارة باتجاة النزول ياشيخ يحرث الطعس حراث

استغرب من الي معه باترول ويبنزل يحفر
وش فايدته اذا بحفر له اشب فيه بنزين كذا واشترى كورلا

او ركب بالون مع ضغط هواء خفيف ياشيخ تنسى الدبل الا مع الطلوع القوي

[سراي-01]

اشكر كل من شاركني موضوعي كلن بسمه.... الاخ كاشت :طرمبة البنزين 2003 تفرق في صرف البنزين واللا لا ...... بعدين على طاري العزم ذا الباترول يعذبني عذاب لين ياصل في ممشاه 198كم هذ في نزول بعد.... من ايش مدري ؟؟ والاحظ عليه يدخن اسود اذا دعست له وهو واقف مدري من ايش.... الاخ هويدي: كفراتي دنلوب عراض اللي حول شد بلد . لا عدمتكم,,

[sgl2002]

اخوي الدخان الاسود هذا من الكلبريتر اذا كان موترك ماهو بخاخ

ويحتاج تنظيف الكلبريتر

وطرمبة الفتك اذا كان موترك كلبريتر ماتركب عليه

[sgl2002]

الدبل الثقيل لازم قبل ما تنغرز الكفرات ويوصل التراب الى الدفرنس ممكن مايطلع حتى بالدبل الثقيل
انا صارت معي قبل امس وما طلع الين نسمت الكفرات وحفرت من خلف الكفرات الاربع وسويت طريق للكفر
وهذي الحادثة علمتني ما استهين بطعس ابد ابد

انا اتفق معك كل المواتر الا بالباترول


انا معي باترول اخليه متعمد الين يعلق ويقوم الكفر يلعب ثم اعطيه الدبل ويفز ما كانه بتغريز

لكن اذا غرزت خذها قاعده لاتدوس للموتر بقوة عشان مايحفر كثير

وابدا تحرك ورا وقدام مع لف الكفرات بهدوء يمين ويسار ولا يتعلق ان شاء الله

اذا فهمت انت كيفية عمل الدفرنس وطريقة تدويره للكفرات فاكيد انك بتعرف تطلع من اسوا الاماكن

[المنيعي1]

اشكر كل من شاركني موضوعي كلن بسمه.... الاخ كاشت :طرمبة البنزين 2003 تفرق في صرف البنزين واللا لا ...... بعدين على طاري العزم ذا الباترول يعذبني عذاب لين ياصل في ممشاه 198كم هذ في نزول بعد.... من ايش مدري ؟؟ والاحظ عليه يدخن اسود اذا دعست له وهو واقف مدري من ايش.... الاخ هويدي: كفراتي دنلوب عراض اللي حول شد بلد . لا عدمتكم,,

تصفية مكينة + فرارات سود +بواجي بوش

[هويدي]

الدنلوب طيب نسم الهوا ولا ع ليك خلاف إن شاء الله

كان معي اخو موترك 2001 سلقه 4500 كلبليتر انشط من البخاخ اللي معي حالياً
بسبب اضافه هدرز وفلتر وبواجي واسلاك ومراوح سوبارو وفرارات

الحالي ما اضفتله الا فرارات ومراوح فقط وبيفرق معك الموتر لو ركبتهن خصوصاً المراوح

[سراي-01]

اشكر كل من شاركني في الموضوع كلن بسمه ...موتري سوبر سفاري قير عايدي (بخـــاخ) ومغير بواجي نيسان من الوكاله...ليه بواجي بوش احسن؟؟

[المنيعي1]

اشكر كل من شاركني في الموضوع كلن بسمه ...موتري سوبر سفاري قير عايدي (بخـــاخ) ومغير بواجي نيسان من الوكاله...ليه بواجي بوش احسن؟؟

بواجي بوش تزيد من عزم الموتر

[عفط]

أخوي سراي..
انا معي نفس موترك 99 طلعت عليه لأم حزم بعيد الأضحى صراحة الكلتش عطب مع أني حاط هواء الكفر 20 وغرزت تغريزه عاديه جربت الثقيل بعد الخفيف ومافاد بالأخير حطيت الهواء على 15 وماشاء الله على طول مشى الموتر ولافيه أيت معوقات.. الزبدة من الاخير حط الهواء على 15 وريح بالك

[الصقار3]

امسك تعليمات صاحب الرد رقم 3 وسوتصفية للبخاخات اذا كان بخاخات واذا كان كلبليترترى التدخين الاسود من الكلبليتر والبخاخات ولا تدوس وتوخرعن الكلتش بسرعة راح موترك يدقرللدفرنس ثم تنجبرتحفر عن بطنة الموتر كله مع الطعوس لابدتسايسه شوي شوي .

[سراي-01]

اشكركل من شاركني كلن بسمه (شكر خاص لsgl) اجل الدخان الاسود من البخاخات يحتاج لها تنظيف اممممممم....طيب في الوكاله احسن واللا اي ميكانيكي ,,, صقار3 شكل سارق الكحل ناوي يورطني في تغريزه ابيع الموتر بعدها ههههههه امزح ... تقبلوا مني التحيه.

[مخطور]

السلام عليكم جميعا
بالنسبه الى اخوي سراي -01
انا كان معي اخو موترك موديل 98 سوبر سفاري قير عادي
ياله يوصل بالخط 190( رغم السرعه الزائدة مستمره خطر عليك) وبالنفوذ ثقيل وعليه كفرات بالون مايمشي بسهولة ويغرز

الحللول

1- بالخط ركب عليه هدرز ومراوح سبارو وراح تشوف الفرق وصرفية البنزين اقل بس مع الوقت راح يحرق الزيت معك بسرعه وينقص الزيت الى نصف علبه او علبه اذا تجر نمره عليه واجد (كل 5 الاف كيلو)

2- بالنسبة للنفوذ نزل الكفرات عشرين وخله دبل خفيف مع الهدرز والمراوح الكهربائية راح تشوف الفرق والخفه بالرمل
وتقبل تحياتي ،،،،،،،

[سراي-01]

لاهنت يا مخطور لك مني اجمل التحايا

[عبدالاله 123]

الهواء اهم شي اقل عشرين

[YUKON_GMC]

سلم لي على الامريكي - الجمس واليوكن مايعرف بردة العزم

انا جربت السفاري عدة موديلات والتويوتا 93 و 97 وبعدهم الامريكي عزمه بالخفيف اقوى من عزم الياباني بالثقيل بس فيه عذاريب اخرى تخرب عليه

ولاحظت ان بردة عزم الياباني بالخفيف طبيعيه حتى لو الهواء 10 ولكن السفاري اذا دخلت الطعوس عشق الثقيل بس لاتعدي السرعة 30 قبل يغرز .. اذا غرز مافيه فايدة اغلب اليسارات تنشب ولاتطلع الا بعد الشين حتى بالثقيل
ولاتلف بقوه تكسر العكوس وبكذا يقوى عزم الموتر معك بدون تضر المكينه والكلتش والثقيل مايضره دام سرعتك ماتزيد عن 30

مجربها بالنياسين الموديلات القديمه 90-91-93-97 وناجحه 100% ولاتضر الدبل بشيء

[العتيبي 88]

السلام عليكم ورحمة الله وبركاته

ياغالي موترك مافيه الا العافيه بس يبي له تصريف حلوو ..

خذها قاعده اذا نزلت للنفود .. نسم الكفر على 15 وروح بدون دبل .. انا معي اخو موترك وانسم الكفر واقد افر فر على راحتي بدون دبل ..

واذا تعلق الموتر .. برباضه عليك بالخفيف والدفلووك وشوي شوي قدام وراى ويطلع الموتر ..

[سراي-01]

عبد الاله..يوكن..العتيبي......بيض الله وجيهكم